 Eddi |
| Eddi Ùn pudiani stà quì eddi ùn pudiani stà muti à mora senza briunà è senza strapadassi micca Veda spigna lu soli Senza dà si di mani micca Senza pudè si mancu dì Eiu aghju fattu la me parti. Allora si sò mossi ci vulia à scità si imparà, metta i mani i mani in u lozzu buligà in i nosci vai è tandu ani imparatu Eddi l’arcaichi i tonti i nucenti chì cridiani in i steddi si sarani sbagliati si sarani brusgiati in a notti scura cunsumatu a so vita ma ani fattu eddi è ani briunatu ani briunatu forti ch’è no erami vivi ch’è no erami quì, no chì durmiami tranquilli ma l’ani fatta eddi iè l’ani fatta eddi L’ani capita tandu chì ci vulia imparà invintà, sciappà crià, bisognu à batta si Ritenalu incù a so vita issu tempu di ghjuvantù issa scimughjina quì issa brama di l’avvena l’ani capita eddi Eddi l’arcaichi i tonti, i nucenti chì cridiani in i steddi ani smuntatu i monti è l’ani sciappati i muri di i nosci prighjò bulicatu in a mimoria in i nosci dulori è l’ani sunniatu sunniatu maiori eddi issu paesi novu par no invintatu iè l’ani invintatu ma eiu ch’aghju fattu ma ch’aghju fattu eiu Issu tempu di ghjuvantù issa scimughjina quì issa brama di l’avvena issa brama di campà ma ch’aghju fattu eiu Saveriu Valentini / Marcu Valentini Cinnaredda |