 So elli |
| A TÈ SURELLA Senti u stridu di u chjonchju Ribumba trà mez’è fronde E u rughju sopra l’onde Di Tavignanu u camonchju Acqua chieta sbond’i muri Oghje nè simu sicuri Ascolta u fiscu stridente Di l’omu addisperatu Nant’è sponde splendurente Ellu cerca l’altu pratu Quellu chì frischja a notte Forse chjamerà a morte Senti ughjulà lu ventu E ‘animali famiti Q uè so voce di spaventu E anime di riniti Streghe maghi surpatore Cresce lu nostru terrore Ma un’appia timore Sippii curagis’e fiera Camina sin’a la sera Senza teme lu rimore Di sti lochi di furore Nè feremu u nostr’albore Tempu ghjunt’a la casetta Trinca versu a Bocca piana Quì ci canta una fuutana E un nè manca filetta Tandu sarè a mio fata Eper sempr’a mio spusata Un trema più zitelletta Manc’un pensa a la morte Un lettinu di liletta Ci ferà fransà a notte E inseme sparteremu A passione chi ci move… E schjarisce u caminu di a notte clandestina. CORE VIVU Cume un batellu chì s’affonda Sbattutu da lu marosu U mè core in la ronda Di l’ore cerca riposu Cumè un chjosu insalvatighitu Ch’un cunnosce più rustaghja U mè core innumighitu Sparisce sott’a lanaghja U mè core terra sfruttata Senza à t’acquàta hè siccatu U ventu scemu di a spiccata Corre in lu mio sangue malatu Cumè ana leccia in la furesta Aghjumpata sott’a la venta U mè core in la timpesta Di li guai è lu turmentu Cumè un prigiuneru languente Volta in la so pagliaccia U mè core fruttu ardente S’hè persu in la to fumaccia U mè core terra sfruttata Senza à t’acquàta hè siccatu U ventu scemu di a spiccata Corre in lu mio sangue malatu Cumè la si tronca l’ardetta Sott’u passu furesteru U mè core toccu di a saetta Sbrighiuleghja d’addisperu Cumè una barca in lu mare Chì lotta per truvà porta U mè core in l’acqua amare Di li to ochji si nè mortu U mè core terra sfruttata Senza à t’acquàta hè siccatu U ventu scemu di a spiccata Paghjella Tante surprese à ssu mondu A l’omu prima di more Quandu mai ellu ci pensa Tuttu cambia di culore Cumu averà fattu a sorte Tantu velenu d’un fiore. Corre in lu mio sangue malatu SÒ ELLI Figlioli di stu sole chì piccia le cuscenze E scrivenu a storia contr’a le preputenze Fratelli di stu ventu chi porta le sperenze Di populu Corsu elli so le sustenze Sò elli Anu fattu a scelta di campà per dumane Acelli di a notte ch’un temenu L’arcane A l’orlu di a machja versu d’altre montagne Sò elli E si tù è so eiu à porghjelli la manu E simu centu milla è un populu sanu Quandu fiurisce a machja à l’entre di lu branu A custruì l’avvene è suminà lu granu Sò elli Sò elli è simu noi machjaghjolu è cappiaghju Fiaccule mai spente da sparghje lu messaghju In lettere di focu à lu mese di maghju Quandu a la turchina cumminciò lu viaghju Sò elli Senza mai stancià nè mai rifiatà Cumbattenti d’onore di Santa Lihertà Parechji sò spariti à o fior’ di l’età Surghjent’è acque linde di lu fium’unità Parechji sò spariti à o fior’ di l’età Surghjent’è acque linde di lu fium’unità. TESTIMUNIANZA A notte pianu pianu, sparghje lu so mantellu Per sti boschi spugliati, tracarchi di sognu Spentu l’ultimu fiatu, si sventa la cucagna, In fondu di lu celu, spunta a prima stella, Per sti bughjali nudi, chì u freddu ha sicatu Un si sente un fiatu, u silenziu nasconde, E u frombu di u fiume, chì fughj’a mezz’è sponde, Ribomba per i chjassi chì a brina ha cutratu. Per sti paesi persi, arrimbati à l’eternu U tempu s’hè firmitu, lascendu tuttu apertu Ste case fallate, sti carrughji diserti Fermanu testimoni, soli nant’un quadernu. Sè tempurale soffia, certe volte si sente Cullendu per i chjassi, u passu di u pastore, U so spiritu chì corre, trascinà u so dulore, S’anima ferita, si sguassa ind’è mente. Certi ghjorni si sente, purtati da li venti U pientu di a terra, chì mughja u so lamentu, A so chjame si sparghje è corre nanta l’onda Per fà cresce in le mente, a sperenza di u mondu. A l’aggrotu d’un scogliu, hè natu un fiore biancu U so lume risplende, si span’in la natura, E a brina chì sguile, cun fedde annacquerà Sumenta in lu mondu, per sparghje LIBERTA… CANTEMU O Corsu si sà Ti piacè à festighjà A ser’à vechja E dinù à cantà Sinà l’alba chjara A festa feremu Canzona cusì cara Cun tè noi ci steremu Vinu da ghjettà Robba da manghjà Lasciemuci andà Un ci femmu pregà Sin’à l’alba chjara Fors’ancu di più Sumenu di ghitara A un puvenne più Ghjacchetta cacciata Barett’incalfate Eccu ghjunta l’ora Di qualch’impaghjellate Quandu l’alba chjara Ci ferà l’occhjata Cù a nostra moglia cara Ci feremu una ballata Tutt’inseme cantemu E am’è cusì sia Cantemu chì vulemu Sparghj’un pò d’allegria. CORSI CI STEREMU Aìo cari aìo care V’invidemu a cantà Per via chì oghje pare Un sapemu più la fà Pare ch’è nostre canzone Parlanu chè di tumbà Ci volenu dà lezzione « Sò furdani què si sà » Corsi ci steremu Cù e nostre tradizione Ma sempre impetteremu A culunizazione Aìo cari aìo care Vichjamemu a festighjà Per via chì oghje pare Un sapemu più la fà I sapient’intenziunati Ci volenu fa passà Per un pugnu d’alienati « Un li lascieremu fà » Corsi ci steremu Cù e nostre tradizione Ma sempre impetteremu A culunizazione Aìo cari aìo care Ci tocc’a fraternizà Per via chi oghje pare Un sapemu più la fà E curnachje e vulpacce Stridanu quind’quallà Simu Corsi per’a pace « A chì prezz’o sgiò cumpà » Corsi ci steremu Cù e nostre tradizione Ma sempre impetteremu A culunizazione Corsi ci steremu Cù e nostre tradizione E inseme feremu A Corsica Nazione. LOTTA GHJUVENTÙ Intorn’ una bandera Un pugnucciu s’hè pisatu Mughjend’a la terr’entera Babbu ghjè incarceratu Ma sò d’un populu fieru E per ellu lotteraghju Francia è to sole sumente So schiavitur’è affani Annacquate di surgente Sanguinose tutti ‘anni Ch’imbruttanu l’innucente E prutège l’assassini Intorna una bandera Mille pugni so pisati Strident’a la terr’entera Libertà per l’inghjuliati Corsica Nazione era Un ci simu sminticati Francia tutt’è to milizie Un ghjorn’anu d’à cascà E tutte lè to inghjustizie Approntati a pagà Aspettendu ssè nutizie Sempre fronte si ferà Lotta ghjuventù L’avvene si tù Lotta ghjuventù L’avvene si tù Intorna quessa bandera Populu si piserà Cantend’a la terr’entera L’alba di a so Libertà Fendu risplend’a lumera Infine di l’unità Francia tandu morcerà In l’umanu a cuscenza Una scelta si ferà Un appia tantu speranza Chì corsu un si scurderà Di tant’anni di suffrenza Lotta ghjuventù L’avvene si tù Lotta ghjuventù L’avvene si tù RICORDI Mi ricordu era zitellu D’un paese cusì bellu Tra lu mare è la muntagna In sta terra di Tavagna A sera ghjunt’a la notte S’aprianu tutt’e porte Chjuchitavan’e canzone In gira quellu fucone Quandu l’alba si pisava Per i chjassi spass’ighjava Ascultendu quellu fiume Spettinatu per e schiume E machje di lu circondu Era tuttu lu mio mondu Ogni fiore chì sbucciava Cun dulcezza mi parlava A ghjuventù hè passata Ma sta terra m’hè firmata Fendu solchi in lu mio core Suminenduci l’amore E fiurisce più chè più Stu ricordu di ghjuventù. SUMENTA Kristoferik Battiteri Da Ghjuvan Bernardu a tè Maddi Landatu duzuen hazia Hè sumenta di libertà Kristoferik Battiteri Da Guidu Orsoni a tè Maddi Kristoferik Battiteri Da Ghjuvan Bernardu a tè Maddi Pitzu duzuen argia Hè fiaccula d’umanità Era kustean bidia In noi sempre camperà. Kristoferik Battiteri Da Guidu Orsoni a tè Maddi A linchjostru di a soria. Zuen odolen goriaz Scrivite voi la mimmoria Bizidalduen zuen gisaz. Kristoferik Battiteri Da Guidu Orsoni a tè Maddi Upopulu smentigherà Zuen hitzailen izena Ma u ricordu firmerà Zuen bisaien irria. De Christophe à Batti, de Jean Bernard à toi Maddi, la graine que vous avez planté est semence de liberté de Christophe à Batti de Guy Orsoni à toi Maddi. De Christophe à Batti, de Jean Bernard à toi Maddi, la lumière que vous avez allumé est une flamme d’humanité, en nous montrant le chemin Elle vivra toujours en nous. De Christophe à Batti, De Guy Orsoni à toi Maddi à l’encre de l’histoire au rouge de votre sang vous écrivez la mémoire afin de vivre à votre rang. De Christophe à Batti, de Jean Bernard à toi Maddi, Le peuple oubliera le nom des assassins mais le souvenir restera du sourire de vos visages. |