 Da francà u mali |
| Esiste U signozzu d’una tarra, chì sà arburà i scetri Persu avìa à so zarra, frà li chjassi li più tetri Da sbusginà una fiara. È cusì, Una prutesta nascìa, frà stu duttrina suciale Pè suminà à sulìa, una identità reale Chì s’accertava fundìa. Tandu l’esse fù ragione, pè pruclamà è sussiste L’arbitraria decisione, d’una cagione d’esiste. È à cuscenze rabbiose, svulteremu l’inghjustizia Di ste preputenza altose, à l’infama ingurdizia Incù l’ànime bramose, da caccià l’inimicizia. Quì ogni ventu s’hè destu, à u passu d’un dumane È u focu manifestu, colmu à fiàccule suvrane Dete un chjarore celestu. È cusì, À l’innasta illudente, d’una forza chjasimata Una stella più ardente, ci sarà sparamundata Pè zirlà d’altre surgente. Oghje l’avvene cuncede, l’armunia d’un rinnovu Da dissetà è spruvede, u sensu d’ogni riprovu. È à cuscenze accese, volta torna a maestrìa Da scioglie ste maniprese, ritruvendu à so vìa Pè cuncreà stu paese, à l’alta demucrazia. Da scioglie ste maniprese, ritruvendu à so vìa Pè cuncreà stu paese, à l’alta demucrazia. È cusì sarà. Passi Piglià un pugnu di terra cun radiche intrecciate L’odore di a serra è un fiore sbucciatu piglià a petricella di u chjassu frustatu una di u casellu di li tempi straziati mette tuttu ind’un saccu cù lu pocu ch’o aghju è mettemi in affaccu per fà lu mo viaghju Monti gozzi Di granitu splendurenti Petra rossa cusì vechja À l’iscontri di li venti Induva lu soli si spechja Milli foli è tisori Da lu casteddu à lu stazzali Trà pastori è signori Quidda passata murtali Ritmica nurmali Locu cusì maestosu Chì saluta la Gravona Monti Gozzi luminosu Dà un versu à sta canzona Quandu vena u timpurali Si piatta cum’è l’aceddu Ind’un nidu naturali Cù i nuli pà manteddu O lu monti di granitu Guardianu di lu circondu À l’eternu sempr’arrittu Biddezza di lu me mondu Locu cusì maestosu Chì saluta la Gravona Monti Gozzi luminosu Dà un versu à sta canzona Tutti lochi quì vicinu Ti salutani guardianu Afà, Appiettu è l’aiaccinu Ch’è tù vardii da supranu Dolci hè lu chjam’è rispondi Ch’è tù lampi pà sti sarri È i cimi chì sò in fondu Ti rispondani cù u mari Locu cusì maestosu Chì saluta la Gravona Monti Gozzi luminosu Dà un versu à sta canzona Break guitare Locu cusì maestosu Chì saluta la Gravona Monti Gozzi luminosu Dà un versu à sta canzona Aldilà da u luntanu Hè passata l’invernata Hè firmatu lu dulori Dura hè stata st’impettata Chì ci hà feritu lu cori Ammantenduci di dolu Vucerendu u to figliolu È tù suredda cara Chì palesa la to vita D’una lacrima amara Incù l’alma indulita Viaghjendu à malapena Sintenduti togli a lena Francaremu quiddi chjassi Apperlamanu o suredda Ùn si sgassanu li passi Indù nasci a muredda S’e pudissi cù li to pienti Attippammi à un scaloni È di issi ricordi à menti Fammi apri un stradoni Cuddariu sin’in celu Pà piglià u to ziteddu Ora dacci la to manu Andemu à coglia u soli Aldilà da u luntanu Ancu in sonniu s’eddu ci voli Sin’allocca di stu ghjornu Di quidd’eternu ritornu Francaremu quiddi chjassi Apperlamanu o suredda Ùn si sgassanu li passi Indù nasci a muredda Trà passioni è offesa In cori meiu una fiamma Brusgia tal’un focu ardenti Una musa chì mi chjama È riscalda la me menti D’una tarra lu destinu M’inditteghja lu caminu Omi di stintu è d’onori Ch’anu datu la so vita Pà sta tarra di valori Di ferita sempri afflitta Sempri pront’à la difesa Trà passioni è offesa Ma cuscenza si svighjarà U cornu torna hà da sunà Cum’è Cirnesi tempi fà Corsu l’avvena sarà U ventu fala da l’altura Cù un muscu di muredda Impastatu di cultura Di a nostra Cursichedda È tramanda li vistichi A mimoria di l’antichi S’hè accesa una prighera Chì cuntrast’a nostra storia Di front’à la tarra intera Di un populu la gloria Cù la bandera à palesa Trà passioni è offesa Ma cuscenza si svighjarà U cornu torna hà da sunà Cum’è Cirnesi tempi fà Corsu l’avvena sarà Orizonti Da l’antichi cavalcati D’una ricerca di l’oru À paisaghji scurdati Quandu lu soli si mori I culori imbalsamati Chì rallegranu lu cori Fusti tù sacru caminu Di l’idei è di li mossi Muntagnosu o marinu Una stradedda à scossi Pà tuccà locu divinu Dop’à viaghji cummossi Orizonti chì sà, Una storia à cuntà Milli passi à baddà Sin’à l’aldilà À l’imbrunì Stasera a mio ghitarra Fromba sottu à u balcone, Spartatevi prestu o cara À sente e mio canzone. Sì per grazia v’affaccate L’anima tutta hè rapita Ma rinchjusa s’è vo state Si ne strughje a mio vita. Cum’è luna è stelle in celu Splende a vostra parsona, S’è vo calate u velu L’universu s’abbughjona. Trà i fiori di u pratu S’è vo passate ligera Nu u chjosu furtunatu Affacca a primavera. Stasera a mio ghitarra Fromba sottu à u balcone, Spartatevi prestu o cara À sente e mio canzone. Cum’è un chjucu trà e dite Tene un acellu incabbiatu In la manu voi tinite Prigiuneru u mio fiatu Site a Madunnella Ritta in cima di l’altare, U mio core à a gradella Brusgia incensu ad alte fiare. O bianca cum’è a neve O dolce cum’è u mele, Eterne e stonde breve Fatte à l’amicu fidele Stasera a mio ghitarra Fromba sottu à u balcone, Spartatevi prestu o cara À sente e mio canzone. Sì a sorte ci sipara Venganu l’ore supreme, A partanza sarà cara S’è no ci n’andemu inseme. L’ottu di dicembri In cori à u tramontu aiaccinu S’intreccianu i voci laziosi Sò tanti ghjuvanotti primurosi In intunà in giru à u tavulinu Da l’alta strada à u cobre chilenu Da u populu vivu à a muralla Semu fratelli di listessa vaglia D’eterni lotti arradicati in senu À l’ottu canteremu sin’à l’alba Da fà ch’ella ribombi in li monti quassù Un’armata di voci ghjuventù Un’armata di voci ghjuventù Mai più chjosi à mezu à quattru muri Avemu tutti un paesi da fà Una pagina à scriva un sunnià Ci sianu in favori l’auguri Sò di quidda Sò di l’aria cusì pura Chì porta a cavallata Sò di ‘ssi mumenti calmi Spenti à l’ombra d’un palmu Sò di ghjorni citadini Cù i nuttati di lumi Sò di stondi paisani Li me sogni arrinati Ma sò di quidda rivultata Sò di quidda Sò d’un locu silenziosu Chì cerca lu so riposu Sò di lingua tralasciata In brama d’una sbuccata Sò di issi passi sicuri Circhendu l’indiaturi Sò d’una tarra di stintu È saraghju sempr’arrittu Ma sò di quidda rivultata Sò di quidda Ma sò di quidda libarata Sò di quidda. Credenza Di a tarra di l’anziani, arrubbata Di quidda storia di Cirnu, sminticata Vi cantemi la so sorti, scunsulata… scunsulata… Usi quant’è cultura, tralasciati A nostr’indiatura, calpighjata Corcia la nostra natura, addulurata… addulurata… Di la nostra amarezza Risorghja una cuscenza Chì lu nostru paesi Spechji a nostra credenza Si disceta la cuscenza, ribomba la nostra credenza D’una ghjuventù in cerca, di sapè Parchì s’hè spenta la fiara, di u chinchè D’una vita paisana, lu vulè… lu vulè… Ma lu ventu oghji ci punta à avanzà Nant’un’aria chì ci faci sunnià À un lindumani chjaru, in libertà… in libertà… Di tanti sonnii appesi Risorghja una cuscenza Chì lu nostru paesi Spechji a nostra credenza Di tanti sonnii appesi Risorghja una cuscenza Chì lu nostru paesi Spechji a nostra credenza Si disceta la cuscenza, ribomba la nostra credenza Sensi Silenziu urfaneddu di a parodda ùn si lamenta chì l’ochji sò rimedii quandu a lingua ùn si senti Stonda fughjita in una stedda d’arghjentu d’un surrisu u ricantu t’allebbia l’essa di l’omu rima è l’umana d’una miludia lesta senza lacrima caduta Qual so Sò a tarra di a storia Spessu chjamata a più bedda Sò u cori è a mimoria Di à so alma ribedda Sò a mamma chì nustrisci È chì ti dà à capì Sò la to lingua materna Ùn vogliu essa sbattizata Vogliu campà à l’eternu Senza essa tralasciata Di tè sò fiatu è libertà Di mè mai ùn t’avvargugnà Sò la to bianca bandera Cù a stampa di u moru Sbattuleghja cusì fiera À l’altura d’un maghju d’oru Sò a voci è appratesa Di un populu in attesa Sò di cori è sò d’onori Prontu à l’uspitalità Parlu sempri cù ardori Sò passioni è sincirità À mè surghjenti hè spiranza Chjama ugnunu à a fratiddanza Sò u mari è a muntagna A muredda è a filetta Sò supprana è sò suttana Dà u celu sò binadetta Sò u ventu di salvezza Chì ti togli l’amarezza Sò cità è paisolu U passatu è l’avveni U piaghjincu u muntagnolu L’estru chì corri in li veni Sò signora è pasturedda Sò la vostra Cursichedda Sò signora è pasturedda Sò la vostra Cursichedda La vostra Cursichedda |