 Caminu |
| NELSON MANDELA Cu me ramu d’alivu ln pizzicu d’acella Purtatu à sangue vivu À l’anima zitella ln pace à u dulore Di a vera libertà Ti campi à u t’amore O Nelson Mandela Una gabbia per distinu Ùn hè fuste a to tomba Di a to sorte, mischinu Tù, ci surtisti in tromba ln vertù di u divinu ln mischiu di a santità C’ai apartu u caminu ln somma di pietà O Nelson Mandela Al accoltu à u to nidu I cristiani à novu insetu Si so pigllati per Diu ln decretu d’apartetu Per culore à a to pella I cucchi à bene stà T’anu fattu malacella O Nelson Mandela Di pace à l’universale Si di voce à u ribombu Ci corre di e to ale Duve ci scioppa u piombu Da i baschi è da l’IRA Ti resti biancu culombu ln segnu di fraternità O Nelson Mandela E da e bianche à e nere Per paci è sculurite Porti à u miserere Quelle chi sô unite Inde fattu d’umanità Tu si à l’altu duvere D’esse da l’anime vere È di qui, è di l’aldilà O Nelson Mandela CAMINU I silenzii si sô accatastatl in mè È u celu mi manda cenni senza riparu A mimoria di l’anni hè andata à l’amaru È le stonde furiose mischjate à ùn sô chè E mio rene materne si sô fatte più greve È più strane dinù sottu à i strani fusi Tuttu s’ammatacheghja in il tempi cunfusi Chi persu s’anu ancu a so più linda seve Si scrive l’ombra meia nantu à un cantone d’oru Mentre chi un sonniu volta à e bughjure su relie Ma cu me scurdà si mai di e nuttate stelle Chi fecenu per mè un cusi dolce scioru Poi s’avvuttula à mè un’ombra senza visu Tale un ascosu fattu pè le notte infinite Sin’à chi a petra bianca ne venga sepellita Quandi a pace leva è mi face un surrisu CUNNOSCU BATTELLI Cunnoscu battelli chi si termanu in portu, Per via di cumbugli da mette fiaccu mortu Cunnoscu battelli rughjinosi in portu Ch’aisaci a vela ci perdenu cunfortu Cunnoscu battelli chi si scordanu d’esce, Anu paura di u mare, chi vichjaia ci cresce Mai, nisun’marosu da pudelli alluntanà U so viaghju hè complu, nanzu di principià Cunnoscu battelll incatinati bè, Ch’ùn si sa nu più fighjà cun piacè Cunnoscu battelli chi chjoccanu à più pudè, Per esse sicuri chi l’altru accantu c’hè Cunnoscu battelli ch’ùn compienu mai Di spusassi ogni ghjomu di nô è assai E’ch’un temenu puru di staccassi un mumentu, Per ritruvassi dopu cun megJiu sintimentu Cunnoscu battelli coppii chi vanu à mare mossu Da pettu à a timpesta quandu Ii fala addossu Cunnoscu battelll chi ritornanu in portu Feriti dapertuttu ma cun riccu raportu Feriti dapertuttu ma avà pari pari D’avè spartutu inseme u sole à celi chjari Cunnoscu battelli riimpiuti d’amore D’avè navigatu fin’à s’ultimu albore Senza chi e so ale si voglinu piegà Chi u core, Ù soiu, si chjama immensltà … CUNFESSIONE Quandu u celu accende à tempu e so stelle, È ch’un tango, c’invita subitu à ballà, U mio core, à mezu à tante giuvanelle, S’hè tattu sente ch’ùn vu lia aspittà. Hè un pezzu chi a scelta l’avia fatta, Ma à palisalla mancava di pudè, La ti cuntessu, ch’ella si tinia piatta, Conta dui anni è saranu prestu trè. Guardami appena, o la mio cara amata, Dammi la manu è andemu à ballà, Compia la festa, ancu una serenata, Sottu à u purtellu, dopu vogliu sunà. Veni o cara, ùn laca fughje l’ore, Chi la mio fiara, per tè si vole more. Sô mutu è tremu, ùn poi ricusà, L’amore scemu, ch’elu ti vogllu dà. Ma perchè tantu timore è indifferenza, Dimmi solu ciô chi t’alluntana dl mè. Cuncedi o mancu una cria d’indulgenza, Qualchi surrisu scambiemu, fammi piacè. Vedi a ghjente, in giru à noi, si primura. A l’arrubata, i sguardi cercanu à sapè. Fà un sforzu, lasciala andà a to paura, For’di pinseru, chi d’amore campu per tè. Guarda mi appena, o la mio cara amata, Dammi la manu è andemu à ballà, Compia la festa, ancu una serenata, Sottu à u purtellu, dopu vogliu cantà. Veni o cara, ùn laca fughje l’ore, Chi la mio fiara, per tè si vole more. Sô mutu è tremu, ùn poi ricusà, L’amore scemu, ch’elu ti vogliu dà. KARMA « Karma », nave luntanu, ti ne vai Lesta, a vela à tè ti sà purtà. Vela, o vela stesa, tù a sai lnduve, a nave bella vole andà À diritta è à manca A nave và Nantu à sciuma bianca Cume sà ballà Nave, u mare culore d’argentu Nave, sicreti quant’elli ne sà Ma, elli, i s’arruba sempre lu ventu Quandu, in furia vene à liticà À diritta è à manca A nave và Nantu à a sciuma bianca Cume sà ballà « Karma », ti ne vulli andà luntanu A vela, ti sa pia tantu purtà. Eppô, daretu à un capu landanu, Sola, ti si lacata supranà Sottu à a sciuma bianca A nave stà Arrembu à una calanca Ch’ùn pô più ballà … CHJERCHJI DI VITA Sfilavanu l’attese in core di e sulane È m’ingermava tandu u tempu die maghjere Oghje n’ùn site più cà spatansciu di sfiere Cose passate ln là in qualchi lindumane I manti di u ghjornu eranu oru è seta Ogni tantu lampati trà e forche di u ventu Cum’è sfide rabbiose figliole di u spaventu Ghjeranu issi tasselli chi a notte disseta Sdirinatu mi sô à sculunà e vie Quelle chi va nu altrô è quelle di’ssu mondu Chi ci porta paura quandi l’ansciu s’accheta È chi le furie negre di u core vagabondu Si ne ramenta ancu l’aghja di e puesie Di u più prim’amore chi l’ultimu disceta U LAMENTU D’ANTUNINU L’ULMISGIANU O cunsort’adurata Da l’oscura prigione di Bastia ln cù la mio penna amata Scriva ti vogliu in rima è puesia Cun amaru curdogliu Mia vita addulurata in questu fogliu lo sonu incarceratu Richjusu in un’antica sepultura Trà i ferri è laceratu Son diventatu una mort’in figura Piengendu il poverinu La cruda sorte, il barbaru distinu Mi svegliu al fà del giorno Dai murmuru giocondo di l’ucelli ln terrazza ritornu A cuntemplà li fiori è l’arbuscelli Quel valle è colline Quel ricchi è magnifichi cunfini Addiu Ulmetu amatu Locu in duve eu son natu Addiu amici cari è parentelli Addiu li affeti mei, cari surelli Addiu per sempre andatu Li bel giorni per mè son passati TORRE STORIA Torre vechje di mè chi u marosulu azzeca Torre mute riccamu d’un isula paese S’è a storia à voi fù un longu trungalese Da i tempi più landani, i tempi di Seneca Le vostre volte bughje d’ùn sô ch’è stanu accese À u sole e mure tronche si portanu l’offese Di dirotte è vittorie varcate à malapena Mirate l’altu mare guaitate a rena A bandera muresca a nave genuvese lntrepida speranza di pettu à cio chi mena Carche di dolu è piombu e mure vostre danu À quellu chi s’arremba un sintimu fraternu Parite nielle ombre quand’ellu và l’inguernu E rimusciu di fede quandi vene u veranu Ma sempre vi purtate un animu eternu Torre vechje di noi chi u marosulu azzeca A vostra a tavella incumpresa un’hè più Al di là di e mimorie è di quellu chi fù Un aria senza età s’intrama è vi prateca Libertà d’esse sè antica giuventù L’AVE MARIA Ribumbava lu cannone, Ne trimavanu li monti, I chjassi è lu stradone, Si truncavanu li ponti È sunava l’Ave Maria Sô partuti à la guerra, U Bravu è u Manescu, Chi tribbiava a so terra, U sanguinariu Tedescu È sunava l’Ave Maria S’imbarcavanu i sposi, I babbi è i fratelli I figlioli numarosi, S’impiianu i battelli È sunava l’Ave maria Zia Martina s’angusciava: • O Signore, fate voi •, Ella si ricumandava • Abbiate pietà di noi • È sunava l’Ave Maria Fate chi lu mio cumpagnu, Si ne volti salvu è sanu, Da furnisceci lu scagnu Ch’ellu viota u furdanu È sunava l’Ave Maria Quandu sarà di ritornu, Sunate l’Ave Maria, ln campu, à tempu ghjornu Vogliu da mè ch’ ella sia In la pieve, à l’arbore, Tant’anni cun armunia, A campanella d’amore, Chjuccava l’Ave Maria A PASQUALE PAOLI L’ esillu t’hà trapintatu Fora di casa trè volte Oghje, sè rimpatriatu Ma ci hè vulsutu a morte Quassundi in Merusaglia ln la pieve di Rustinu Hai compiu a battaglia Dormi in lu to tumbinu Di a patria, u destinu lncù forza è curaglu A purtaluti à spinu C’hai messu tempu è asgiu A gradu di generale Scegli pè u to guvemu U Palazzu Naziunale Voli un statu mudernu ln Corti l’università A muneta in Muratu È à contu di megliu fà A scrittura è u stampatu A toia l’indipendenza Era fatta di valori Rimava incù cuscenza Faccende à pigli’onori A bandera a testa mora S’alza in la citadella À la punta di la torra Cum’è croce in cappella FUSTI E SI Balca u libecciu accanitu A machja stà pienghjuloni Sô in dolu i pulloni Pate u core incrustulitu Balca u libecciu accanitu ln a ziglia sona u focu Corre in mente u to ricordu Tale asprezza in quest’accordu Mai si truverà più in locu ln a ziglia sona u focu L’ore funu di partanza Quandu in fiore le campive Dicenu à chi pô vive E parolle di speranza L’ore funu di partanza Pè ogni furesta issa stonda Ne fù d’un silenziu vechju Di sangue ne fù l’attrachju Purtendu si ne una fronda Pè ogni furesta issa stonda Nantu à e pagine d’argentu Di a scrittura nustrale Hè crisciutu u to frascale ln un mondu verdicente Nantu à e pagine d’argentu E S’ELLA FUSSI Un soffiu carcu di gloria Chi fala da l’alti monti Ci parla di a vittoria È di st’omi sempre pronti Chi anu scrittu a storia Sguassatu tanti affronti Stampatu in a memoria Tenendu alti i fronti Era issu soffiu d’eri È serà quellu d’oghje Si à tanti furesteri Più nimu nunda porghje È stu ventu chi traghje ln u celu isulanu Passendu sopra à l’aghje È e stoppie di granu È scaccierà e paghje Di e mani di u furdanu Da i monti à e piaghje Porgu serà l’umanu Era issu ventu d’eri È serà quellu d’oghje Si à tanti furesteri Più nunda nimu porghje È st’omi di l’alta vaglia Ch’anu apertu a via Ma a mente canaglia Si ne scorda una cria Forse un altra battaglia Sguasserà a pazzia È a mente canaglia Si ramenti una cria Eranu st’omi d’eri Seranu quelli d’oghje Si à tanti furesteri Più nunda nimu porghje LASCIATU Correnu i mesi è l’anni È pô un ghjornu ci si pensa À e gioie è à l’affanni Ch’omu ùn hè statu senza À l’amore è à l’inganni E à tamanta sperenza Ciô chi u corsu spera forte lncù u sfilà di a vita Di tene aperte e porte Senza teme a ferita Ch’ ella li pô fà a sorte Di lascià casa strucita U tracciatu di l’anticu Passa per isse pedignole lnduve hè incalcatu u vicu Di a vita è di e fole Per fà chi senza casticu Si ghjunga à ciô chi si vole Stu lasciatu ch’omu gode Cum’è un segnu di destinu Li si ponu fà e Iode Micca giralli u spinu O si nô ci dia rode U stacciu incù u cassinu Ùn ci pudimu più stà zitti Femu sta scelta incù core Ùn tenimu lumi spinti Nè lascemu scorre l’ore O campemu capi ritti O murimu senza onore Ùn ci stemu à capu chjinu Ma innalzemu sta virtù L’aviamu sem pre vicinu Per pudè fà chi dinù Nantu à u nostru tavulinu Ci sia sempre un piattu in più CRISTU Per u cristu vindutu À i quattru cinquini, Messu, è pô vistutu ln rang’à l’assassini Per a carne inchjudata À pesu di martellu À lancia infilzata ln punta di cultellu Fratellu, fratellu Per l’omu rinvivitu ln facci, à a passione Nè toccu nè culpltu ln passu, chi pardone È l’invidia di diu Chi l’hà fattu nostru Lampatu à u cunviu È coltu, in paternostru Fratellu, fratellu Per a messa detta À tutti l’ arfagni Chi d’acqua benedetta S’asciuvanu i lagni E chi di piaghe aparte Guarite à a fede Sô messe tutt’à l’arte lndè forze di crede Per tantu pane asciuttu Spizzatu indè a cena Spartu senza prisuttu È dat’à panza piena À tutti i famiti À tutti l’assistati Chi sô ghjunti rimiti È partuti accurpati Per issa mamma chi prega ln ochju à u signore Chi di ghjinochji piega ln male di du lore Chi di lacrime asciutta À e so carne spente Si corre cusi brutta A so morte in sumente Per u sangue caghjatu Veddu à u linzolu Chi di piaghe scultatu Surtit’à corpu tolu À l’ingoscia di vita À l’ingoscia di morte A vita hè culpita Di male ogni sorte ln frebba à a ferita Ch’ùn ci trova più core Ni per quella guarita Ni per quella chi more ln pardonu à a vita Di quella chi l’hà tomba Quella, chi s’hè sparita Quella, chi ci succomba Per a miseria unita ln pace à l’universu Per a terra pulita lnd’un mondu spapersu Per l’intaglia cusgita À l’agu di a pirta Per a marcia sprumita ln tutta l’umanità ln pardonu à u riccu Chi ci more di grassu U famitu à u triccu Chi l’imboit’à u passu Per a tarra ch’in restu Ci parte à paterna Per u mondu celestu ln corsa à l’infernu U mondu chi issi spere Hè di l’anima toie Trà l’ansciu di u sumere È quellu di u boie A luce chi tù ci faci Hè quella di a cena Si di tutti i raggi ln rinchieru di terra Sumena in tarra, È spera in diu : Sô di pesciu à u mare È di carne à u vivu A L’ULTIMU PONTI À l’ultimi ponti sacri cascaste cum’accenne À l’età veranile à u soffiu ancu à fà I destini sô scritti da e più inghjuste pene Fù troncu aprile è voi nulla vi scassarà Sentu in le stanze bughje l’ansciu chi vene è zirla Cume acqua di funtana cume focu chi strughje A neve bianculina cascata trà li poghji È pè a stesa chi schilla Amanti di a vita induve sô i reami È duv’è site ormai à fidighjà le perle Chi sbucinanu l’oru è facenu riccami ln l’aria duv’è sô e sguatre rundinelle Oramai per viaghju a strada v’affratella Cinti di sdiccia mora, vaitate a stella Quella chi cava è face aghjumpà si lu more È cura lu ricordu in a carne di l’ore |