 Incontru |
| QUALCOSA DI TÈ Qualcosa di tè Una voce, una prichera, Una petra nant’à u to sguardu, È u tempu, fumaccia nera, Chì mantene è chì brama. Qualcosa di tè Fiore mortu soprua à l’astracu È ch’ùn anscia più, Fiara bianca in catarrochju Sfilachjata di rimorsu. Qualcosa di tè Persu in e lamaghje, Croce di linu verde O acellu di marmaru Indulurisce u me core. QUE SO VOCE MUNTAGNOLE U PRIMU VIAGHJU A stella matuttina cù li ochji spalancati È l’urdinati maiò sparti in lu ventu Cantanu a veghja di natale Una canzona strana cum’è lu fiume A cant’à lu so Diu Ma in celu ci hè u segnu sicretu Bellezza allughjata in orgogliu di tè Quandu luce affanosu è anticu u sole di natale. U PINU TUNISIANU Eghju ti scrivu quissu fogliu, Tu li scrivu da luntanu, Fatt’a l’ombra di lu pinu, Di lu pinu tunisianu, Sempr’ allegru è cuntenti, Di saluta sempre sannu. Quantu mi ni possu invena Di la cita di Sartè ! Hannu piantat’ un cipressu, Cullà, sopr’a lu cafè, Diccaret’ a Scianconu Chi l’anaquessi par me. O cumpa, lu me cumpari, Se tu passi par issu locu, Dali pur’ un fulminenti Cheddu s’accendi lu focu, Dali pur’ un fulminenti Cheddu s’accendi lu focu ! Un mi vatareti più A la boca San Damianu, Sempr’ a vedam’ affaca Rittu, cu la frusta in manu, Cuddend’a trottu sarratu, Hè difesa d’andà pianu… MEMORIA Case abbandunate è sole, ruvinate Duve stavanu i signori Lamenti è silenziu. Petra tamanta nant’a porta È le spalle sò brusgiate Da u sole. Fiatu listessu à lu fiatu Di le stelle Donna à l’usciu senza spechju. Sguardi di terra rossa Cum’è u sole Cum’è quella di i muri. Vergina persa Vinduta viva È lu sognu Diventa chjosu. Paghjella : Stamane le trè culombe Paghjella : Pecure cum’è le meie Paghjella : Vecu nantu sta rambella MALAMORTE Era vistutu di pilone Mantellu maiò nantu à le spalle È curria u sangue in a vadina Da parte di u so pettu tafunatu Annant’à a terra chì pigliava u so’ È u so fiatu. Oghje ùn hè ghjornu di carnivale È le maschere si ne drittu à lu locu Ma micca quellu di a morte Biancu è neru O la me sorte. Terzetti Madrigale : Ecco Bella VENTU Paese di petre nere è grisge Alba chjara è tramontu serenu Cantu celestu di a terra rughjinosa Sole abbagliulante o bughjura Strette ricamate di ventu Muntagna cutrata in a so sciuma Immensità persa in u locu Luna nova chì spunta È chì spampilluleghja Buffulata culor di rosa Fasciu di fiore è a filetta… Paghjella : U vintisei di lugliu DOPU AVÀ Stracci tesi nantu à le stelle Vechji bascheri di seta Chì fighjulavanu Culore di marmaru U cantu di l’acellu. Melanculia Campanili neri di farru È chì sò bianchi À lu chjar’ di luna. Silenziu à lu bughju Da i musicanti sicuri È eiu t’aspettu tranquilla In u smintegu di tè Tù credi ch’ellu hè mezanotte Ma eiu ti dicu Ch’ellu ùn hè micca troppu tardu |