 Fiara |
| Aldilà Andassine in rioni per ùn lacà nasce pienti U basgiu in punta di mani lampallu à i sette venti Versu quelli lindumani sempre tesi à i leventi Andà sin’à longu rive à l’accunsenti scunfini Quandu chì u giru à vive ùn conta più à scalini Pè sapecci noi scrive i ghjorni senza destini Andà andassine quallà andà Andassine senza parte per lacà u tempu vene Si u bisognu ampara l’arte u sognu insolca l’avvene Da pudè vita scumparte l’aldilà chì ci rivene Andà sin’à locu chjaru locu à tempu sbattizatu Duve u nunda torni veru è u tuttu ùn ancu natu L’amore di u so paru in l’Eternu suminatu Andà sin’à l’aldilà andà Amore Speratu Una stella luminosa Avia apertu lu caminu Una speranza ascosa D’unisce dui destini Ma la vita ombrichjosa C’hà messu le so cunfine D’issu sguardu passiunatu N’aghju un dolce ricordu D’isse stonde più beate N’aghju a mente in trimogliu È pè ramintà le oghje E stampu nant’à stu fogliu Cun tutta la mio passione Cun la mio mente serena Ti dumandu un favore Di stanciane la mio pena Chì dapoi quella sera Asciute so le mio vene Sè tù sapessi o caru Quantu u mio core vuleria Discioglie stu nodu amaru Pè intriccià le nostre vie Oghje pronta à stu passu À ghjurgu davanti à DIU Credia Credia u mio paese in punta di u mio cantu Case cù l’orte palese à e mani di l’incantu Credia è credia tantu Credia la ghjente mea à ghjornu di benistà Più surisi ind’ù l’idea più core in mari à vultà Credia è tantu credia Di lu mio soniu credia biancu è sicuru l’aguantu Una scala à tira via è quellu sole à l’intantu Credia è credia tantu Credia cù e scumesse ventulelli à basgi è movi Da sapè fà cumu esse à capu à li mondi novi Credia o quantu credia Credia di li mio pari un passu par’à lu meiu Paisoli à incantà mari da quantu ne cantu eiu Credia è tantu ci credu Di Veru e Di Passione Ci vurria à lià mi Chì ùn ne sò ragioni Sò di voce lià mi À lu stintu passioni Sò di manu chì cerca Una pelle sincera Sò d’ochju à stà à vede D’amore la lumera. Ci vurria à curà mi Issu core incatarritu Cù nimu à l’abbraccià Mi Aghju la voce arrighita Ma s’ell’hè strinta falsa Aghju lu cantu in pena È di carezza lazzaÙ Ùn vogliu la catena Ci vurria à sapè mi D’anima è di misteri Sò voce chì per dà miS Si spanna vulinteri Sò d’ochji chì l’accende U sguardu danciu è fidu Vogliu piglià lu mendu D’à quale m’assumigliu Sò di risate intinte Da li mo pienti anziani Quand’elli funu finti I scontri à basgi vani Sò di virsura appesa À un sognu di vita : Di duie pelle accese À fà si calamita, Vogliu curà la fiara Chì nasce di magia Chì hè tenuta chjara Chì tene à qualchissia Vogliu assaghjà lu tempu À voce apparinata À la rima ch’in tempu Li porghje l’abbracciata Sò di culomba in core Chì aspetta lu so nidu Sò calore frazatu Qquand’à nimu hè unitu Sò per dà mi ma tutta Di brama è di ragione À chì vole lià mi Di veru è di passione. A Casarella U Signore inguatratu sopr’à u lettu di noce Nantu a calcina stanca hè appesa una Croce In la vechja cummoda ci dormenu li panni So lenzole di linu tuvaglie di cent’anni Sott’à l’antica grate si riposa u fucone Dice à a vechjarella cun tè sò testimone N’aghju scaldatu tanti è tanti di i toi À mez’à tutti quessi ci fubbe ancu l’eroi Eccu a casarella di a vechja quassu Induve nunda ùn n’hè cambiatu Induve nunda ùn cambia più In fondu di a sala ci hè una porta chjosa Piattu in lu zilenziu u salottu riposa I muri sò vestuti di ritratti è medaglie Di tutti quelli chì morsenu in le battaglie In portacu ci hè sempre una massa di legne A sà a vechjarella chèi l’inguernu hè dà cregne Spessu a neve copre copre e petre di u scalone Hè u ventu cutratu soffia pè u strittone Eccu a casarella di a vechja quassu Induve nunda ùn n’hè cambiatu Induve nunda ùn cambia più U Signore inguatratu sopr’à u lettu di noce Guarda a vechjarella ch’in pettu stringhje a Croce Tuttu pare firmatu in la calcina stanca Chì per ultimu Addiu lascia una Croce bianca A Viulinu Si tutt’ognunu hà una stella A mea ùn pò esse chè quella Ella chì balla canta è ride À mez’à tante stellerie Si tutt’ognunu hà un caminu U meo hè à son’ di viulinu Ellu chì basgia sottu pelle Per impruvisà à isse più belle Aghju lu core à viulinu È mille meludie in fiore Di lu cantu hè lu mio destinu Sempre à palesu di l’amore Aghju lu core à viulinu È vi vulia dà di core Più d’un avvene canterinu Più d’un ricordu sunadore L’intornu meo hè musicale Di Musa ch’hà per sempre l’ale Sò note soni è rime in fiori Sò fiure nate di rimori. L’intornu meo hè cantilena È sò canti alenu è respiru Chì riombanu di rigiru Per ogni foce ed ogni vena Aghju lu core à viulinu À mille toni d’accunsentu Ch’alleva u mio campà latinu È d’una voce ne face centu Aghju lu core à viulinu È vi vulia dì d’amore Più d’un ricordu ballerinu Più d’un avvene cantadore Aghju lu core à viulinu Cù tante sunate per core Anc’à fà crede à u Manduvinu Da duve iss’alegria corre Soga hè la Terra inturniata D’un Mare chì sempre si pente D’ùn pudè beie à la surgente Di a bellezza à pena nata Allora hè Celu vantadore Chì girivolta posa è inventa È po quand’ellu s’adurmenta Mare à Terra si dà d’amore Aghju lu core à viulinu È vi vulia dà di core Più d’un avvene zitellinu Più d’un ricordu sunador Ulivi Di terra un palmu di manu ma celu colmu di sole Simu in mare terranu duve nascenu e fole Quandu inseme l’omi vanu quess’hè l’usu chì a vole Hè terra di gioia intinta ma tene più d’un penseru Nata issa tramula avvinta n’un liccetu dolce è fieru Cù a so voce cunvinta di scioglie qualchì misteru Ulivu dimmi ulivu chì par’à lu tempu vai In surisu vivu vivu pè li mondi chè tù sai Dammi l’à mè un avviu porghji l’à mè quelle chjavi Dimm’ulivu in issa virdura quant’armunia nucente Tù cù l’idea sicura induvini a mea nascente Li mandi n’ a to versura u sguardu più alliscente Ulivu ulivu ulivu Sò ulivu d’un liccetu agradicat’ à l’amore U mondu cumu u vecu hè quellu di u to core È tengu in mè secretu silenziu d’ogni rimore In e meie e rambelle u rusignolu ùn ci canta Ma ci ghjocanu e stelle tutta fata quì si pianta È mi stanu à fior di pelle l’ale di l’acella santa Sent’o leccia e stagioni tanti prufumi ne danu Forse li coglii à pasponi sol’à l’entre di veranu Eiu cù li mio ragioni i mi vecu spuntà in manu Parulle di l’insentuta sò risposte à e to spere Sempr’eu l’aghju sappiuta quantu cunvive richere U to rispiru m’aiuta à l’ùn cunnosce fruntiere Ulivu ulivu ulivu Di terra una verde sponda arritta n’ un mar’à pianu Sott’una vela di fronda move sempr’ un soffiu umanu È l’omi piglianu l’onda pè sparte ciò ch’elli sanu Simu in mare terranu l’omi inseme vanu vanu Ulivu ulivu ulivu Tesse Tesse a notte à fil d’argentu, Incuratà u firmamentu, Diana cruna,Acu di luna, Cosge e stelle ad una ad una(.bis) Tesse u ghjornu à fili d’oru Celu viranu, sole tisoru, Crune di basgi,Achi fucaci, Cosge d’amore i so ragi.(bis) Cosge e stelle ad una a duna Cosge d’amore i so raggi Cosge l’avvene di preghere Cosge e stelle Tesse u tempu d’ore lebbie, U rinaghjolu chì si rebbie, Crune pacere Di l’achi sfiere, Cosge l’avvene di prichere( bis). Cosge l’avvene di prichere Cosge d’amore i so ragi Cosge e stelle ad una ad una Cosge l’avvene Cosge e stelle ad una ad una Cosge d’amore i so ragi Cosge l’avvene di prichere Cosge e stelleCosge e stelle Noi Inseme rinati à culori di vaghjimu Allevati in cumunu da u bè ch’ò spartimu Mancu mai pensà quantu caru ci tenimu Inseme noi dui à sapè quant’ò simu Teneci caru noi dà un sensu à l’Amore À destini intricciati ci pensa u Signore Ci pensa è ci hà pensatu cù note è rime d’oru Per stampalle à Viaghju in seculà seculoru Teneci caru noi hè cum’è u rispiru Di chì vene à u mondu à piglià u so giru À infilà u solcu di a vita suspiru È tenesi torna caru cù listessu rigiru Ch’ùn vene mai in core à fiume di calanca Chì di versura vive è di vita ùn ne manca Di vultane à l’insù quandi tuttu trafranca Teneci caru noi hè quant’è dì neve bianca Ùn vene mai in core à u fiore di pace Quandu spunta di novu è ch’un veranu s‘apre Di ricusà l’ape o i so prufumi tace Tenesi caru noi hè cum’è dì basgiu à labre Ùn vene mai in l’idee à la pescia di l’onda Di scurdassi di beie o di saltà a sponda Quand’à locu sicuru u benistà circonda Tenesi caru noi hè cum’è dì Terra tonda Ùn vene mai à l’idea à celeste ventere Di piantassi una cria è la so strada chere Allora chì nate sò pè negà e fruntiere Teneci caru noi hè quant’è dì dolcemele Teneci caru noi sò ist’isulelle d’oru Pè rigalle à noi in seculà seculoru Fiara Aghju calatu i mio ricordi Àl’accunsentu di u to sguardu È stu viaghju à passi ingordi Viaghju hè duve mi perdu Sò bè quantu disceta accordi Hai pisatu issi furori In lu mio visu d’accunsentu L’aviamu stretti nù pientu Ch’eranu quessi i timori Di fà piccià u focu spentu Eranu i nostri timori Di fà rinasce issi furori Ciò chì u tempu s’hà paratu In issi ghjorni cusì tamanti Anch’ellu oghje ci hà burlatu È ci hà riposte quì davanti E stonde di l’inseme andatu Chì l’hà vulsuta hè mio core U to ricordu ùn hè d’avale Cè chì u chjamanu l’amore Issa fiara chì dà sempre l’ale È ch’ùn tace mancu pè more Ùn rifiata mancu pè more Sta fiara chì ci canta l’ore Eiu l’ùn sò venutu à posta Ma u mio passu a m’hà chersa Ùn sà ellu quantu mi costa Di rifà quella strada persa À tempu chjamata è risposta U contavamu testimone U ventu duv’ellu si coglie A via d’un antra passione Ma ciò chì ellu ùn pò discioglie Un ghjorn’à u so locu ripone Un ghjornu ass’o locu ripone A fiara ch’hè for di ragione E Muntagne Di Lentu Da Lentu a teppa t’invita È s’avvia u passu lestu Si piglia Colla la vita Ùn ti dice d’andà prestu Feghja piuttostu à l’ingiru Mure è muchji ammazzulati Stà ne à sente lu rispiru È tanti nomi fidati : Francatu i Ghjandulacci Poi sceglie la to via Ci hè Bocc’à a Croce, stà ci O Croce à Carognu, piglia Quand’è tù ne ghjunghji in Chjenta Ci hè Funtan’à lu Macellu Chì di lotta si ramenta È face beie l’acellu Scoprerai cent’odori N’e Rienzane à scalelli Quì d’arba barona è fiori S’imbriacanu i Milelli È po in Loccia, sia attente À Funtana Secca ridoni Chì Pinz’u Culombu sente Cù Pagliaghju d’i Muzziconi Dopu ci ai e Tighjaghje Culà in Reghja di Pozzu È Cappellu è Racaghjine Ricugliete, u Lavuratoghju Saluterai à Sant’Anghjuli È Funtana di Sterpapane Acqua Freta, i Spundali Ùn merezà l’ore sane ! T’aspettanu Trè Ciottule Cù issa voce di surgente A si ciarla cù lu sole È rinfresca la so ghjente È issu mondu chì ti chjama Di nomi cari è surgente Sin’à in Tenda si ricama Sopr’à la sarra di Lentu Amicu Di A Croce Da ch’emu intesu issa voce nate sò mille prumesse Noi zitelli di a Croce tutt’emu vulsutu esse È l’emu scelta in cuscenza d’esse di issu paisolu Tantu purghjia sperenza quellu versu muntagnolu Tantu parlava l’amore Quella voce di u core Ci cuntava u vicinu abracciandu u luntanu Pè ghjugneci un caminu pè francallu una manu È tandu à liberu spassu à salti o in penseru Inventavamu più d’un chjassu in vistiga di u veru Ci si inventava ragioni In issu versu di passioni Amicu è maestru attempu cù parulle misurate Da pudè fà l’accunsentu dinò cù e so risate È la notte pè cuscinu ci teniamu issa risa Casu chì l’ochju Cainu vulessi fà qualchì incisa Casu chi u malcaminu Ci vulessi pè destinu È le stonde ùn mancheranu à li ghjorni pronti à vene À pigliassi per la manu isse prumesse ch’omu tene Purtalle sempre luntanu à pisà tante albe nove È fà chì ogni veranu possa sente è possa move U versu di quella voce Quellu versu di a Croce Ma Era Solu Un Sognu Ti vulia purtà À scopre lu veranu Andamine cun tè Pigliatti pè la manu È stampà ind’è a rena I nostri passi à fiancu Chì l’onda sguasserà In lu so frisgiu biancu Ti vulia aspettà Sotta lu chjar’di luna À cuntemplà e stelle E à sperà furtuna È sente u to muscu Chì u ventu mi porta È a pelle chì freme Cum’é a prima volta Nè vulia sapè Tutti li to misteri Datti senza cuntà Tuttu ciò chè tù speri Esse di rise é cantu È coglie le to brame Senza mai stancà risponde à le to tò chjame Nè vulia annacquà D’Amore li to ghjorni È facci nasce un sole Da caccià li frastorni Ti vulia per mè Anima preferita Per gode à più pudè Ogni sprichju di vita Ma era solu un sognu D’avetti à lu mio latu Hè finita a notte È mi sò discitatu Cusì longu u ghjornu Fin’à l’altru sunnià duve vicinu à tè mi vogliu addurmintà |