 Caminante |
| ISULA IDEA Isula idea di la mio alba Rosula altea è la vitalba Fiore chì sbuccia è chì ci chjama Fiore chì s’apre è dà la brama Isula Isula radica di a mio vita Rispiru d’una acqua salita Basgiu lampatu da i zitelli Basgiu cascatu da i battelli Isula Isula idea di u viaghju Di l?odissea ch’eo feraghju Mandile spartu di li mio sogni Mandile crosciu ùn ti vergogni Isula Isula fata è mai morta Cuscogliula chì u ventu porta À u locu ascosu di u core Duve u ricordu ùn pò mai more Isula MARINARU U mari bellu a celi chjaru U mari mossu u mari amaru Sempri mari manenti Par un sognu a punenti In tarra ferma cula Quantu canali e quantu stretti Quantu orizonti si so aperti Par un chjassu d’immensu Si ricusgi u sensu He ferma a tarra cula Marinaru Un la possu para A me brama d’anda Quand’idda piccia l’alma Quantu sireni e quantu porti Quantu ochji dulci e sguardi folti Di misteri in fanali In tarra ferma cula E po un ghjornu u ventu cala A vita chjama l’ultima scala Tali i golfi giganti A mimoria he tamanta In tarra ferma cula Marinaru Un la possu para A me brama d’anda Quand’idda piccia l’alma Chi ti si po priga Issu viaghju ava Quand’idda scappa l’alma A VELA BIANCA Mondu in punta di dinpinsatà sumidda A l’infa d’issu sonniu nascisti citadella D’un tempu crucivia o ni fusti la stella Chi porsi a so par un’ultima sfida E tanti li parolli è una la siccura Da di cio chi tu sè cio chi tu brami d’essa Di lu quinci è l’altru sempiterna prumessa Induve l’estru latinu sparsi la so virsura Com’e issa vela bianca liata à rnari è menti Ch’in tempi d’Udissea dighjà ni fusti bella L’idea hè crucivia u sonniu hè citadella Qui la navi ùn s’avvia ma viaghja la ghjenti A l’ochji di u soli o forsa di lu ventu A si sani li mura allisciati d’albori Induva nasci mimoria eppo cresi eppo mori He viculu a cunfina chi stradi ni sà centu Vera giaca Trama d’auri Roccà punenti Chezzina Ti se giancu di ma Quandu fragna a te storia Bigini i te ricordi E si ni sbiora l’anima Di piali e di muragi Di zentu mila viagi PICCULA MARINA L’onda s’allonga è si chjina. Ùn si sente un rimore In sta piccula marina È tuttu piglia valore. Ogni parolla risona In lu calmu di lu serenu. Pè fà l’ultima canzona U mio versu serà lenu. Cù lu so pinnellu a luna Allatta ogni muraglia Di strisce bianche l’affuna Ùn ci serà mai più battaglia. A timpesta hè pruibita, È cum’è à mezu à u disertu Ci hè un nidicale di vita Chjosu à lu ventu incertu. Lacatemi una notte U calmu di la turchina Tenite chjose le porte In sta piccula marina. FOIRE DU NIOLU (Instrumentale) MORU Eccu pur ghjunta l’ora di a cunfina. Hè a fin di u viaghju è a me vela hè stanca. Ghjeu, u porta bandera di a Bellissima latina, Desdemona è Venezia ebbi par carta bianca. Un mandiluchju di seta ricamatu d’incantu Da una Sibila vechja chi di Bast amparo, Saldo a me furtuna purtendu qui u cantu Di i me fatti guerrieri u so cori ingumbo. Socu u Moru scadutu, u vechju arghjetu negru . A pro di u lionu, dissini u me valori. Socu u stessu è un antru, di quissa ùn mi ralegru Chi vinta a turca rabbia , vissini u me culori O ghjilusia infama ! o spavintosu umori ! Un voddu fa vinici a sta peddi d’alabastru. O rosula canina, rispiru u to adori Un « tù » chi fù a me vita, u me focu, u me astru Socu u Moru scadutu, u vechju arghjetu negru . A pro di u lionu, dissini u me valori. Socu u stessu è un antru, di quissa ùn mi ralegru Chi vinta a turca rabbia , vissini u me culori So Moru, So moru, sè mori, mi morgu So moru, So Moru, sè mori, mi morgu Sè mori, mi morgu di tè … GLORIA IN EXCELSIS DEO U gloria, in excelsis Deo R.Etin terra pax hominibus bonae voluntatis Laudamus te Benedicimus te Adoramus te Glorificamus te Gratias agimus tibi propter magnan gloriam tuam Quanian tu solus sanctus Tu solus dominus Tu solus altissimus Jesu Christe Cum sancto Spiritu in gloria Dei Patris Amen SINTINEDDI Tali un ochju lampatu à u mare latinu O una mani porsa à l’imperi à liventi Un sognu maladettu d’eternu scarpiddinu O una chjama antica chi più nimu n’ùn senti Tali i voci chi funu da culandi à l’ora E li visi di petra chi dissinu di no Quidda sumiglia strana chi ùu si volsi mora E l’idea chi tandu tuttu qui principio Tali a mani chi vensi in tempu d’ancu à fà E vi feci d’altura cù quiddu arti supranu Un era ancu lu mondu é n’erati digià Guardiani impitrati di u ricordu umanu Tali l’abbracciu primu chi u silenziu vi deti E li sapienzi arcani cù li so canti immersi Di cio chi ùn hè storia tiniti li sicreti Tali una citatella chi a mimoria persi VENTU SCEMU (Instrumentale) CAMINANTE O fratè com’he Stu fumaccionu He beddu, piu zippu chè mai. Avanzernu ma sempri a pasponu Impantanati,in li nosci guai. Indu sara quiddu ghjustru stradonu No circhemu da quandu mai ? Quantu volti emu presu sti chjassi Tra muchjetu è scupiccia à l’insu Emu persu, lu nomu li sassi A lu cunsumu di la ghjuventu Com’e Quijote ùn, cuntemu, li passi Ma cunfundimu valore e virtu Ripigliu Caminante no hay camino Se hace camino al andar Al andar se hace camino Y al volver la vista atras O sure strasera un libecciolu Ci port’una nutizia cara Dici ingonfia a sborru u violu Da fa nascia una bedda fiumara Tarra ingorda surpa a bigliolu Fendu surghja un balsamu di mara Stu ventu d’acqua u senti rughja Chi ci sdrisgia li mani e lu visu Ampara a veda sta virita A to anima he paradisu Vita sacra in u locu stà Faci scambiu senza da avisu Ripigliu PARTA E VULTA ventu quale t’ha purtatu qui Da lal di la Pensà d’un vule Sbucciatu qui Un ti siccà Quand’ella stinza l’ora maga Ad alliscià E nostre sponde Cun fiatu stranu Bramemu l’onda di l’esiliu E ci imbarchemu a vita persa Sottu a a vela di li sogni E femu chjassu a tante fole D’un’altra terra di chimera Omu di primura natu qui Un ti fiacca Chjama da mar’in la calata qui Un poi sta Quand’ella affacca l’ora vera A spalanca E nostre porte chjose d’angosce Tanti lamenti di a morte A mente aperta ci ne vultemu A sente a bocca di l’avvene L’ore so feste a storia nasce Strappa a fascia e sbatte la bandera Per una lotta di vita Strappa a fascia s’alza la bandera Per una lotta di vita |