 Diana di l’alba |
| NINNI NANNA Tra lu boie è lu sumeri, Ma guardate lu zitellu, Stesu nant’a la filetta, Si ne dormi cusì bellu, Pare un gigliu delicatu, Pare fatu a lu pinellu. Ninni nanna, o divin’ amore, Cusì bellu è cararellu Ti faremu una cullana di stelle, Dormi nella mandria, u to viculellu, Senza pane, nella frisculina, U to asinellu ti riscaldera, È la Vergine Maria, cu San Ghjaseppu, Ti viculera… Purteremu lu ghjesucciu In li monti di cuscionu, Cume noi, parlera corsu, È saremu u so pilone, Pigliera latte di capra, Manghjera brocciu è fiadone. MAZURKA SENTI FIGLIOLU Senti figliolu Chi cantani l’acelli, Guarda, figliolu, I fiori cusi belli, Se tu, carinu, Vol’ essa com’elli Stami vicinu È guardemu l’agnelli. Senti figliolellu A vocce di mammà, Di guerra l’urfanellu A babbu un po chjamà, U me faggianellu Per tè vogliu rimà, Senti figliolellu L’affanu di mammà. Senti figliolu Chi canta la vadina Mezz’ a li scogli Va vers’ a marina, Cusì figliolu Scorri la to matina Orghjà, figliolu A sera s’avvicina. Senti figliolu Chi suspira l’amata, Una zitella Di tè s’e n’amurata, Spunta la luna, Passat’ hè la ghjurnata, Porta figliolu A dolce serenata. Senti figliolu Canta u malacellu, Par tè, figliolu Chjamatu a lu macellu, Vi maladescu, Omi senza ciarbellu, Sta qui, figliolu, È guardemu l’agnelli. U BUSCHETTU DI L’ARIOLA In lu buschettu di l’Ariola Batti batti la me piola, Chi l’inguernu he bellu duru Benche u celi sia puru. U celi benche sia puru, Ma la nevi copri i monti È ci manda la stridura, Cu li so malani pronti. In lu buschettu di l’Ariola Batti batti la me piola, Chi l’inguernu he bellu duru Benche u celi sia puru. I zitelli tutt’ intornu Stann’ a sent’ a bella storia Chi ci conta torn’ a tornu Ziu Francescu è Zia Vittoria. In lu buschettu di l’Ariola Batti batti la me piola Per fà ceppa da u focu Chi scalda u nostru locu. È voi altri, in li catagni, Fasgiuletti sti castagni Per bia di sta vinetta Carc’ a soli di a culetta. In lu buschettu di l’Ariola Batti batti la me piola, Che l’inguernu senza focu Sempre tristu hè lu me locu. ANGHJULA DEA N’aghju avutu più di quattru Innamurate a le me idee, Ma la più chi pensu sempre He a me Anghjula Dea, Ci n’aghju una bella parte Che stata sett’ anni mea. Aghju un tizzon’ in lu core Chi m’arrust’ è mi divora, So com’ un cirron’ accesu Quand’ ellu cunsum’ è scola, Pinsend’ a Anghjula Dea Che stata sett’anni mea. Cantanu tutti l’acelli Nant’ a l’arburi fiuriti, Ma par me li belli ghjorni So starminat’ è finiti, Pinsend’ a Anghjula Dea Che stata sett’ anni mea. Sta man’ he ghjuntu lu branu, O cara, com’ ell’ hè bellu, So fiurite le campagne Ma lu me cori hè niellu, Pinsend’ a Anghjula Dea Che stata sett’anni mea. Passu le nuttate in biancu, U lettu un m’ annana più, So di cap’ a lu caminu, Sempri sopr’ a lu tizzonu, Pinsend’ a Anghjula Dea Che stata sett’anni mea. U LAMENTU DI L’ALIVU O lu meiu, lu distinu, Com’ ell’ hè tristu è mesquinu, So turnat’ a chi mi voli, Si ni spassenu li poli, Ogghje un’ hai più cura, O corsu, da me cultura. Da me pienta cusì degna, Ni hai fattu li legni, Per fane lu focu, O chi scandellu di locu, Ci cresci macchj’ è filetta Chi s’attac’ a l’alivetti. Purtantu tu ti n’inveni, Avii i to cerri pieni, Ni cod’ anc’ a lu terzu, Mi vindii tuttu l’inguernu, Un crignii più l’annata Dopu la ricolta fatta. U me oliu cusì finu, Ogghje un ni vo più nimu, È lu compran’ in butteglia Chi ni sbarca da Marseglia, Se ingranditu senza narbi, Tinbufi a oliu d’arba. Da la piaggja a la muntagna Eru gioia da campagna, È a mazz’ a la natura Sempr’ eru la più verdura, D’ istati come d’inguernu, Par lu branu è sempri eternu. Eru rama di la paci, È lu fruttu di la luci, Eru l’arburi di Diu, Prima eru lu to invidiu, Ogghje mancu par lu vitu Ne par dall’a u beneditu. O Corsu, ciò che tu facci ! Ma che tu ni vogi in paci, Meritavu più d’amori, Eru di tantu valori, Ma d’avemi abatutu Un ghjornu sare pentutu… DIANA DI L’ALBA Diana di l’alba, Stella nell’cielu, vermiglia, Se tanta bella, Chi se la maraviglia, Tu se come la farfalla Chi a lu focu s’appilglia. Quandu la ghjattu Fara la pace cu lu topu, Che l’onde dell’mare Si sicaranu all’fondu, ( L’onde dell’mare Non secanu mai ) È voi prudete Socore a le mi guai. Eu un’ so lopu, Ne voi agnela sete, Datemi u basgiu, Chi tanta bella sete, Si nissun’ un la po spinghje, Voi spinghje lu pudete. SCUTTISCIA U PINU TUNISIANU Eghju ti scrivu quissu fogliu, Tu li scrivu da luntanu, Fatt’a l’ombra di lu pinu, Di lu pinu tunisianu, Sempr’ allegru è cuntenti, Di saluta sempre sannu. Quantu mi ni possu invena Di la cita di Sartè ! Hannu piantat’ un cipressu, Cullà, sopr’a lu cafè, Diccaret’ a Scianconu Chi l’anaquessi par me. O cumpa, lu me cumpari, Se tu passi par issu locu, Dali pur’ un fulminenti Cheddu s’accendi lu focu, Dali pur’ un fulminenti Cheddu s’accendi lu focu ! Un mi vatareti più A la boca San Damianu, Sempr’ a vedam’ affaca Rittu, cu la frusta in manu, Cuddend’a trottu sarratu, Hè difesa d’andà pianu… SOCCIA Addiu, addiu, O Soccia, L’umbriccia a lu paese Addiu, donne succese Mi n’aghju da andà. Quandu partu da a Soccia, Passu per San Marcellu, Facciat’ a lu purtellu Per vedemi passà. Quandu partu da a Soccia Passu per u pughjolu, Un c’è chè Diu solu Per pudemi parà. Quandu sero luntanu, Davant’ i bastimenti, Mi crepu da lu pientu Sempri pinsend’a tè. A BERLINA A quatr’ ori di matina, Ni parti da Porti Vecchju Di panaghi la berlina Lucenti com’ unu specchju, Ni porta li passaghjeri Tanti corsi chè stranieri. È comu prima stazzioni Subitu avem’ a Sotta, Diversi sò li parsonni Vinuti da tanti loci, Cùn paquet’ è cùn balisgi Ghjuvanell’e barbi grisgi. È Lisandru senza gena Toca l’acciliratori, Munitu cu la sirena, Ghjir’ intondu lu mutori Tuttu cunturnend’ a Cagna Si dirighja par muntagna. Cuddendu par Buravonu A l’odori di lu pinu, Si traversa lu vangonu Di la furesta di Spina, Prutetu da Cristofilu Varca lu colu di Bacinu. O tamant’ hè l’allegria Chi prestu sem’ in Oronu Chi da Carbini a Livia C’ arranghjanu lu stradonu È di vena cosa strana Ni rid’ ancu la taccana. Da Livia a San Gavinu Zonza ven’ in cusiquenza S’arrev’a fà lu spuntinu A lu salamu di Quenza, Cullà si trova di tuttu Casgiu merzu è bon prisutu. A l’odori di la vervena Frisca come nev’ alpina, S’arreva in Scupamena, Rispirendu l’aria fina, L’acqua fresca di u vengonu, U liguori di lu cantonu. D’issu locu mi ramentu, A u bel tempu ghjuvanili Senza distingu’ u mumentu, A u fior di lu verd’ Aprili, Locu di tanta dulcezza D’amor’ è di cuntitezza. Da lu vecchju castagnu, D’Auddè si va in Pitretu Si traversanu li bagni, Lamasina incu Grussetu, Sott’a l’arburi frunduti No semu li binvinuti. Quandu si salta la boca Di San Ghjorghu l’ustillieri, Ma comu senza pauru Si pò part’ a lu stranieri, Lagendu a funtanedda, Si va in Cavru è in Tisciateddu, Attacend’a rimpianata Quidda di Campu di l’Oru, Fem’ una bedda cantata Cùn tutti quissu tinori È ci fem’ una risata Fin’a l’intrata d’Aiacciu. In cumpagnia i Panighi, Guardatu cun’ attinzioni, Malgradu tutti l’intrighi, Semu stati gran’ lioni, Pigliat’ avemu la dicizioni Di cantav’ issa canzona… |