 Pè a scusa |
| Liberata Alba in le corte nielle À l’orlu di l’esistenza frusta Spire a parolla ghjusta Sott’ à una coltra di centu stelle In la notte imbariata Ci funu l’omi à viaghjà L’assaltu era di sperà È scuppiò cum’è una cantata Antone, Ghjuvanni, Paulu Sà Numucci chì vinite à gallu A vostra vita fù rigalu Fattu ancu à quellu ch’ùn la sà Machje, cità, doli, surrisi L’anni sò corsi in lu campà Ma una pagina si stà Aparta annant’à i vostri visi. Fiure Un vascellu tontu E un marosulu mossu Cum’è tela slibrata A un sguardu chi conta U stampu di una smossa. Ed eiu à mezu à quessi Urfagnu di memoria Calpighjatu in l’andà Di li ghjorni prumessi Mare di l’anticoriu. Un cunvugliu umanu Persu in lu so rambusciu Mez’à e cose finite Mez’à e bughje vite Passu di ultimu usciu. E u tempu s’hè ammansatu Adossu à i me passi Cum’è a neve in foce Quandu mancu una voce Piu n’ùn vole sgabbiassi. Un vascellu tontu Marosulu di miseria Imagina di un’alba Mentre a mio carne calda N’ùn ghjetta chè matere. M. Acquaviva \ G.C. Acquaviva A’ Sergiu Tù sì natu campagnolu sbucciatu in la cuccagna di l’alivi di Balagna ùn lu senti u paisolu chì ti pienghje è chì si lagna figliulellu di Balagna Tù currii per e strette eranu l’ore sebiate mezu à rise è ciarlate Tù battii e cullette Di vaghjime inargintate cusì care e to cuntrate Da u pinzu à a vela u ventu furiosu è scatinatu manda via issu lamentu lamentu di u disgraziatu in u frombu di u spaventu da l’umanu stantaratu Tù sì andatu à a scola di corsa per a stradella à latu di to surella per i chjassi di a scola erate una manatella per beie à a funtanella Tù ch’ai scupartu un ghjornu l’amicizia a più cara è i canti d’una tarra tù ch’ai capitu un ghjornu i culori d’una sarra è l’adori d’una tarra Da u pinzu à a vela u ventu furiosu è scatinatu manda via issu lamentu lamentu di u disgraziatu in u frombu di u spaventu da l’umanu stantaratu Tu ch’ai vulsutu dà à i toii u t’ardore E’ po tant’è tantu amore Tù ch’ai vulsutu dà Suminatu avii un fiore ma hè granatu u dulore. Tango dell’assenza Ma dì ciò ch’è tù voli Ma dì ciò chè tù voli Hè bella a nostra terra Da e so cime à i moli Da e so cime à i moli In centu riturnelli Ci cantanu l’acelli Hè finita la guerra Hè finita la guerra. Ma dì ciò chè tù voli Chi si stà bè in paese Quand’ellu ùn s’hè più soli Quand’ellu ùn s’hè più soli E ch’omu s’addunisce In amicizia lisce E bandere palese E bandere palese. Ma dì ciò chè tù voli Li ferà prò l’avvene E i lochi mntagnoli E i lochi mntagnoli Si quellu chi ci spera Face girà la sfiera Di e so inghjuste pene Di e so inghjuste pene. Ma dì ciò chè tù voli Chi d’oddiu ùn si capace Un ghjornu ti cunsoli Un ghjornu ti cunsoli E ti vene à u core Un surrisu d’amore Dolce quant’hè a pace, Dolce quant’hè a pace. A Filetta Cun tè Ùn parlaraghju micca per tè… Donna di la piazza di Maghju Anna, Maria o Lucia Temi ch’ùn sia compiu u viaghju Di tante vite à l’angunia Ùn parlaraghju micca per tè… Ùn parlaraghju micca per tè Amica di la piazza Rossa Quand’è la notte senza stelle Copre di foscu la to mossa Chjama di speranze ribelle Ùn parlaraghju micca per tè… Ùn parlaraghju micca per tè O ombra di biancu vilata D’un paese ch’ùn si ramenta L’amore ch’è tù l’ai datu Si sente sempre la to pienta Ùn parlaraghju micca per tè… Ùn parlaraghju micca per tè Chì m’ai pigliu per la manu Per sunnia à un avvene Duve li surrisi saranu Sti fiori ch’un sò ancu à vene Ùn parlaraghju micca per tè… Ma parlaraghju cun tè… Mare eternu E to bocche sicrete chi ingullinu i venti E gruppate figliole di i scunnisciuti pienti Anu putere a di l’oghje e l’antichita Tralasciate ch’elle funu da l’umanita. Ma quandu a luna t’accarrezza Purtenduti i so ragi fiuriti Di fole e storie favulose Cun nave e vascelli da a notte invintati. Tandu ti cali in core di a vechja surgente Di lu misteru chi nun conta piu cunfini é t’empii di canti chi s’affundonu feriti Sott’a le to rivolte chi fermanu senza fine. Lisboa, noite triste |