 Indiature |
| A cispra Emu lasciatu ghitarre è tamburi Perché sta musica s’hà da stancià Simu ribelli è po femu paura e cu a csipra, vulemu cantà Noi conteremu sta nova canzona Tutta la ghjente la deve ampara E cumbattimu e rè di i Burboni A terra hè nostra è un s’hà da toccà Tuttu lu Boziu, tutta a Castagniccia Si so scitati è vonu luttà Puru a Tavagna s’hè rivultata E lu nemicu u feremu trimà S’hè vistu un lupu è anu a paura Un si so bè cio chi hè verità U veru lupu manghja e creature Hè l’invasore chi ci vole a spulà Voi belle donne chi date lu core S’è lu ribellu vulete salva Un lu circate scurdate u so nome Chi face a guerra, un averà pietà Omu si nasce, ribellu si more Ma sin’à l’ultima, emu da spara E s’è murimu, purtate ci un fiore E una ghjastema per sta libertà Omu si nasce, ribellu si more Ma sin’à l’ultima, emu da spara E s’è murimu, purtate ci un fiore E una prechera per sta libertà A nostra indiatura Per tutti quelli Corsi spatriati Chi càmpanu à straziera tralasciati Ch’elli voltinu in Corsica, micca solu per di Campà da veri Corsi è sta si qui Per tutti i patriotti incarcerati Chi lu sole, lu soiu, hè aniguittatu I so lochi so luntani é un si po capi Di ricusà ch’elli stianu qui per a lingua nostra inghjuliata Chi aspetta da tantu esse parlata Un basta un Riacquistu per fà la campà A lingua si more, l’emu da salvà Per a nostra terra marturiata Vinduta à li furdani o suscicata Da Giraglia à li Lavezzi, quessa un po durà E noi inseme, un lasceremu fà Per a nostra natura incastulata, Da li fiari, tutti l’anni, hè brusgiata Chi à spessu certa ghjente a volenu intuppà A terra ùn hè à vende, nè à cumprà ! Per la giuventù nostra intrappulata Mandata in cuntinente è spalluzzata ln Cursichella solu, ci vole campà È vicinu à li soii, travaglià … Per tutti li figlioli di sta terra Ch’ ella si ne vaca in fume la misèria Ch’è no pàssimu infine, infine prufittà Di tutte le ricchezze da rigalà ! Prufittà di sta terra cusi bella Cù stu populu fieru è ribellu E chi nisun’nemicu ùn puderà supranà Chi mai nisun’populu ùn dumarà ! Ripigliu : La nostra l’indlatura Hè di sempre sfrumbulà Cio chi ùn sende È chi sciagura Un mondu novu hè da rifà … Nave chi sfungni Nave chi sfunghji à l’orizonte Perchè chi fughji l’ isule fonte Perchè ch’ùn ghjunghji à orlimonte … Nove chi l’unghji lisciu orizonte Un senti l’ùghjuli sin’à u to ponte Da ch’è tù ghjunghji sirene tonte … Nave chi fughji à ore conte Ch’ ella ti punghji à l’ orizonte Tampu di bugni fole raconte … Nave chi sfunghji à l’orizonte Zeu ti munghji vacche là tonte Da ch’è lù sughji puricce pronte … Nave chi ghjunghji da l’ orizonte Avà t’infrunghji prua di fronte l’isula t’unghji cola di monte Nave chi sfunghji vers’orizonte Ormai t’unghji li porti fonte Falli signuni viaghi ponte … Ripigliu: Nave chi fughji Nave chi ghjunghji … L’usina di canari E gallerie prufonde, càrciu à chi hà tribbulatu Fatiche furibonde in stu tigliu sbrusgiulatu Culpia sangue è pulmoni, povari disgraziati Parechji è parechjoni, so stati vituparati ln muntagna canarese, ci anu alzatu un’usina Da la cima à lu calzese, chi tamanta ruvina ln muntagna canarese, ci anu alzatu un’usina … Pariamu in Caienno, cundannati à morte Ùn la scrive la penna, ci vulio à tene forte … Chi trista sorte ! Petra di lu turmentu, à tutti, ai ingannatu À di la, Scappa u pientu, ghjenta addulurata ln muntagna canarese, ci anu alzatu un’usina Da la cima à lu calzese, chi tamanta ruvina ln muntagna canarese, ci anu alzatu un’usina … Eranu goffe stonde,chi travagliu ingratu Cascàvanu l’omoni vetenu ghjastimatu l’usina fù sarrata stu locu hè maladettu Muntagna scurunata, crepa lu core in pettu … ln muntagna canarese, ci anu alzatu un’usina Da la cima à lu calzese, chi tamanta ruvina ln muntagna canarese, ci anu alzatu un’usina … Spera I nostri fiumi càri so ghjunti da li monti Gonfii di tempurali à parà si li ponti E l’onda cantarina à fiumara rabbiosa Falendu una motina s’hà purtatu ogni casa … Sentu trimà u core di a Terra Qualcosa chi si more è m’addispera … E loche tralasciate si sô inlamaghjunite E surgente siccate, e chjame so finite È toccu l’estatina trà sicchie è vintere Si ne vanu in pulvina, à mezu à e fuchere Sô vistute di dolu è piènghjenu ste mamme l’anu tombu un figliolu è toltu mille brame È si ne stanu mute, ùn sanu più parlà E pene troppu ocute, nimu e pô stancià … Ma sô tanti fratelli è tanti omi di morsu È i nosfri zitelli anu in bocca u corsu Dumane si farà una più bella storia l’avvene cantorà una nova vittoria Sentu trimà lu core di a Terra Qualcosa ch’ùn vole more, una lumera Chi ci schjarisce l’ore cum’è una spera Nannarella Sole tramonta Un bàsgiu li dà, Fola ti conta È po si ne và. Di fà ninni nanna Hè ora digià Ancu a meridiana Si vole chjinà ! Dormi parpena Dormi dormi avà, A luna piena Ti surriderà, D’una pifanella Per tè sunerà Una nannarella Sin’à l’abbrucà. Chjodi l’uchjini, làsciali passà, li sogni fini Duve ci sera Mille maraviglie Tesori à busca! Mille fantesia Fate à vulunta Diana la stella A prima à spuntà A camancella Ti ferà cullà, Frà a dolce nuttata T’accumpagnerà E à l’aIba nata Ti disciterà. Sarabanda celtica Da sopra li mari incesi, bracanèghjanu li punenti, Ribomba li lagnu offesu, di tanti populi ardenti Toltu lu sognu arresu, nant’à i zimbri d’Occidenti … Mille palatini armati, stàntare ammutulite Fèrmanu arradicati, à le sponde insepalite Scolche à li lochi sacrati, di maganze megalite … In Sardegna o in Filitosa, in Brittània o in lrlanda Una spira nebbiacosa, s’infasciuleghja la landa È n’allàzia misteriosa, una tonda sarabanda … Ballate vechje nazione, stridanu le caramuse Strappemu lu cavizzone, a storià ùn pate scuse L’armunie pulifone, ci nutriscenu prufuse … Da qui ne sentu le chjame, nant’à la cèltica ghjura Fin’à la Scozia le brame, o leghjittima primura Chi n’impasta lu levame, d’una schjarinata azura … Do sopr’à li mari incesi, à I’orizontï »ridenti I gunfaloni so stesi, dicenu à li putenti Nun ci hè più sogni difesi, per li populi ardenti Chi stazzonanu l’arnesi, à li zimbri d’Occidenti … Giga Paisana A strada Santa Vurria fà cum’è l’altagna è pudè stende lu valu Da Stella sin’à Balagna è po fà lu giramondu Attippà per le cunfine, sente lu ventu fiscà Stracquà mi in le puzzine è l’orizonte mirà … Scopre l’Èule nebbiosu è infucià per li vangoni Monte Corbu penserosu, ascosu in li tafoni Minuticcia è Villanelu, incù San Gavinu in fondu Attippendu per le Torre duve dorme lu culombu … Pinzu di Stella maestosu, veghja nant’à la Mariana Hà vistu l’eroi corsi, da lu Borgu à la Luciana In la piana di A Battàglia, lampa lu nemicu fora E fà sempre sventulà a bandera à testa mora Càlice nant’à l’Altare, a casa di l’Americanu Lampa l’ochji dapertuttu, da u vicinu à u luntanu Scopre l’isule surelle, l’altu mare è l’aldilà A chi passa una stonda, li pare un’eternità … Sangue in la neve bianca, a furesta di caracuti U cinghjale ellu si franca, e vistiche sô scadute Ancu e trizine scherzose ne ghjôcanu à piattelle E la nèbbia silenziosa ingutuppa ogni acellu … A funtana di e Valghete, locu santu è di riposu Da stancià ne ogni sete, quandu u tempu hè calurosu Poi ùn mancà la Fuata, cansa ti è ripiglia fiatu Di a bellezza di ste lache, sùbbitu si inamuratu … Passendu per la Quarceta, ne ghjunghji in li Pinzelli Qui so canti è impruvisate, battimani è sturnelli Rusignoli è pettirossi, paradisu di l’acelli Più di mille musicanti danu un cuncertu per elli … A concia di Luigi Piombu U nostru rè Tiudoru À un vechju briaco Per una baiocca d’ oru Tutto a Frància si cumpro E cusi a Pinzutia Fù per noi culunia ! Oh, eh, oh, ah, Cusi bella a nostra Storia ! Oh, eh, oh, ah, Cusi bella hè avà ! U rè di Spagna avvisatu Prestu ci felicito, E lu Papa incantatu Dete a so henedizzio, A regina d’lnghilterra Si spanzava à culu in terra ! Oh, eh, oh, ah, Cusi bella a nostra Storia ! Oh, eh, oh, ah, Cusi bella hè avà ! L’imperotore di Prûssia Un dispacciu ci mando, E lu zaru di la Russia Una vodka si sciacco A la salute diCirnu, Di e so donne è di u so vinu! Oh, eh, oh, ah, Cusi bella a nostra Storia ! Oh, eh, oh, ah, Cusi bella hè avà ! I Pinzuti sottumessi Fècenu una rihellio Ma I’armata corsa à quessi Messe o colpi di canno Una rivista sulenna Nant’à un ponte di a Senna ! Oh, eh, oh, ah, Cusi bella a nostra Storia ! Oh, eh, oh, ah, Cusi bella hè avà ! A rubbaccia cappessiana E la sterpa di i Burbô, In Zinèfrica luntana À paghjolu ci sbirbo, Avia lu nostru frombu Intrunatu à Luigi Piombu ! Oh, eh, oh, ah, Cusi bella a nostra Storia ! Oh, eh, oh, ah, Cusi bella hè avà ! Ma a Storia a sapete Porta di fole in canzo, E vulerebbe fà crede À chi sente e so lezzio Chi la Corsica hè stata Da la Frància cunquistata Oh, eh, oh, ah, Cusi bella a nostra Storia ! Oh, eh, oh, ah, Cusi bella hè avà ! Per mè, issa bugia sparta Mancu vale un patacco E rispongu à voce alto Senza alcuna pretenzio Mai mai nisun’statu Ci hà fallu ghjimbà lu capu! Mai mai nisun’statu Ci ferà ghjimbà lu capu! Oh, eh, oh, ah, Cusi bella a nostra Storia ! Oh, eh, oh, ah, Cusi bella hè avà ! A chi vale À chi vole dumane, s’è tù sai digià Cio ch’ellu piatta in sè, cio ch’ellu ne serà S’è tù credi ch’un celu, culore ùn po cambià E ch’à certi orizonti, sole ùn ne po spuntà … E brame, l’aghju sceme è i sonnii tamanti U mio core hè immensu, prontu à mille stanti I muri, li calcecu è ne fàcciu pianure Da suminà ci ore, da esse le più pure… À chi vale un sonniu, s’ellu pasce à umbria S’ellu ùn si sà fascià d’un pocu di pazzia S’è tù voli sperà, chi mezu à l’osciatu Qualchi volta, ci nasce un pratu smisurotu … A chi vale à scappà, à allungà u passu Basta à un sbaglia si, scigliendu lu so chjassu Ci serà sempre un ponte, una verga a franca si E un ghjornu, chi sà, a vita, à affiancà si … L’esse di a vita Esse, ghjè lu piace d’esiste U piacè di custruisce, u piacè d’avanzà Esse, ghjè vulè cumparisce Vulè esse sè stessu, vulè si misurà Esse, ghjè scrive cun passione Tante belle canzone è vulè le cantà Esse, ghjè purtà lu rispettu È apre lu so pettu, cun bisognu d’amà Esse, ghjè d’avè cumpassione Per quellu chi a sorte mette in dificultà Esse, ghjè di porghje a manu A u corciu nucente chi ùn sà più cumu fà Esse, ghjè di purtà lu succorsu À u grande malatu ch’ùn si po curà Esse, ghjè furzà lu destinu Per chi u celu divinu u possi aiutà Esse, ghjè vulè esse onestu E di purtà cuntestu, mette si à ragiunà Esse, ghjè invece d’impone Favurizà a ragione chi po fà appacià Esse, ghjè d’avè la cridanza Chi u nostru Signore hà vulsutu incalcà Esse, ghjè pudè dà la prova Chi si po vene à fine d’ogni cuntrarietà Esse, ghjè vulè dinu crede Chi l’amicizia vera po dà lu benestà Esse, ghjè fà chi a fratellenza Possi apre le so porte d’una grande unità Esse, ghjè vulè custruisce Petra à petra a so casa è vulè la assestà Esse, ghjè vede a so famiglia Capace di fà inviglia è guardà la ingrandà Pentirennica La prima à meridione induv’ellu spunta spirione Per li freddi d’inguernoni, innalza u so tridentone Arma di Poseidone, Monte Cristu, altu marone La seconda, à piattatella, ghjoca à fughje è riturnella Tutta longa stinzatella, face la so affaccatella Quond’hè celu à chjarantella, Pianosa, olbina strisgella… Cinque isulelle, Pentirènniche arcipelle Cinque isulelle, Nereide figliulelle La terza, insèdia magiore è s’avventa à lutte l’ore Nuli da curtègiu d’onore, la vèstenu di bioncare Spechju postu à ghjuvore, Elbo, antichissimu amore La quarta, cusi carina, navicello cristallina Fubbe un tempu paulina, à vol’d’acellu vicina Gemma culor’lazulina, Capràia, capicursina … Cinque isulelle, Pentirènniche arcipelle Cinque isulelle, Nereide figliulelle La quinta nun hà la sa para, chi Tirrèniu la rispara A po vede chjara chjara, à chi la si tene cara Sol’quandu Eole richjara, Gorgona, brisgiula rara… Cinque isulelle, Pentirènniche arcipelle Cinque isulelle, Nereide figliulelle Cinque isulelle, Udissiade sirinelle … Spassatempu Ripigliu Spassatempu, spassatempu ch’e mi trovi un spassatempu Quand’ ellu passa lu tempu, làscia lu, làscia lu andà Capitonde, capitonde, eccu l’ore capitonde Eccu l’ore è le siconde, ognuna ognuna và Si ne vanu, si ne vanu, accaspate si ne vanu E la stonda strinta in manu, làscia la, làscia la andà … A vita lega à corda lena, vanu le stonde per vultà More la gioia, eccu la pena, l’ora si chjama Libertà U tempu corre à briglia sciolta, porta l’amichi è lu piacè Quelli d’oghje è d’una volta, si ne vanu luntan’da tè … A vita lega à corda lena, vanu le stonde per vultà More la gioia, eccu la pena, l’ora si chjama Libertà A vita fila à quella volta è tuttu strappa à longu andà L’ùltima stonda chi rivolta, forse si chjama Eternità … Inquina In Canali, u ventu maneghja u so pinneddu U marosu s’accima ammantendu di sciuma L’inforsa di i culori sbruffati in milli steddi Fendu nàscia a biddezza d’un furori chi spuma Quandu spunta una navi Suspetta sut’à u ventu Di chi vilenu hè carca? Chi rubbàccia avarà? Petroliu o altri peci Hè sempri un spaventu À l’orlu di i me lochi, Hè pronta à inquinà ! L’ isuli di u strettu so sbrisgiuli di mondu Russi quand’i u soli s’ allopia à lu sirenu U velu di l’albori sbiadisci di biondu Fendu sbuccià i scod di com’è fiori di rena U magronu s’appodda senza paura alcuna Ci vola un gabbianu in la zerga di l’aria A capra, à li sciapali, si movi senza funa Pari eterna A Rocca è cheta à una para… |