 D’umani |
| U CENU Duvia esse cusi quell’ultimu licenzlu Un picculu suttisu un basgiucciu lampatu Duvia esse cusi cu me quand’è sô natu Un ochjata chi dice oghje tuttu hè scambiatu E Issu cenu chi fù eterna strappatura L’avaria vulsutu longu più chè issa vita Pè di ti la cù l’ochji ciô ch’ùn aghju pussutu Di ti di lu mio amore chi u tempu hè ghjelosu E puru tutti iss’anni eo ti tenisti cara Più chè la mio presenza chi fusti cusi rara E sempre a fughjiticcia cum’è issu cenu chjaru Ti rindisti iss’amore datu senza risparu O quant’elle sô longhe isse serate d’inguernu A parla mi di tè in giru a lu fucone E quantu lu mio sonnu s’assumiglia a l’infernu Quantu a l’ispensata eo pensu a Babbone A lu so visu caru chi oramai aspetta Ghjustu issu cenu raru ch’un ghjornu mi mandesti Per ripiglia lu fiatu è fala benedetta lssa mannata di vita chi Diu li lachesti MORU Eccu pur ghjunta l’ora di a cunfina. Hè a fin di u viaghju è a me vela hè stanca. Ghjeu, u porta bandera di a Bellissima latina, Desdemona è Venezia ebbi par carta bianca. Un mandiluchju di seta ricamatu d’incantu Da una Sibila vechja chi di Bast amparo, Saldo a me furtuna purtendu qui u cantu Di i me fatti guerrieri u so cori ingumbo. Socu u Moru scadutu, u vechju arghjetu negru . A pro di u lionu, dissini u me valori. Socu u stessu è un antru, di quissa ùn mi ralegru Chi vinta a turca rabbia , vissini u me culori O ghjilusia infama ! o spavintosu umori ! Un voddu fa vinici a sta peddi d’alabastru. O rosula canina, rispiru u to adori Un « tù » chi fù a me vita, u me focu, u me astru. Socu u Moru scadutu, u vechju arghjetu negru . A pro di u lionu, dissini u me valori. Socu u stessu è un antru, di quissa ùn mi ralegru Chi vinta a turca rabbia , vissini u me culori So Moru, So moru, sè mori, mi morgu So moru, So Moru, sè mori, mi morgu Sè mori, mi morgu di tè … TU Sè a me cridanza tù Un alba di fantasia L’ardori chi mal fù È chl da sempri vulîa. Sè a me baldanza tù una orma di pulsia A richezza, a virtù Di cio chi più ùn cridia. Sè tù l’amori A sacra fonti d’ugni bè, Dulci splindori Un finimondu di piacè, Sè tù l’amori A sacra fonti d’ugni bè, Ch’ in u me cori Sempri è sola tù sarè. Sè a me spiranza tù A purezza, l’armunia, D’issu mondu sè l’insù M’imbalsami d’aligria. Sè ugni impurtanza tù Di campa qui una cria Chi ùn truvaraghju più Cussi bedda cumpagnia. Sè tù l’amori L’ eterna fonti d’ ugni bè, Dulci splindori Un finimondu di piacè, Ch’ in u me cori Sempri è sola tù sarè. UNIVERSAL’ITA Erami ghjuvanotti in circa di scambia A volti patriotti par lu riacquistà Un sonniu citadella ch’ùn vulta stancia Un idea zitella di tempi è tempi fa Ripigliu Avemu fattu un sonniu d’ universita ln dui parolli : universal’ita Avemu fattu un sonniu d’ universita Un soffiu rinnovu in la vechja cita E sô passati l ‘anni à tessa lu t’avè … Ancu à mezu à l ‘inganni ùn si persi u vulè D’ inalzà issu mondu, è iss’isuli di sapè Di fa lu più prufondu par pudè essa sè Ripigliu Ponte E sô stati spartuti issi sumenti in andà E oghji sô crisciuti par lu risuminà … Ripigliu Avemu fattu un sonniu d’ universita ln dui parolli : universal’ita Avemu fattu un sonniu d’ universita Un soffiu rinnovu in la vechja cita A MAZZULI D’AMORE Ma quandu vultara a staghjoni piacè Di li campa invaditi da lu fiori puetu Stu pampasgiolu foltu chi à favori di tè, Sbrumiighja u so puddu in l ‘aria mansuetu . Una bufeghja strana chi tra altri virtù, Arreca à cert’umani un ‘antra ghjuventù. Cultivemu u cunsensu Com’è prima u me fiori. Accueddimu ugni sensu A mazzuli d’amori. Magia culurita di l’ora lapidata O strinta furiosa li curoni insischiti ! Di brasgia hè lu pitalu chi sfida l’abrucata E trinneca a lu ventu par discittà i viti. Stu pitalu di labru à l’orluricamatu Hè vittu u più raru è forsa u più bramatu Cultivemu u cunsensu Com’è prima u me fiori. Accueddimu ugni sensu A mazzuli d’amori. A stonda hè infinita ,a staghjoni rutonda, Par l’amanti chi sani truva sta virita. Pampasgiolu a sapia chi ricusala l ‘onda Di u tempu chi passa , di u tempu chi va He un puteri unicu, una gesta di rè, Hè l’incantu maestru … à favori di tè. SE S’è tù Fermi ‘rittu Quandu da mare in tè Ci piovi a più pudè S’è tù Fermi zittu Quandu omu assuffuchighja A mezu a li perchè S’è tu lasci fughja I funi è l’urizonti E li ‘quali è t’ùn sè S’è tù lasci ghjunghja Un amori tramendu ln u prufondu di tè Ripiddu 1 Hè una vittoria Un curdogliu, un principia Hè … un altru sè chi sa S’è tù canti « solu » A mezu a l ‘aquifragni E li « fa ti valè >> S’è li toi i doli Sô com’è ochji aparti Nant’a un altru sapè S’è li to frastorni Ani gustu di meli E di << sanguvulè >> S’è li tô cuntorni Ani un solu principiu E fini quant’e te Ripiddu 2 Hè una vittoria Una storia ô un anda Hè … un novu sè chi sa S’e par ciambutta(ti) Ci voli un mari d’oliu O un veru sunnia S’è par minura(ti) Ci voli a essa maio O almenu pinsa S’è par essa qui Ci vol’di creda più Forti D’essa ancu cula S’è ancu par di Ci voli di tena i parolli Sin’a lu tramuta Ripiddu 3 Hè una vittoria Un acconciu, un dunvinta Hè … un veru sè, chi sa DISOCCUPATU Mamma mi dicia ch’eo duvia impara Par traccià mi la via issu mondu chi va Babbu in u so stentu par pudè ci ingranda Ci cacciava lu pientu a rombu di strazià Eo vulia esse issu figliolu chi sa Issu filu chi si tesse per ùn mai più strappa issu puntellu di casa ch’ùn cunnosce trema E issa lampara incesa in isse notte a scuntra Ma, so disoccupatu e ùn so cio chi fa Ni perdu ancu lu fiatu a rombu di cerca Sô disoccupatu è ùn possu mancu di Chè ùn aghju studiatu per ghjungha ni qui Puru l’aghju pigliati issi chjassi d’impara I bachi è li licenzii senza mai sfiata Per finisce duttore d’una lingua chi va Chi cura cio ch’accorre ma ch’ùn si sa cura Pienghju quelli chi ùn anu mancu pussutu fa lssi trè o quattru passi a l’universta Chi s’è a li tempi d’oghji ùn mi ponu ghjuva A cunniscenza sola porta a liberta Ma so disoccupatu è chi ci possu fa Chi l’aviu pigliata a strada di l’anda oghje u soldu travaglia bisognu ùn ha di mè S’ellu ferma una paglia forse sara per tè Sô disoccupatu ma vogliu fa scambia Issu mondu chi si more di pocu sunnia E saraghju occupatu puru per pudè di Ch’ùn aghju addisperatu issu mondu a custrui E saraghju impegnatu puru per custrui Issu mondu sunniatu per la ghjente di qui OGHJI D’UMANI L’ ochji fissi a u cilenti Sentu batta in u me essa, U silenziu è i turmenti Di a to stirpa sottumessa. Vicu a faccia sanguinosa Di a to ghjenti chi si taci, Ouandu a putenza ghjilosa Tumba a nomu di a paci. E vurria in un surrisu lnvinta ti un lindumani, Sta a senta u to avisu Pa fa ch’oghji sia d’umani. Trà i petri accatastati Di un inghjusta sipultura, Vicu i to cari cascati Pa mantena una cultuta. Sentu a boci chi mughjava Aidlla di ognl fruntiera, Pa di ch’ùn voli essa schjava Solu patchi hè nata nera. E vurria in i to sguardi Sguassa tutti i pienti vani, Dicendu ch’ùn hè mai tardi Pa fa ch’oghji sia d’umani. (Vicu in celu quiss »albori Di un appaciata prumessa, Duva ùn conta u culori Chi ogni vita hè listessa . Vicu u soli di spiranza Spanna di l’omu a scimita Pa fa crescia a tullaranza ln quissu mondu da rispitta.) E vurria senza risparu Porghja pa sempri una mani, ln un mondu ghjustu è paru Pa fa ch’oghji sia d’umani. L’ANNELLU D’ORU Ci hè tanti surrisi da sculpi Cù le nostre mane da culuri Demu ci a forza d’arriga E chjave è li chjassi di u scambia Nous voyons fleurir d’autres chemins Nous voulons danser nos lendemains Ripigliu : Portu l’annellu d’oru d’un solu campa E un sole ritrovu d’antichi sunnia Portu una voce nova ad’ogni albizza E isse parolle ventu per lu sumina Portu isse trè granelle per l’omi di qui E tante funtanelle da ingranda le cusi Portu cio ch’è ùn eru per cio chè tù si Da chi lu biancu è neru pudissi fiuri (Po ti porghju la manu per fa ti franca E porte è le muraglie ch’ùn so ancu a pensa Un ti facciu un rigalu chi so strade a inventa Sarè solu a truva lu issu spechju chi face ingranda) Nous sommes comme des radeaux sur l’océan Portant tous nos espoirs au grè du vent Suivant le cours magique de ces eaux Rêvant de voir éclore un jour nouveau I gotta a little place into my hearth To make a new universe and rebirth Ripigliu (A TO PROPRIA) LIGHJENDA O tù chi va stancu d’affanu summersu Senza sapè mancu tuttu cio ch’ha persu, D’un ortu à fiancu colmu d’universu. Tù chi senza spera è senza raghjoni In ugni manera circhi a passioni, A a straziera carcu d’illusioni. Ùn pinsà à u timori Ch’ugni gioia pô pratenda, Pà pudè traccià d’amori A to propria lighjenda O tù svinturatu chi campi di pena Senza un passatu privu d’un avvena Ch’ùn vldi à latu a gioia sirena. Tù chi senza cura da l’altri aspetti A ghjudicatura di i to prughjetti, Incù a paura è i denti stretti. Ùn aspittà u parmessu Çh’ai l’arti d’ intraprenda E custruiscia tè stessu A to propria lighjenda. O tù chi t’ascondi in sonnii sipolti ln brami ghjacondi da u tempu colti, (Chi avà cunfondi è mancu ascolti. Tù chi senzq fedi temi a scunfitta Di cio chi pussedi d’una voci ritta, Chi da sempri credi ma manteni zitta) Ùn spirà più in dumani Ch’ai issa forza trimenda Di tena in i to mani A to propria lighjenda SICUNDARIA Ùn sô d’alcun’paesu Nè di nisun’ cità Ùn aghju ch’ un arnesu U soldu par cumprà Sicura ùn ti cunnoscu Nè tl voddu infattà Mi sô cinta di foscu Chi tù ùn possi passà Ripiddu A me vita hè cussi Mi chjamu « Sicundaria >> Un ni circà parchi Godu solu a to aria Ün ni circà parchi Mi fermu senza di Ün ni circà parchi Voddu solu essa qui Qualchi ghjornu d’istati Mi poi induvinà I me ochja sarrati Volini prufittà Eiu ùn n’aghju primura Di la to sucetà Piatta daret’à mura Par ùn imbulighjà Ripiddu Mi piaci a to tarra Di soli è di sunnià Ma u soldu mi sarra ln u vend’è cumprà È m’impremani soli I muraddi à cuddà U to mondu si mori À mè chi mi pô fa Ripiddu A me vita hè cussi Mi chjamu « Sicundadaria » Ti lasciu senza di A to lenza ln Tavaria Ti lasciu senza di Ùn ni circhà parchi Ti lasciu senza di I to loca di qui U NOSTRU AMORE Allora hè cusi ch’ellu finisce u nostru amore Senza un stridu è senza mancu un rimore Ma incù issa ferita eterna in lu mio core Hè natu in un surrisu è in un’ochjata d’armunia ln una stonda chjara è colma d’allegria Ch’ella accadessi un ghjornu a mè ùn la cridia Ripigliu Tù eri u mio sole a mio più bella sinfunia A mio sperenza è la mio più grande piazzia Quella ch’ inventa un universu incù una cria Eo aghju cercatu un altra chi ti assumiglii Un aghju plù trovu isse stonde di magia Ne mancu un sguardu di spartera è puesia Oghje s’ eo ti scrivu di issa terra di fâvore Per rimpatta mi senza dumanda ti amore Hè ch’ eo spartu altrimente issu dulore Pensu chi ogni storia puru s’ella fussi nera Un vale mai nè un fûcile nè una guerra Solu a cuscenza spassiunata d’al di terra Ripigliu Tù in qualchi locu o qualchi mondu ch’è tù sia Fermi stampatu com’è iss’alte puesie Com’è isse stelle accese ln le notte sumiglie Eo ti tengu un sgardu francu da li venti scemi Un battelucciu biancu spechju di ghjasterni Nantu a un mare d’oliu di sogni è d’impremi Eo ùn vogliu tene nè amarezza nè rancore U tengu tale è quale in core u nostru amore Com’è un sognu ch’ùn si spenghje incù l’albore |