 Olympia 86 |
| Alcudina Principià vogliu à lodare U san petri è Veraculongu Po ci hè Nebbiu cù la trova U fraulettu à fà la prova. Funtana di termineddi U terminu da faccia al Pianu Teppa Ritta fù chjamata O da quel terminu vicinu. Sattu quel toppe di prati Sguizzanu tanti roscelli Sottu son pesci sarrati È sopra pascinu l’agnelli Li cavalli è li ghjumenti È li boia cù li vitelli. O passendu par li Croci U Cavallari è Pallaiolu Sentu una sampugna rara Chì facianu tanti caroli. L’Alcudina chjama è invita O di l’altezza nun ci hè la para Guarda la Corsica unita O quantu giranu terra è mari È po guarda à Magior Segnu È parte assai de la Sardegna. Catalina Sunendu di viulinu Sunendu di viulinu Stamane sh’è fermatu Un musichente cecu A u quatru citatinu E sona trimuloni Pè a ghjente chi passa E li misura l’arte Cù quattru patacconi U so amore persu Dice cio ch’ellu era E impressu in u so core N’hà per sempre lu versu U vechju musichente Si lagna in u carrughju E sona fin’à bughju Sin’à ch’ellu ci hè ghjente Pianu pianu si more Ancu u vechju ricordu S’ellu un hè più d’accordu Cù lu so batticore Di a vita so è cose Chi li stringhjenu in gola A dice da per ellu U veru di a fola Quand’o pensu à l’amori Di a mio zitellina Passati cum’è u ventu E memoria in pulvinà Mi frighje stu viulinu Chi sonà in lu mio core E ne scoccanu l’ore Chi a vita striscina U tango di Rosetta O cumpà ti n’arricordi quelli balli Da u circondu ghjunghjianu centu cavalli Intesu u primu sunettu di cumparsita U paese intieru cambiava di vita Tuttu u mondu s’accupiava in quattru salti Vultulavanu i capelli è li tacchi alti E Rosetta si facia un tango C’un monsieur comme il faut Era l’ora di cacciassi ogni vergogna Mezu à i vapori di l’acqua di cologna A vinaccia s’intrecciava à le zampate I bicchjeri s’infilavanu è le cascate L’orgoliu ùn n’era più chè ghjelusia Quandi l’una vidia l’altra in cumpagnia E Rosetta si facia un tango C’un monsieur comme il faut Era u tempu di u sintimu u più stranu Quandu in l’ombra ci pigliavamu la manu Era mele quellu son’ di viulinu I zitelli ci scherzavanu avvicinu Ghjacumina cannuchjalava e so figliole Cun quelli occhji chì parianu pistole E Rosetta si facia un tango C’un monsieur comme il faut Oghje sò smariti balli è urganetti Un n’hè più tempu di festa è di sunetti Di u seculu mutanu e fantesie I giovani, ùn ballanu più chè pazzie Un si vede più capelli ne tacchi alti Sò scappati li nostri usi in quattru salti E spaisata Rosetta in un tango, C’un monsieur comme il faut Ditti lu ghjornu Ditti lu ghjornu Quellu di l’occhji assuliati E di u core prufumatu nantu a l’erba croscia Ditti lu ghjornu Quellu di a vazza lucente E di u trifogliu calatu nantu a le stonde d’aprile Ditti lu ghjornu Quellu di a vigna nova E di l’arbitru serenu nantu a u chjassu di l’anni Ditti lu ghjornu Quellu di a brisa calma E di u grillu vagabondu nantu a i basgi d’istatina Ditti lu ghjornu Quellu di u fenu teneru E di a zitella surridente nantu a l’onde maliziose Ditti lu ghjornu Quellu di u focu accesu E di un cantu àbbandunatu… Nantu a i capelli di a notte Cantu per un omu liberu A l’ultime biade C’hè passata un’ombra Chi cercava à tè Nantu a e rosse strade A lume d’oriente Ci pienghje la ghjente Sarà mortu un rè ? In le case spente C’hè passata un’ombra Chi cercava à tè Nantu à un muru ardente S’hè persa una fola Nimu ùn si cunsola Sarà mortu un rè ? In borgu luntanu C’hè passata un’ombra Chi cercava à tè lnd’un tempiu stranu Una l uce trema Ci strida una scema Sarà mortu un rè ? A l’orlu d’un fiume C’hè passata un’ombra Chi cercava à tè Nantu à e bianche sciume Ci corre un battellu ln cerca d’anellu Sarà mortu un rè ? Eo ùn so che di tè Omu liberu Eo, un so che di tè Da u ghjornu di a ferita Fin à la notte infinita Seguitava l’ombra chi cercava à tè Seguitava l’ombra chi cerca va à tè. L’affissu Guarda fratellu a vigna luminosa trizineghja di vita à l’orizonte accesu cum’è un solcu d’argentu chì una manu marita à un viaghju appesu à un viaghju appesu. Cusì bella a terra, duve dumane mi ne vò, cusì bella a terra, duve dumane mi ne vò. Guarda fratellu di un paisanu mutu s’arricchisce u sudore di e cugliere cumune s’infrebba l’operaiu per un cantu amore da rompe centu fune, da rompe centu fune. Cusì bella a terra, duve dumane mi ne vò, cusì bella a terra, duve dumane mi ne vò. Guarda fratellu nant’à un’elpa fiurita s’accampa u to destinu per fidighjà l’eternu è m’incanta di gioia un sguardu zitellinu postu nantu à un quaternu, postu nantu à un quaternu. Cusì bella a terra, duve dumane mi ne vò, cusì bella a terra, duve dumane mi ne vò. Guarda fratellu à l’alba di a to notte hè tenneru l’affisu Ch’è tù impeci à u muru scrittu à l’inchjostru rossu da strughje quell’abbissu di un tempu tropu duru, di un tempu tropu duru. Cusì bella a terra, duve dumane mi ne vò, cusì bella a terra, duve dumane mi ne vò. Omu O lu mio fiore di lume Per sempre ti ne si andatu A corre le stelle in celu Verdi un antru suminatu Aghju in core sta matina Un cantu di l’impiccatu Omu Aghju un sole per tè Eo, ùn sò che di tè omu liberu Di tè omu liberu Liberu Aghju un sole per tè Mal cunciliu Tu sì l’arburu di lume E ne veni da luntanu Tu sì lu tonu e lu fiume E Lesia chì canta pianu Tu sì l’errante d’amore Chì camina in la muntagna Tu sì l’omu chì more Quandu fala l’ombra pagna E quandu a notte ti porta E voce di Torremorta E chì u cantu di l’onda Colla d’a terra prufonda Tu sì l’arburu di sognu Scurticatu da lu ventu Tu sì anghulu o demoniu A carezza o lu spaventu Tu sì gioia o dulore Ma con tè mi meravigliu So natu in lu tò furore Mal’cunciliu E campà Prete Andria Tuttu di neru é capigrisgiu, s’hè inghjinuchjatu u prete andria A neve ci hà lasciatu un frisgiu, in balco di a sacristia Hè l’ora di l’ultima messa, l’altare di ci voli à appruntà A ciccona un hé piu listessa, c’hè piu ch’un buttone à appuntà Dura la vita dolci ghjorni, eramu ricchi à sgio currà Oghje bianchi so i cuntorni, per un prete chi si ne va Piu un zitellu un si vede, so pè issi mondi à ghjucà Stabatini di poca fede, piu pront’à ride chi à preca Quantu n’ha minatu scabochji, ancu u maestru era d’accordu U tempu di vultassi l’ochji, hé dighja l’ora di u ricordu Dura la vita dolci ghjorni, eramu ricchi à sgio currà Oghje bianchi so i cuntorni, per un prete chi si ne va E dumeniché di prucessione, si ne ridia ancu cristu A si beia cun passione, l’omu di diu è u cummunistu Quelli di tandu s’accettavanu, avianu d’altre cose à sparte Un c’era tantu orgogliu vanu, é nimu d’amparalli l’arte Dura la vita dolci ghjorni, eramu ricchi à sgio currà Oghje bianchi so i cuntorni, per un prete chi si ne va Po c’he dinu l’ora mischina, di u silenziu piu supranu Quand’ella stringhjia la falcina, cu e donne é u so cantu stranu D’u matrimoniu di Rosetta, si ne parla sempre anch’ava U pater nostru era in pumpetta, l’acqua mancava tempi fà Tuttu di neru é capigrisgiu, s’hè inghjinuchjatu u prete andria A neve ci hà lasciatu un frisgiu, in balco di a sacristia Musica Un filu di melodia Quandi a galoppu saratu U cavallu di a to vita Di caldu e di fredu mugatu Corre in la cità impazzita T’aiuta a ripiglià fiatu Quella musica svanita Un filu di mdodia Chi vene a rinfrisca l’anni Una stonda di magia Per guari li to malanni Quandu torna a zitellina A pigliatti per la manu Nantu a un onda chiara è fina Per andà in tempu luntanu Quandu s’arremba lu male A l’alba di e to passione Quandi un lettu d’ospidale Ti coglie per u stradone S’accende cume un fanale A memoria testimone Un filu di melodia Chi vene a rinfriscà l’anni Un ansciu di nustalgià Eccu li I to quindeci anni Quandu torna a zitellina A pigliatti per la manu Nantu a un onda chiara e fina Pe andà in tempu luntanu Quandi un lumesi more A l’angoscia di i to ghjorni Ti vene un batticore Si spenghjenu li to forni Hè tandu chi sopra l’ore Cantanu qualchi frastorni Un filu di melodia C’hi vene a rinfrisca l’anni Un mazzulu d’armunia Per cancellà tant’inganni Quandu torna a zitellina A pigliatti per la manu Nantu a un onda chiara e fina Per anda in tempu luntanu Perche cantu Pè li ghjorni di maghju Arrembati à u celu È la to notte scema Di libertà fiurita Pè u pane di tavula Duve luce un candelu Chì tradisce lu silenziu Di a ghjente addunita Di a ghjente addunita Cantu Pé u filu d’eternu Chì un soffiu ritene Nantu à e labre vechje Dopu à lu paternostru Pè e petre di u solcu Chì ingonfianu le vene Quandi u sole hè di troppu À u sudore inchjostru À u sudore inchjostru Cantu Pè e stonde di a scola Quandi a mente corre Nantu à e verde cunfine Di a prima carezza Pè i ghjochi di a piazza Un ballò per amore È la strana stridura Di a prima tristezza Di a prima tristezza Cantu Pè l’errante chì vene À beie à a to funtana Pè u suldatu persu Tombu da la so spada Pè u cantu di e cime Nantu a la tramuntana Pè a culomba viva Chì t’insegna la strada Chì t’insegna la strada Cantu A guitara è u vagabondu |