 Era eu stu zitellu |
| Da u mare à l’erba santa Vo à passu sugnadore Senza fine chjass’è terra Vo à buscammi l’amore Belli lochi senza para Vo girendù Cursichella O terra da sunnià Ochji neri e zitelle Chi s’anu da ‘innamurà Intonanu i madrigali Sin’à l’alba canterina Sussuri di ghiterrate Canzona di zitellina Eppo ghjuntu à la Bastia Tempiu bellu di l’amore Portammi à la turchina A lu fiore di u mio core Da Capicorsu à Bonifaziu So diverse e donne qui Altro ùn ne truverai Chi ti tenenu cusi Vo girendu a Cursichella O terra da.sunnià Ochji mori e zitelle Chi s’anu da’nnamurà Frombanu le paghjellate Sin’à l’alba canterina Viulini è sirinati Canzone d’i ghjorni prima E u muscu di li fiori D’a so pelle u savore D’i so basgi a dulcezza A le labbre ferma’mpressa Da livente à punente Ogni donna hè sfarente E l’abbracciu d’a so terra T’incanta cor’è mente Da la mane à l’abbrugata Da lu mare à l’erba santa Ogni donna hè signata Da so terra chi l’incanta. Brunetta Brunetta datti curagiu Chi da qui s’apre lu cantu Li scherzi chi tù m’ai fattu Per tè li vogliu da cantu Ma sinceru cum’è mene Un ne truverai un antru N’aghju un chjodu in lu mio core Di martellu ribattutu Signore datemi forza Madonna datemi aiutu Per pienghje è per suspirane Per mè n’hè tempu perdutu Brunetta lu nostru amore Quantu pocu n’hè duratu Hè cuminciatu d’aprile Di maghju hè terminatu Hà fattu cum’è la scopa Hà fiuritu è ùn hè granatu Chi tù n’andave à le legne Era più d’una simana Oghje cù lu mio permessu N’ai empiutu una tramezana Un ti vogliu più accumpagnane Mancu andendu à la funtana Turneremu à ripigliane Brunetta lu nostru amore Nun ci vole medicina Nè visite di duttore Abbasta ch’è tù m’accordi Un cantu in lu to core. Amicu mulatteru A si fiscava drittu è fieru c’un cinta rossa è cappellone U nostru anticu mulatteru chjuchendu staffile è canzone A l’acqua è à i venti certi mesi carcu à farine o fascinelle Per le stradde di li paesi cù mule fiocchi è campanelle. Mulatteru mulatteru cù la paghjelle la matina Senza primura nè penseri per la muntagna si camina Quandu facia ballà lu ferru à si passava à l’osteria A mezu à pastori è bichjeri u mio amicu mulatteru Oghje ùn hè più cume eri ste cose ùn ci so cuasi più A dà capu à i muli è li sumeri ne hà paura a giuventù U carru è bellu sgangaratu cù a rota tronca è u staffile U stazzonaru si n’hè andatu versu la machja cù u fucile Mulatteru mulatteru ùn si sente mughjà la stalla Quelle bestemie di u carritteru cù le mustacce in battaglia Hè smaritu u villutu neru a ghjacca cù l’erba tabacca Di l’omu corsu eri lu veru u mio amicu mulatteru. Ne tengu un ricordu sinceru O lu mio amicu mulatteru. Lamentu di u banditu So for di strada per tutta la mio vita Soca ne era tracciata la me sorte Di campà solu per la machja fiurita E cundànnatu à fà la malamorte Per mè la pace hè per sempre finita Induve passu mi chj’odenu le porte.. Di li giandarmi ne facciu una risia Ancu per esse un grossu battaglione U piu ch’e temu he piuttostu la spia Chi corre appressu à lu dettu taglione Ma s’ella manca è ch’è salvu ne sia Sarà l’esempiu di tuttu lu rughjone A zitellina ùn so so mi rammentu E l’alegria hè fughjita luntanu Per fà la piazza à stu longu turmentu Chi eiu ne passu da lu monte à lu pianu Cusi espostu à qualchi tradimentu D’un falsu amicu chi mi porghje la manu. Ultima strinta ln un tango strigni mi tornà cun amore Dumane inseme cara un balleremu più Vogliu annicà in fondu di questu liquore U sognu ardente chi hà fattu a mio giuventù Lasciami coglie le to labbre cume un fiore Nant’à sta terra la mio passione si tù Veni à ballà a vita hè troppu amara Una ghitarra sentu sunà. Veni qui in un’ultima strinta Vicunu à tè vogliu dimenticà Una sera la to prumessa fintata ln lu mio core hà sapiutu ingannà Un ti ma fà mi dinu crede Ch’aghju sunniatu è chi si sempre à mè In lu mio core aghju guardatu a fede Aghju guardatu u mio amore per tè. Dumane ripiglieremu la nostra vita Dumane anderemu versu d’altri piacè Senza rimorsu in core è senza ghjelusia D’altre bracce ti feranu scurdà di mè Dumane serà sempre la stessa bugia D’altre labbre mi feranu scurda di tè Veni à ballà a vita hè troppu amara Una ghitarra sentu sunà. Beata funtanella Un circava furtuna nè destinu M’incaminava solu à l’acqua fresca Cun l’ombra di a luna pè vicinu ln manu bilancendu a mio giaretta Quandu scuntrai à tè per lu caminu ln capu à l’usu anticu la to sechja Quessa ùn hà vistu sole o damicella E mi feste un surrisu graziosu Di poi fusti per mè cum’è la stella Chi sà guida l’amanti à locu ascosu E sempre à listess’ora la più bella Di quella funtanella fui amurosu Un mi mancaste mai o Chjara Stè Chi fuste tù per mè u primu amore Di sechja è di giaretta più n’ùn ci hè Ma sempre per tè batte lu mio core Beata funtanella di san Pè E à so acqua fresca senza sole. Canzona per Maria 0 Mari di tutte e to prumesse Dimmi cosa n’ai fattu tù Senza tè senza le to carezze Hè finita la mio giuventù Quandu ti purterà sta canzona Lu ventu ti parlerà di mè U mio core o Mari ti pardona Ellu n’ùn po campà senza tè Di la mio pena amara Tù Iu n’ai pietà Sola questa ghitarra n’ùn mi vole lascia O chi stranu dulore quellu di u mal’ d’ arnore Chi mi stringhje lu core E mi face cantà Forse la to cummare era fata Perchi tù fussi bella cusi Almenu chi t’ùn sie falata Da lu celu per stattine qui Chi li fiori videndu u to visu S’ingannavanu davant’à tè Cridendu chi lu paradisu Una santa era scesa per mè Ma la vita per tutti hè cumuna E l’amore hè cume certi fiori Campanu giustu un chjaru di luna N’ùn lascendu chè pienti è dulori Ma purtantu o Mari eio cantu Un pueta n’ùn pô chè cantà Ma lu mio core hè cusi tamantu Chi per tè un ghjornu … Di la mio pena amara Tù lu n’ai pietà O chi stranu dulore quellu di u mal’ d’amore Chi mi stringhje lu core E mi face cantà. La malaguena Que bonitos ojos tienes Debajo de esas dos cejas Que bonitos ojos tienes Ellos me quieren mirar Pero si tu no los dejas Ni siquiera parpadear Entribillo : Malaguena salerosa Besar tus labios quisiera Malaguena salerosa Y decirte, nina hermoza Que eres linda y hechicera Como el candor de una rosa. Si por pobre me desprecias Yo te concedo razon Si por pobre me desprecias Yo ne te ofrezco riqueza Te ofrezco mi corazon A cambio de mi pobreza Furtunatu U piu chi so innamuratu hè quella di i to capelli I to occhji tantu allegri scimiscenu li zitelli Ma a dilla franca e cjhara eiu so unu di quelli A dumenica la mane quand’è tu esci cambiata Da furesteri a paisani di tutti si rimarcata Tutt’ognunu di dumanda di quale si la innamurata La mio ricca di statura bianca e rossa di culori A guardatti pari un fiore a parlà incanti u core Bellu cuntentu sera quellu chi cun tè ferà l’amore Ne vogliu scrive lu to nome da sopra à tutte le stelle In paese piu ùn ne nasce cume tè belle zitelle Furtunatu serà quellu chi ti mettera l’anellu. U campanile di san ghjuvà. Venendu da terra nova per carrughju sumerà, Carrughju drittu, u Guadellu C’u mio spurtellu Mi ne scendu à u mercà Tuttu hé di tende, si vede Fiori, panere di mimosà Si spechja nant’à u mare Cum’ellu hè bellu u campanile di san ghjuvà. Mughjanu e vindarole O quanta ghjente ch’ùn si po passa. Vi chjamanu e pisciaghje O signore venite à cumprà, Sardelle vive si sente a trumbetta Di l’acqua di monserrà, Sottu u campanile di san ghjuvà. I campanili di pasqua, Da u portu novu à San Ghjisè E tutte quelle cantine Di canistro sin’à u mercà di pè ln le strette so le chjocche, Ci ghjocanu à baiocche nant’à u merca, Di ghjugnu, vicin’à u mare Hè più grande u fucarè di san ghjuvà. A sera à u chjar’di luna O quella do venite à affaccà, Chitarra è mandulina Un serinatu pudete ascultà, O quanta alegria bastia canta è sona, Ancu u libecciu fischjerà, Sopra u campanile di san ghjuvà. |