 A miò storia |
| Chjama Di la nostra storia andata n’anu fattu furturezza N’anu serratu e porte pè stringhje la so cavezza E di li nostr’antenati n’emu persu la fierezza Persu memoria è fierezza cum’è ceghi à a funa Spapersa da mondi in là fù a nostra vita cummuna U pocu chi n’hè firmatu n’hè pati la malfurtuna Muri di dimentichenza oghje vi demu l’assaltu Ricusendu di sparisce demu un novu risaltu Ricurdendu a filetta marchjeremu à capu altu E Strage di l’Isulacciu S’era stesu ind’è l’aria un soffiu di terrore è trimava sempre a terra d’un vicinu furore Si dicia chl u sangue era corsu à fiumi Purtendu da monti in là i s’amari prufumi Quandu franchendu furesti cù i so panni funesti Ghjunsenu l’arme in bracciu à purtà un dispacciu In l’Isulacciu Prumettia u rè di Francia perdonu è pace Forse era ghjuntu lu tempu di piantà e strage Partironu cù i suldati i mei cunfidenti Resenu l’arme senza terne tradimenti In Corti à compie malannu ma per strada l’ingannu Rinchjosi u pasturame, d’una trappula infame Cum’ è bestiame i mei funu tutti pulzati A lu son’ di trumbittoni pè ùn sente i brioni Di i miò figliuloni in l’abbracciata dancia Di u rè di Francia Durmite figlioli mei circate a pace In L’ochji di Maria u focu si tace Ch’in lu mondu di i vivi voltanu e strage Trenta quattr’anni sò corsi nant’e ferite andate Nant’e mure annegrite di e case brusgiate Reame hè turnat’lmperu ma in Fium’Orbu u strangeru Mena sempre u locu cù u ferru è u focu E ùn compie l’imbrogu A ghjustizia morandina compie volse a partita Per ùn si sà chi peccatu, adduni insischita A ghjente ritta in étà di tene un fucile À lampà l’ultima preghera à u so campanile Centu sessanta è più anziani è ghjuventù Stilonu capu inghjù per ùn turnà mai più Si so spente e so rise, è andate e so voce Sparite in ùn si sà chi infernu in chi ghjacciatu invernu Si seranu finite e so nucente vite E nave Sischese Libecciu alliscia à Monte Capanna Vocu pè l’onda vers’a Tuscana Un’alba chjara svela e so sponde Hè cusi vicina ùn si nasconde E mo trè nave so carche à vinu Suchju di u sole capicursinu Da Siscu à Piumbinu vanu indulente Fanu a ricchezza di a mio ghjente Pisate e vele gonfie à li venti Di lu Tirreniu sanu i currenti U mare nostru ci face strada Versu l’Italia à vela alzata Vultati in portu di u Scalu Vechju A l’ispensata nasce u spavechju A francisata ci aspittava ascosa E a so dugana si para ogni cosa Le mo trè nave so incatenate Elba è Tuscana alluntanate Di lu Tirreniu n’anu fattu u muru È u nostru celu s’hè fattu scuru In manu à quell’invasore Chl firmerà di u nostr’onore A straziera serrati qui O à fà e so guerre eppo spari Maria Francesca Addio Maria Francesca Onore della tua famiglia Di Emmanuelli figlia Di me non ti scordar Addio Maria Francesca Onore della tua famiglia Di Emmanuelli figlia Di me non ti scordar In core à mè ficcatu ci ai un crudu pernu D’essemi vistu a manu toia ricusà Scelt’anu i toia per u t’anellu miglior partitu Soga l’amore in casa soia dritti ùn ne hà Vo l’anima ferita A d’altri mondi a miò pena à scurdà A sciuma tesse un velu biancu ricamatu E ti ne vestu o dolce amore à mè nigatu Addiu Maria Francesca Di mè n’ùn ti scurdà A notte di Saigon Hè tepidu stu mare chi lecca i mo pedi Un hè terraniu ùn sò sponde di li mei In giru luce u portu è chjoccanu e canzone A luna splende sopr’à i tetti di Saigone È sott’i tetti à corne à l’annuttà N’un mondu di piacè tuttu si pò scurdà Milli fiori d’oriente s’aprenu pè mè Mi sò fattu pacha sultanu o rè Un pizzichellu in core mi muga ogni tantu Rivegu lu mio campu Ma un nullu di fume ne sguassa u lamaghjone Voltu in la notte di Saigone Galloni militari custumi maccarelli À l’ochju ricunnoscu, paisani, fratelli È a sera à l’ascosu di i sguardi parigini Ci arricurdemu di core ch’è no simu cugini Di sente parlà corsu pare d’esse in paese A zuccà e vittorie di l’imperu francese E fosche in lu fume di e pippe d’opiomu Appullate à mè sò donne di sognu Ogni tantu a mio mente piglia u so volu Versu un paese solu Ma brusgia la mio bocca ind’un basgiu passione Voltu in la notte di Saigone 14 E fune è e cavezze accantu à a finestra Parianu aspettà digià u mo ritornu Trizinò u sulaghju traversa à a lestra Pè ùn sveglià à Petrucciu à lu fà di u ghjornu Nu so lettinu calmu durmia cusi serenu Chi senza falli mottu aghju fallatu e scale Mamma era à a pignata muta è capu in sennu Mi volse saziu nanzu ch’eo stendi e mio ale Era un 3 d’aostu u celu era divinu Mentre falava u chjassu à mezu à a piantata M’hà dettu n’un surisu « fà pianu u mo cininu » A casa di a mio mamma cusi l’aghju lasciata Scuttiscia d’Ersa Musicale Riflessione Di mantene e ripe alte è l’ortu ben custuditu Era una vita straziata pè u paisanu arditu Ma u fruttu di u so stantu ellu ùn ci hà mai traditu Oghje di robba d’altro n’emu u corpu bellu pienu C’imboccanu i giganti lamaghjosu hè u terrenu Piantanu da mare in là sumente fatte velenu N’emu persu a salute u sapè è a cuscenza Vintesimu allusigante diu di falza credenza Ma avà I’emu capita : a zappa ghjè resistenza Induve vai O neve eterne curone di l’altura Sentu u vostru lagnu in lu rughju di i venti I vostri solchi vioti lascianu a trista fiura D’un turrente chi spula via i vostri pienti Lacrime chjare s’intorban’à l’orlu di u mare Cum’è una piuma chi scrive l’ultimu filare D’una storia chi scorna a so gloria quandu u spaventu vince u sunnià A briglia sciotta mentre a strada accorta accorta dimmila tù duve vai umanità U mare hè di plasticu l’amazunia in fogu E ci spechjemu fieri cum’è tanti narcissi Cumprendu l’illusione techji sin’à l’affogu D’un etemu cunsumu à l’orlu di l’abbissi A vita si scioglie è noi ci appulemu à e salme Senza capl chi si chjodenu e porte di dumane D’una storia chi scorna a so gloria quandu u spaventu vince u sunnià A briglia sciotta mentre a strada accorta accorta dimmila tù duve vai umanità Peshmerga Sole à i vostri attrachji v’emu lasciatù o Curde Voi surrisi Degni cum’è più degni ùn simu Sangue curagiosu addisperata chjama Ch’ind’è l’indiferenza ùn hà truvatu à nimu A Diserta cunfine ver’di a scura Turchia Si stringhje intorn’à voi cum’un morsu letale Bandere rosse o negre ventu di barbaria U vostru sole à mezu luce cum’un fanale Vi chjamate Hevrinn Rojda o Arin E cumbattite fiere senza chere un dumane Pè un populu vechju cum’ è vechja hè a rena Oghje cascate voi pè l’idee umane Capellisciolte altiere chi sfidate la morte Site u lume accesu ch’ind’è noi s’hè spentu Speru è pregu pè voi quant’e pregu pè noi Chi u vostru lindumane ùn sia di spaventu L’indianu Sai o Mà, à a scola si sà risi di mè Ch’aghju rispostu in corsu à a dumanda posta Pensava di e cose cum’è e dicu à tè È m’hà coltu a vergogna pè sola risposta 0 Mà, cumu serà chi nimu ùn mi capisce S’eo parlu cum’è in casa cum’è tù parli tù Dicenu ch’e sò inglese è propiu mi ferisce Allora incu mene discorru à tù per tù Mi dumandu dinò perchè ùn l’anu intese E canzone chi babbu cantichjeghja in vittura A note cusi linde è parole curtese In corte di a scola sò d’un altra natura Sai o Mà, vuleria tant’esse cum’è elli E facciu cum’è l’altri pè ùn stammi più solu Ma dimmi tù perchè i strangeri sò quelli Ch’anu francatu i primi l’onde di fiume Golu A mio storia Seranu foglii sguassati a so più bella vittoria O sti morti senza tomba senza fiori nè memoria Anu tracciatu elli a strada « pensa què parla cusi » Ma una voce spurgulata mughja « ùn finisce qui » A mio storia conta u sognu d’un paese à custrui Dice « fà toiu l’avvene, ùn poi compie cusi » E mughe di u passatu sò scritte in l’ochji di i mei ln la so dimentichenza in la franta di e s’idei A chere sguardi è carezze à chi ci porta disprezzu Ma di sta sottumissione ùn vogliu pagà u prezzu A mio storia conta u sognu d’un paese à custrui Dice « fà toiu l’avvene, ùn poi compie cusi » Tagliata à fette è vinduta da predaghji di qui è daltrò È a to lingua scurdata sparita ind’un fiumò Eccu lu to destinu terra mea di passiò Ti pregu lu pugnu alzatu trova a forza di di « No ! « A miù storia conta u sognu d’un paese à custrui Dice « fà toiu l’avvene, ùn poi compie cusi » Lettera à Babbu È voga battellu voga Sfrisgiami I’onda cun foga Voga in furia pè piacè Fammi vultà ind’è mè O Bà a brama si stancia Di i casali di Francia Batte e traverse un tempu hè bè Ma oghje voltu ind’è mè A vita à crucivia mi purtò Un ghjornu à pienghje ind’un avvio N’aghju campatu centu storie Scunfitte eppo vittorie Scuprendu l’umanità So stancu di battemi pè tuttu È à dilla franca dinù Un li supportu più È voga battellu voga Sfrisgiami l’onda cun foga Voga in furia pè piacè Fammi vultà ind’è mè Hè vera u bonu hè dapertuttu Ogni ramu dà u so fruttu Eppuru o Bà si tù chi a dici Megliu à esse cane in Corsica Chè prifettu in Pariggi ! A vechja casa Mi purtavanu i mio passi sopra un fiume Pè fureste di loghi scurdati Quandu di punta à u chjassu nant’un Poghju m’hè apparsa i so ochji serrati A vechja casa D’una finestra sventrata una funa Pendia cum’è lacrim’andata L’usciu mezu spalancatu svelava In fond’à stanza a zilia è a pignata A vechja casa U sulaghju mezu falatu da u pesu Di l’anni di u tempu rinchjosu Purtava abandunatu un lettu zitellinu Di ferru rughjinosu A vechja casa Chi seranu i sicreti piattu in lu mutu Crepacore di l’arrubbate stonde Cherse senza sperà ribombu in stu core Siccatu chi pudia risponde A vechja casa « Chi voli ch’eo ti conti o ciù hè appena tardi Pè ghjunghje à veghja L’acelli di u mio nidu so scappati Hè u passatu chi ti fideghja Forse sò stata una cattiva mamma pè compie cusi Avà ripiglia la to strada m’hà fattu piacè Di pudè parlà incù tè » Vultendu in li mattoni di e case d’avà À u cimentu ammansatu Sentia cum’u pesu stranu d’un altru campà D’un destinu arrubbatu D’un destinu arrubbatu … U cantu di e Fulicce Veni à coglie un ultimu raghju chi tinghje a valle d’un verde prufondu Marina alliscia d’un turchinu basgiu l’aria s’assirena n’un muscu giocondu E Fulicce curranu stu mondu è s’induvina à volu d’Altagna U celu rossu di u mare di Spagna L’ombre si stinzanu è u tempu hè longu Cipolla oscura, Purbezzu s’intana mai silenzii trizineghjanu Grilli è acelli cantichjeghjanu è una tintenna s’alluntana L’ultimu raghju coglie e ruvine di qualchi stazzi abbandunati Lacrime corse oghje pulvina ch’in l’ora bella so intrecciati È guardanu cun listessi ochji quelli chi so sempre stati |