 Cun te |
| CUN TÈ Ùn parlaraghju micca per tè… Donna di la piazza di Maghju Anna, Maria o Lucia Temi ch’ùn sia compiu u viaghju Di tante vite à l’angunia Ùn parlaraghju micca per tè… Ùn parlaraghju micca per tè Amica di la piazza Rossa Quand’è la notte senza stelle Copre di foscu la to mossa Chjama di speranze ribelle Ùn parlaraghju micca per tè… Ùn parlaraghju micca per tè O ombra di biancu vilata D’un paese ch’ùn si ramenta L’amore ch’è tù l’ai datu Si sente sempre la to pienta Ùn parlaraghju micca per tè… Ùn parlaraghju micca per tè Chì m’ai pigliu per la manu Per sunnia à un avvene Duve li surrisi saranu Sti fiori ch’un sò ancu à vene Ùn parlaraghju micca per tè… Ma parlaraghju cun tè… U MARE È U FIUME O chjucu ! Disse u mare Parlendu à un fiumicellu Ind’è mo acque chjare Minutu è miserellu Ti lampi, ghjochi, sparisci Eppoi m’inturbidisci. Guarda à mè, cum’è sò grande, Èppò cum’è sò prufondu, Aghju acqua ancu à rivende, È copre u mezu mondu, Quandu in un scornu hè notte, In l’altru u sole sorte. Ti portu disse fiume U cantu di u russignolu, Poi dinò u prufume, Di u fiore campagnolu, lampu ind’a to sciuma bianca, A dulcezza chì ti manca. S’ellu si secca ogni fiume, Puru d’issi pari mei, Averia menu fume, In trè mesi, cinque o sei A cosa hè più chè sicura, Cambiaria d’andatura ! Fiume, paesi, populi, Ancu chjuchi è miserosi In stu mondi sò utili. Perchè anu certe cosi Ch’ellu ùn hà più putente, Piglia a nota, è teni à mente ! U VENTU SCEMU È A VECHJA SERENA Un vintacciu stridaghjolu, Hè ghjuntu, fattu Natale, Tracarcu di neve fresca, Neve di u Caprunale… Figliulone di l’inguernu Sentia di timpurale. Una tinta vichjarella, Si n’andava dirinata U vintacciu scaccanendu In carrughju l’hà lampata… A roba di lu so saccu Hè partuta spargugliata ! ‘Ssa vichjuccia minutella, L’hà puntata, l’hà struppiata ! A so capillera bianca, S’hè disciolta, s’hè cappiata A cità da cim’à fondu Fù spazzata, schiaffitata ! L’emu alzata, la vichjuccia ! Ferita, murmutulava ! In casa l’emu purtata… U so capu sanguinava È lu ventu, ventu scemu Sbaccunava, scaccanava. Fieru di la so vittoria, Caminava, ughjulava. Cun la vechja mi sò statu… A so voce trimulava ! L’altru facia…l’abbissu ! Ella, persa…si signava ! Stu ventu, stu ventu scemu, Accanitu à curava, A vechja da lu purtellu, Intrepita, u guardava… Mucata da’ssu dimoniu, Serena, spatinustrava ! I MUVRINI Simu di stu paese È ci vulemu ingrandà, Simu di stu paese È ci vulemu imparà, Simu di stu paese È ci vulemu campà, Simu di stu paese È ci vulemu campà. Noi simu i muvrini Ghjunti da l’alte muntagne, È chì s’appupanu à l’alba Quella di e vostre brame. Simu di stu paese… Babbi è mamme chì ete tantu Suspiratu à e partanze, Statelu à sente stu cantu Colmu di nove speranze. Simu di stu paese… O zitelli auropeani D’Africa o d’altre cuntrate, Unimu e nostre mani È cantemu à piene labbre. Simu di stu paese… I PISCADORI È U MARE Mare, mare… Senti l’omi chì ti chjamanu, Mare, mare… Guardendu lu vastu oceanu. Ramentati una volta Quell’acula marina Purtata da u libecciu Chì curava a marina. Ramentati le sponde Di la mio terra amata Di mille cani è gridi À l’ora di l’ambata. Mare, mare… Per vince fretu è fame O quanti piscadori Sulchighjavanu l’onde Spechju di tant’albori. N’ai nutritu tante Ghjente di u lucale Famiglie per quale ormai Si move u timpurale. Mare, mare… Sia torna un amicu Ûn mena micca tantu Ma dacci, Mare Eternu, ‘Ssu rigalu tamantu. Apre a scatula verde Lucichente à l’intornu, È spone quì per noi U pesciu d’ogni ghjornu. CRIATURELLA U ghjornu di lu primu pientu, Ti vogliu apre lu mio core Ti vogliu di ch’issu paese Hè in cerca di u so prim’albore Dopu fughjite le gruppate È dopu compiu lu furore. Sè tù scopri oghje lu mondu S’ella principia la to vita Ascolta o criaturella Cum’ella và quessa la vita Carca di venti è di fiori È d’acque chjare à l’infinita, Carca di venti è di fiori È d’acque chjare à l’infinita. Ti vogliu parlà una lingua Chì oghje hè guasì pruibbita Ma chì ci porta ad alta voce Un’antru versu di la vita Ella sarà per tè la luce Chì rende a strada più schjarita. Sè tù scopri oghje lu mondu… Ti vogliu dà un ideale Fattu di rispettu è d’amore Per ch’issa terra è’ssa ghjente Scaccinu disprezzu è dulore È ch’ellu sbucci in lu to mondu I sole di lu prim’albore. Sè tù scopri oghje lu mondu… CUMPAGNU Spessu ti rivecu, Mai ùn mi smintecu Cumpagnu, Di la to prumessa. L’aghju sempre à mente Tale un focu ardente Cumpagnu Fiamma di purezza. Vola sopr’à le lecce è l’alivi O culomba l’azurru ai da striscià Per dicci chè nò semu vivi È chì persu ùn avemu, è luttà… T’anu ammanittatu Cum’è un scelleratu Cumpagnu Ghjittatu in prigione. Notte angusciose Stonde dulurose Cumpagnu Ma spera Nazione. Suffrimentu umanu Per chì’ssu dumane Cumpagnu Sia di dignità ‘Ssu cantu sta sera Si farà prighera Cumpagnu Luce di libertà ! AGHJU COLTU Aghju coltu ste vellutine Per purtaledi in stu locu Aghju sceltu le più fine Culor’di u nostru focu. Sò corsu per i viottuli Scumpagnatu da u timore Abbracciendu centu populi Figlioli di lu stessu amore. Sò ghjuntu à core in manu Famitu pedi pulidrinu È lu to attu umanu Fù di girami lu spinu. VOGLIU Vogliu cantà pà li paesi Chì l’alligria hè in ogni cori Quand’eddi ùn ci sò più offesi È ch’eddu si spanna l’amori. Vogliu ramintà tutta a storia Di lu mè populi firitu Chì da sempri s’hè fattu gloria D’ùn essa mai priubbitu. Vogliu tuccà tutti i vistichi Chì fermani in u mè locu È di lu sangui sò li vichi Chì si ghjirani in un focu. Vogliu cuntà tutti i passati Insimament’à lu tramontu Chì anc’avà semi mucati Senza avemi fattu lu contu. Vogliu purtà tutti i dulori Ch’ùn si sò mai sparasiati Com’è tanti crepacori Ormai par sempri andati. Vogliu bramà tutti l’avveni Tutti li gioi i più duraci È cù l’amicizia chì veni Firmà sempri à cori in paci. |