 Da scunghjurà a sorti |
| Uffesa Era èpica trafalata è una vita tribulata A Francia l’avia lasciati’ssi Corsi abbandunati U stragneru era patroni è i Corsi stranciaconi E patiani suffrenza bramendu a resistenza Pà Cirnea chi hè malata è propiu maltrattata Vuleti essa assistati ma chi seti diventati ? Palisava a so rabbia com’è un aceddu in cabbia Chi canta u Pattriotu ùn abbandona u to ortu E ramèntati di a lumera chi oghji s’addispera Mancu più un clandestinu pà difenda u nostru innu Duva so Corsi d’onori chi t’aviani u valori Un so morti in Ponte Novu ma cèrcani u rinnovu A a vita, à a morti, pocu imprema a nostra sorti Femi campà ‘ssu paesi chi riceva tanti uffesi Quista Corsica l’aghju vista, sprufundata è spruvista U cunsumu ci tumbava è u francesi ci cantava “Seti roppa insanguinata, stacciata è vastata E u Statu vi affonda è a vi metta prufonda Marighjata culuniali d’unu spiritu fatali Chi ci porta a cundanna è à spessu c’inganna A ‘Ssi Corsi traditori ch’ùn so cà malfattori ! Si mantena a francisata ind’a menti culunizata Da u solde è l’intaressu chi dà tantu sucessu, Appetitu è sfruttera quandu si campa à a straziera Si ni mori Cursichedda, muntagnola è ribedda E tumbeti a spartera, fiertà di a bandera Vicinu à u pastori staraghju cantadori E pà l’argricultori daraghju u me sudori Pà ‘ssa tarra machjaghjola d’una via campagnola Chi sbanda u magnunu di l’elettu u cunsumu Ni faciu u ghjuramentu sottu à u tistamentu Difendu a me Pàtria è a me pena s’infiara Quand’eiu vecu ‘ssa catena, di l’angoscia è di a pena Chi stringni a me storia, un ideali di mimoria Firmaraghju suldatu contru à u falcu è l’assistatu E m’approntu à fà battaglia cù chitara è tanaglia 40 anni aghju passatu è sempri suminatu Contru a sottumissioni è ‘ssa vera riprissioni Un passu d’indiatura, a più sincera è più pura Contru à ‘ssi scurnachjoni è ‘ssi canti di magnoni Hè una lotta di cuscenza contru a smintichenza Pà ‘ssa vechja nazioni, u sveghju di passioni A a vita, à a morti, pocu imprema a nostra sorti Femi campà ‘ssu paesi chi riceva tanti uffesi ! Scalini À l’usciu d’issa porta Fruntiera versu l’andà Da l’entre è u sorte Pè l’infora vagabundà Issi scalini patinati Cù scarpi è pedi scalzi Quantu volti francati In li stonde i più pazzi U rivecu scappà Issu tempu scalinà Ch’ùn pò richjappà À to chjama o minnà Usati per gradini Si ne facia pusati Pè ghjucà à l’induvini Di quelli inamurati Illusione di cuncerti D’un ombra chì ci balla U tempu ci si diverti Arrimbatu à sta scala U rivecu cantà Issu tempu chjachjarà Ch’ùn si pò scantà È mai più scuntrà Cù sintimi mischiati fatti à intervalli Di ricordi sbuculati Ci sò i codda è falli È pò l’ultima ochjata Postu quì à malpinsà In fondu di a scalinata Solu oghje à cunvirsà U vecu ormai avà Issu tempu mintuvà Ch’ùn si pò ritruvà E lacrime asciuvà U Ghjardinu Neru Da l’antichi pasciali d’un locu testimonu Riscaldatu di vita è di soli d’orienti Si ramenta è si lagna u monti Caucasu Ma un trova manera di siccassi li pienti Musulmanu o christianu, eccu lu so distinu Da li turchi à li russi, da l’imperi i putenzi Ottamanu, pirsianu, quali fù à l’iniziu Di u « ghjardinu neru » è di tutti i so lenzi. Di quali era u tortu, à quali darà raghjoni ? U filu di a storia, u frombu di cannoni Sè nè sò sicuri hè ch’in u sò cori batti Turnarani in l’alturi di l’altu Karabakh Mez’à l’acqui saliti di lu caspianu mari A disgrazia di l’omu avanza passi à passi In una cità mischina chjamata Kalbajar Ani trovu u curaghju di brusgiassi li casi A li dii chì sanu à mimoria antica E la dulcezza pura chì si sà metta in anda Smintichendu l’orgoliu chì tutti i sguardi accica Punaranu à a fina una sola dumanda : Cuntinuà Ùn sentu più frombi fiuminali, ùn vecu più a luci di u fanali Pianu pianu m’addurmentu, in ‘ssa tarra di scumpientu o turmentu Ùn sentu più l’aceddu cantà, l’anticu innu di a libertà Luntana hè, a casa di minanna, l’ultimu pientu di a me mamma M’ani sarratu è incarciaratu, ind’u mondu tribulatu A sola scusa d’essa culturali, di palisà a suffrenza suciali Mi rimpròvani la verità, di pettu à la falsità Oghji m’ani cundannatu, mà eiu socu cappiatu Cuntinuà è sempri marchjà Cuntinuà è sempri sunnià Cuntinuà è mai sminticà Cuntinuà è sempri cantà Vòlini spingna l’ultima fiara, di u me cori in piena fiumara Tacesi senza più lutta, rinnuncià senza mai puetà Campà ch’ind’a me menti, svaniti sò li turmenti o pienti Oramai la rima s’hè sciolta, par cuntinuà la rivolta La rivolta ! Malgradu la sintenza viaghja o cresci a me spirenza Affacca la me culomba, à lu zogliu di la me tomba, È cusì ch’ani scrittu à l’eternu un umaghju afflittu Cuntinuà è sempri marchjà Cuntinuà senz’addisperà Cuntinuà è mai sminticà Cuntinuà è sempri cantà Cuntinuà… A Scelta A via d’un paese chi stà arrimbatu à a storia Cù ferite impastate in a mente cumuna In sè U chjassu, Chi suvita u solcu di u nostru passatu Burdinale di l’omi chi l’anu tracciatu E sempre sunniatu Issu fiatu chi ci porta ,arradicatu in senu Affarendu a so via incu l’estru serenu D’un essaru sfidatu d’appettà l’avvene Mà quale lu po tene avà ? Sta scelta, Di francà l’oceani scopre d’altri paesi E po d’amparà, arte è sapè nuvelli Per tè Dumane, Vultaraghju prontu cu a fede sicura Incu a brama pura di a libertà È di a verità Muntagna di Bavedda Parenu tuccà u celu Sti forche appinzati Da e ribbe di pulischellu A li monti tavunati In la rocca cusi alta Per lu versu petricosu L’arghjettu ellu ci salta È ci trova u só ascosu O muntagna di Bavedda Di a verdura si surrisu Luce tale una stedda Viccinu à lu paradisu Sbuccianu i primi fili Frà monte è sciapali Sin’à li tempi veranili Per l’onda in fiuminali Score l’ultima piuvita Per francà la sichina inacquàcci a vita Fin’à pieghja è marina O muntagna di Bavedda Di a verdura si surrisu Luce tale una stedda Viccinu à lu paradisu Musa Corsa Una voci, una canzona m’invita à un viaghju Mi rallegra di passiona È hè spechju di curaghju Ogni Corsu piglia forza Cantendu a tarra corsa Sò sti soni sò sti versi Chì accendenu la storia Tutti sti mumenti persi Imbrividi di a mimoria A sperenza à a riscossa Cantendu a tarra corsa Viculu di milli voci Di lu cori medicina Sempri liati à la croci Diu vi salvi regina Di la Cultura la scossa Cantendu a tarra corsa Hè stu ventu cusì schiettu Musa in ogni rughjonu trimuleghja in lu me pettu Cum’un rughju di lionu U fervori di a nostra mossa Cantendu a tarra corsa Hè Corsica chì m’invita Nant’un chjassu verdulinu lu baddu di a vita In lu reami divinu Ancu l’anima hè cumossa Cantendu a tarra Corsa S’infiarani l’elementi À lu son’di Cursichedda Focu, acqua, tarra è venti Si maritani incù edda Hè scrittu à la mina rossa Cantendu… Quidda chì ci faci rida Quidda chì ci faci pienghji Quiddu scopu di ogni sfida È st’amori ch’ùn si spenghji A tarra corsa ! I Fatti Muti Frisciu chì và In pulvaricci Ribomba è subbitu sparisci Da scriva l’estru di i ghjorna u celu a dicci In una lingua ch’un si capisci Di una manu fatta falcina Si puddarà sculpì cà ruina ? Un Pineddu di furia è dulori Un pò piattà i to culori Camparà sempri vicinu Camparà lu to distinu Camparà lu nosciu amori Da fà li eterni i toii l’ori Surrisu chì sà Di l’infiniti Cuntà li passi ch’un sò scritti Salvà li strani dimonia Curà firiti Creda in l’animi aflitti In una manu turnata tristezza Ci vidii una carezza Darè à i fati à vulintà, Lu curaghju di palisà Camparà sempri vicinu Camparà lu to distinu Camparà lu nosciu amori Da fà li eterni i toii l’ori A Fedi A fedi ùn pò dubità Omu à tena è pò à sà In ogni lochi di u mondu Hè un sintimu prufondu A fedi edda ùn pò smizzà Hè simbulu di parità Qual’hè chì t’hà di più valori À palesi à lu signori ? A fedi edda ùn pò tumbà Hè simbulu d’umanità A forza ùn pò essa scura Quandu lu mali n’hà paura A fedi hè ancu libertà Di pudè scegli u so campà Hè vita senza catena Pà u passatu è l’avvena A chì creda hè putenti lu cori hè la surghjenti Pà lu spiritu maestru A fedi franca lu pinsà Cunfini è fina ùn ne hà Una preghera in l’altura Si spavers’in la natura A fedi pò ancu currà Ogni dulori pò stancià Aldilà d’ogni ferita In l’altru mondu ci hè una vita A fedi aiuta in lu campà Parmetta d’ùn mai fiancà Hè pudè sparti lu so pani Senza dumandà cumpani A fedi edda ùn pò calà Forti hè la so vulintà Da pudè goda li so ori Ringraziendu lu signori A Tinaglia Semi populu senza voci Picculu, mutu è annigatu Chì prega sempri a croci D’essa un ghjornu libaratu Mà tinutu in tinaglia Trà u statu è a canaglia Populu fieru è arditu Di qualità, virtuosu À mè m’ani sempri dittu Chì u Corsu hè gluriosu Mà videndu a realità Mi dicu ch’ùn hè verità Punteddu d’ipucrisia Dopu muti, cegh’è cionchi Mi pari chì l’ideulugia Hè tinuta da i gronchi U pugnu chì era pisatu Mafiosu hè divintatu À parlà d’indipendenza Sò li primi in li caffè Mà comu fà resistenza Trà l’affari è u soldu rè Di lu nostru l’ideali Ne facin’ usu cummerciali Ci semi sempri battutu Parch’edd’ùn ci sia clani Mà l’inverciu hè accadutu Cù u puteri è i so danni Da stragneri rimpiazzati È da i nostri ammazzati Sè l’aziona ch’hè decisa Da l’omu periculosu Pò ammantà à u visu Di quiddu ch’ùn hè mafiosu Divent’u nostru ideali Bucia individuali Di quiddu eternu nemicu Sbiri certi sò avali Intaressu pà essa riccu Cù decizioni murtali Cù mafiuseddi assassini Tarra è Corsi in pulvina Quidda ghjustizia in attesa Si ne stà in spettatori È festighjeghja l’offesa Quand’un Corsu si ne mori Cumplicia di a mafia lucali Corri u sangui nustrali Trà li mafiosi è u statu Compiaraghju cù una spera Nimu ùn cacciarà u fiatu È smattarà a prighera Quand’u maceddu compiarà Si parlarà di libartà Di stintu l’eroi Era un ventu infultratu In a valle bughjicosa Chi arruffava lu muscu Per dà l’eternu riposu E lascià per testimoniu Una muca dulurosa Tu sintinella d’onore Chi trasmetta a so accarezza E diserba u sin valore Per ùn lascia ch’e a salvezza Siccà li pienti cun amore Per purtà a purezza Chi a l’alba sbuchja u sole Cume u spechju di l’avvene Chi stintu ùn hè fola E fiurisce in sampiternu Per purtà ab eternu Per campà ab eternu E pò lu sonniu corre Per ‘ssi monti tralasciati Chi pè sceglie la so sorte Un ci vole da esse abbalanati E puru dà la so voce Per pudè parà li venti L’anni passi è tu rispiri Incu a forza è u curaghju Di u suldatu senza suspiri Chi si ramente u paisaghju « è chi ne serà d’oghje d’eri » Podassi dumane lu viaghju Chi a l’alba sbuchja u sole Cume u spechju di l’avvene Chi stintu ùn hè fola E fiurisce in sampiternu Per campà ab eternu Per campà ab eternu Cantu pà una Stella Prichera ò cundanna fatta à l’immensità Una stundaredda Ghjastimendu a notti chì hà purtatu culà Una santa stella Malasorti chì chjama una vita à l’aldilà A rombu di canzoni è mezu à i risati Scrivaremu à to brama…di campà Brionu firmatu à l’anciu di a to voci Ribomba sott’a croci Anghjulu svanitu à u fior’ di l’età Chjamatu stella Un dumani sarà di goia è d’umanità Incù l’amori chì pudemu dà arrubaremu à l’eternità Pà lacrimi di stondi, solu qualchi sicondi L’accunsentu di turnà…di sunnià Sunnià… U to fiddolu t’aspetta A l’attrachjata turchina D’una ghjurnata d’istati Posta annant’à a marina Chì azzicò tanti risati In u soli chì si rifletta U to fiddolu t’aspetta Ghjunt’a friscura d’inguernu Chì u celu si faci arti chì si sviota l’internu Pela è cori cupparti In l’epica chì si rigretta U to fiddolu t’aspetta Dopu una cena infinita Fatta à gustu di spartera quali a goia s’invita Pinsendu à quiddu chì era In u ricordu chì assesta U to fiddolu t’aspetta In una paghjella sulenna Quandu hè tempu di fiera Ind’a mani chì sumena Stintu è granu pà spera A tarra sempri pà scelta U to fiddolu t’aspetta Quandu a menti si rivolta Imparendu una nutizia È chì a cuscenza sciolta Si ricusa l’inghjustizia A rappia chì si disceta U to fiddolu t’aspetta A l’ora di lu ritornu In issa vita ò aldilà Sappia chì u to fiddolu T’aspetta è t’aspittarà. Aldilà D’un soffiu di vindetta, s’accenda una brusca In a volta cilesta da rinviviscia u campà Di una tarra chì trema, una storia ch’un si pò sguassà Sò u falcu , a faeta, a fiumara infantimata Una rivolta guerriera, un brionu pà purtà D’una esistenza la spera chì dumani andarà…. Aldilà di a me tarra, aldilà di u sunnià Incù la feda di li mei è quiddi ch’anu da vultà Aldilà di la custera è di a rialità Alzaremu la bandera sopra i cimi di l’umanità C’anu amutulitu l’ombra chì ci curaia lu passu Afunia chì ci sfonda è c’impona à stà bassu mà un strepitu ribomba, è l’abbissu si metta à sunà sarà aspra à facenda, mà ci tinaremu saldi impastaremu à lighjenda à l’innasta di li mani una mossa chì si tenda è dumani andarà… Una storia ch’un si po sguassà pe la me tarra eiu vogliu sperà Resistenza, Rivolta e Liberta Quis ut Deus Cumbattantu di lu mali Lumu drentu à la timpesta Hè lu capu generali Di la milizia celesta Nant’u scudu di u suldatu Quis ut deus hè stampatu In parechji religioni Michael hè mintuatu Guardianu di la leggioni Di virtù incurrunatu Vittoria pà sempiternu Contr’à lu dannu è l’infernu Di a feda pruttetoru Quandu l’omu hà paura L’arcanghjulu difensoru Di lu dragonu scunghjura Gran’cavalieru alatu Forza chì ci dà lu fiatu A la fina di lu mondu Pà tutti l’anim’errenti Ghjudici di l’altru mondu L’ultimu ghjudicamenti In la bibbia lu mentoru Di a balancia detentoru In Corsica festighjatu Di tanti ghjesgii patronu Ascu, Ocana, Muratu Lu so divinu sedionu In coelum ora pronobis Semper sancti Michaelis In nome di u Padre, di u Figliu è di u spiritu Santu, Amen hè cusi sia, hè cusi sia |