 E puru simu |
| A CARLU Fa core vogliu l’inchjostru Chi meriti d’esse scritu Amicu e pueta nostru Un puddia micca sta zlttu A un fattu cusi Inghjustu Chi mi pùnghje oghe u pettu O Carlu la to presenza Quant’ella ci manchera Nentrà tutte l’assistenze Induvellu ci vulia a far rimà Zenza fassi troppu aspettà Ava ti n’hè si andatu Ma di noi un si luntanu U to versu ci ha incantatu D’invernu e di veranu Parlava di u passatu Di l’avvene e di l’umanu Ava compiu qui stu cantu Scrittu di core sinceru Era un duvere tamantu Chi un’ere micca stangeru Ere pienu di talantu N’hè seraghju sempre fieru AUROPA DI LI CHJUCHI L’avvene sbunuratu Tale un cundanatu a morte Quandu s’aprenu le porte Di l’ultimi centu passi L’avvene che tu m’offri Rigalu invelinatu Chi ghje statu arrubatu A lu sudore e a lu soffre Auropa di li chjuchi Alza la voce e fatti sente Fatti dolce o viulente Per ùn più cunnosce inghjulie L’avvene ie ci credu Incu la sa mudernita Incu a sa voglia d’ingrandà In ogni paese u so veculu L’avvene ie ti vogliu Senza differenza alcuna Senza ch’ellu ne manchi unu Nome in lu to fogliu Auropa di li chjuchi Alza la voce e fatti sente Fatti dolce o viulente Per ùn più cunnosce inghjulie Avvene ti camperaghju Incu una vulunta d’esse Cum’a liberta si tesse Un’avvene ti deraghju Avvene site voi Figlioli di dumane Inseme datevi la manu No a l’Auropa senza noi Auropa di li chjuchi Alza la voce e fatti sente Fatti dolce o viulente Per ùn più cunnosce inghjulie In l’Auropa ci si tu Corsica Maraviglia Ch’ùn s’arruba, e ch’un si piglia In sta Auropa ghjucu, campaci ancu tu CORSICA SUNNIATA O Corsica sunniata Tantu e tantu volte Bella cume una dea Tu, petra landana Oghje mi si presente E tai stugge lu male Chi rode la mio anima Tale una mubba feroce In cerca d’anima sfida La to presenza, forte Cume una stazzona Chi lu martellu batte, Scioglie la paura E rinasce lu sperà Ma chi ne serà dumane Di lu ta populu arradicatu Chi si perde in lu mutà D’una nova sucietà Chi stantare sacrate Testimoni muti di lu to diventà Alzerai per l’eternita CREDE IN TÈ E vogliu crede in tè Cum’ellu si crede in Diu Viaghju a fiancu a tè E la notte, e lu ghjornu Vogliu mughja l’eternu Al dillà di lu mondu E tumballu l’infernu E la notte, e lu ghjornu E vogliu crede in tè Omu di u lindumane Tu chi sai stantà ‘Cu le to duie mani L’avvene amaestratu Quessu ghje lu to pensà Tuttu cio che t’hai dattu Un’mi ne possu scurdà Eiu vogliu crede in tè Omu di a notte e di u ghjornu Scrivanu ô teatrinu Operaiu ô pastore In lu figliolu chi nasce ‘He sparpesa la mio speranza In ogni pecura chi pasce Si sparghje a mio indipendanza E vogliu crede in tè Omu di u lindumane Tu chi sai stantà ‘Cu le to duie mani L’avvene amaestratu Quessu ghje lu to pensà Tuttu cio che t’hai dattu Un’mi ne possu scurdà E vogliu crede in tè Pueta di l’oghjincu Tù chi da lu to sapè Un’hai fattu finta So cantu sta canzona ‘Cù sta vocce arrabiata Vogliu ch’ella risoni Ancu s’ella ghje ghergata E vogliu crede in tè Omu di u lindumane Tu chi sai stantà ‘Cu le to duie mani Tu chi fai l’avvene Incù lu to pensà Tu chi strughji l’acciaru Incu a to vuluntà MI VULTERAGHJU A tè chi ti si lampata Senza pietà ne rimorsu Nant’a la mio terra amata E lu mio populu Corsu Un ghjornu mi vulteraghju Tu chi hai stirpatu tantu ‘Nù e to guerracie infame Omi chi senza dumandu Hanu aduttatu e to brame Un ghjornu mi vulteraghju Tu chi hai sempre nigatu E stantare testimone Piattù l’eternu passatu A ogni generazione Un ghjornu mi vulteraghju Tu ch’hai vulsutu affuà A lingua di stu paese Per sempre falla stancia Ci hai impostu u Francese Un ghjornu mi vulteraghju Tu ch’hai fattu tracinà A Golu tanti sullati Per peducci a supranà L’hai tombi e marturiati Un ghjornu mi vulteraghju Tu chi ‘cu a to barbaria Imponi u to lindumane Adduprendu la busgia E le to prumesse vane Un ghjornu mi vulteraghju Un ghjornu m’arrizzeraghju Contra’te mi vulteraghju NATALINA Di la lagrima spuntata Tandu a l’orice di l’alba In quellu campu d’amore Dopu tantu amore datu Dopu tantu piace spartu Tù ne fusti ingravitata Mentre passanu i mesi Fior’ suminatu di dicembre Hai crisciutu a palesi Senza nisuna cuscenza Appicata a la to mamma Arradicata a la mio mente A la veghja di lu ghjornu Che tu venisse a ‘ssu mondu Quandu mamma a corpu tesu Ti tenia, umbilicale Quantu belle erete voi Dui cori intricciati Oghje quand’eiu ti guardu Saltichja cum’un agnellu ‘Cun li tc frisgiuli biondi Tale l’ale d’un acellu E li to ochji giucondi Meraviglianu u mio mondu Natalina, oghje si Un pattu in la mio vita Cum’un fiore arradicatu Inacquatu senza fine Di gran’ passione sbucciatu E d’un amore fiddu PER TE O CORSICA Da e cunfine di e mio brame Risona un cantu di speranza Intunatu à centu voci calme Luntane di lutta viulenza Per tè o Corsica Per te o Mamma U ghjornu ci pensu spessu A notte ci sunnieghju A l’ora di l’alegrezza Ch’in sta stonda penciulegha Per te o Corsica Per te o Mamma Hai vistu tanti malani Tante ferite murtale Ava so duie cent’anni Che tu pienghji quessu male Per te o Corsica Per te o Mamma Mille voci canteranu Per te sempre sta canzona Adduniti « n » una manu I to figlioli anderanu Per te o Corsica Per te o Mamma PERLA D’ORIENTE Si ricordu d’un amore spentu Per ogni pena, ogni turmentu M’agrottu spessa, in fondu a te Tù perla d’Oriente inzucherata A to fiura l’aghju impetrata A tengu sempre accantu a me Si u fruttu di le mio canzone Zitella scema di passione Per a terra, o l’innamura Veni ava t’invitu a cantà A l’ora di lu tramutà Seremu inseme, un ti ne fà Sai lu mio viaghju ghjle sempre toi Aio lu mare ava ghje d’ogliu Inseme femucci sunnia Tu perla d’Oriente incursitata Luce ardente di la mio sunniata U pontellu di lu mio vule STRADA NOVA Piglià a strada nova D’un passu più sicuru E a l’alba d’ogni ghjornu Svegliati senza paura Piglià a strada nova Per calpighja st’offese Stringhje l’occhji una stonda Chi e so mani so tese Piglià a strada nova Nant’un cavallu arpiatu Asciuvassi e lacrime C’un fermera salvaticu Piglià a strada nova Per quellu chi si spera Apreli l’ochji a l’eternu Lampali una manu ardita Piglià a strada nova Per un ultima volta Sperendu chi stu viaghju Cambiera a to sorte SUNNIA Sunnia A l’occhji d’una zitella Cristalini di dulcezza A le so mane fatate E a le so dolce carezza Sunnia A u paisolu caru Inneviattu di matina ‘Nu e stonde d’inguernatte O a u sole d’istatina Sunnia Sunnia A a pace di l’avvene Sensa guerra per i zitelli A i populi senza catene Dumane infine fratelli Sunnia A u figliolu chi nascera In casa di li mio sogni A cuella chi u purtera Per imbellisce li mio ghjorni Sunnia |