 O Vita |
| L’impiccati Sè vo ghjunghjite in Niolu Ci viderete un cunventu Di u tempu u tagliolu Ùn ci n’hà sguassatu pientu Eranu una sessantina Chjosi in pettu à u spaventu. Dopu stati straziati Da i boia o chì macellu Parechji funu impiccati Ci n’era unu zitellu L’anu tuttu sfracillatu E’ di rota è di cultellu Oghje chi hè oghje in Corsica Fateci casu una cria Si pate sempre l’angoscia Intesu dì Marcu Maria Era quessu lu so nome Mancu quindeci anni avia | Les Pendus Si vous passez par le Niolu Vous y verrez un couvent Es pleurs qui encore l’entourent N’ont pu être effacés apr le temps Ils étaient près de soixante Pris au coeur de l’epouvante. Après avoir été torturés Par les bourreaux, quel massacre ! Plusieurs furent pendus Il en était un tout jeune Son coprs fut mis en lambeaux Par la roue, par le couteau Aujourd’hui encore a Corsica Si vous y prêtez attention Si pate sempre l’angoscia L’angoisse est encore palpable A la seule evocation de son nom Era quessu lu so nome Cet enfant s’appelait Marcu Maria Il n’avait même pas quinze ans. |
| PAGHJELLA Avertite à « Mussulinu » Chì hà tanta pretensione S’ellu ùn hè più chè scimitu Ch’ellu fia attenzione Ch’ellu ùn appia da ingolle À pulenda di granone. VAI PURU Sè tù voli andà luntanu Metti un pede nanz’à l’atru Vaitine pianu pianu O viaghja à passu sgualtru Ma sappia induve tù vai Sinò c’hè annoi è guai. Sè tù voli un cunsigliu Piglia una strada fatta À traccia ch’ùn altru hà pigliu Ti purtarà più à sbratta È di passu più sicuru Fà cusì è vai puru. À MEGLIU STÀ Spera sempre à megliu stà Ma u megliu induva hè È quant’ellu hà da custà D’acquiste un pocu di bè. Indù e mane è pè u core Si chare sempre criscenza Sè ùn pò di bè accorre Forse sarà una scenza. ma pò esse ancu un casticu Sè u core hè in cuntintezza Sò eiu chì à vi dicu Ùn circate altra ricchezza. Prima di l’Avè, hè l’esse Pigliate sò chì vi vene Di sò chì un tempu tesse Fiori, pruni gioie è pene. Fate à megliu pè u male Per un bè micca timori Hè una cosa naturale D’arricoglie i so fiori. Ma si un mazzulellu basta Pè raligravi lu core Perchè vulè una castata Di fiori chì s’anu da more. O TERRA O terra ruda di l’alti muntagni Sempri nicristata d’una nevi bianca Senti anc’avà crescia tanti lagni Ma di sfidà u mondu ùn sè stancu. O terra sbancata da li frusteri Li to ochji sò li surgenti chjari Chì lasciani scappà li so misteri Senza chì mai qualunqua i pari. O terra chì sott’à nimu ti stracqui Stendu sempri ritta in i turmenti Hà vistu scorra tanti è tanti acqui È t’ani assaltatu tamanti venti. O terra ricolma ad umanità In senu à tè stani l’ossi sdrutti Sò da no sumenti di libertà È ribombanu i so voci muti. O terra di li to lochi in rivolti Ùn semu micca omini è donni morti È mancu bramemu d’essa sipolti Fin’tantu à facci a nostra sorti… L’ORRIDA BESTIA Antenati impiccati Ghjudei assassinati Spagnoli fucilati Arabi turturati Rimori di catene È millioni di pene, Rimori di catene È millioni di pene. Lu sonniu hè finitu È mi sò discitatu Sempre innsunulitu Mi sò impurtillatu Avia po spiratu Ch’ellu avia cambiatu, Avia po spiratu Ch’ellu avia cambiatu. Argentini impiccati Cileni assassinati Afgani fucilati È baschi turturati Rimori di catene È millioni di pene, Rimori di catene È millioni di pene. Ùn hè micca cambiatu Lu mondu chì c’intornia In darnu aghju circatu Ma ùn c’hè chè vargogna Ch’assuffoga l’umani Ch’imbrutta le so mani, Ch’assuffoga l’umani Ch’imbrutta le so mani. Prigione irlandese A paura è i muri Gulaghi Siberiani I muri è a paura Milizie Libanese A paura è i muri Campi Sud Africani I muri è a paura, Campi Sud Africani I muri è a paura. Ma ch’ella sfondi infine La mio voce’ssi muri Ma ch’ella compii infine Per sempre la paura Chì tutti’ssi zitelli Ùn torninu urfanelli Per via di a bestia Di quell’orridia bestia, Per via di a bestia Di quell’orridia bestia. TI CHJAMI In quelli tempu di bughjura Tù eri stata ingabbiata Ormai la notte era più scura Ma eiu ùn t’aghju sminticatu. Li mesi, l’anni sò fughjiti Sempre giravanu le sfiere Tante anime ammutulite Circavanu le to lumere. Malgratu i nuli è l’invernate Ti vecu cum’è a stillaria Chì schjarisce le mio nuttate Sì tù, ti chjami puesia. À mezu à lacrime è turmenti In lu dulore fermi incesa Tale un fanale in li spaventi D’un mare tracarcu d’offese. Capighjimbata la to ghjente Sott’à lu rimbeccu è l’inghulia Purtata da un focu ardente Un accittò mai la briglia. Sò negri o gialli tanti essari Culor’di tutti i cuntinenti Chì di pettu à lege è donari Ùn anu nigatu a so mente. À la to chjama tanti schjavi Inchjaccatu anu le catene Per ritruvà sponde è lavi Ind’ellu si rispira l’avvene. Sì tù chì tutti li putenti Cù le so botte è li so cani Anu sempre vugliutu spenghje Fiama, sperenza di l’umani. Sì tù chì m’ai aiutatu À gode u soffiu di la vita Quandu l’amore m’hà purtatu U balsamu nantu a ferita. Mandulina musicale U NEGRU FUME Sì tù u negru fume È la negra sperenza Chì porti u rispiru À l’alba cunniscenza. Sì tù la negra spira Di la negra suffrenza Chì veni à cala ghjornu È dai a to sentenza. Sì tù la negra via È la negra cuscenza Chì pichja in ogni vena À l’ora di a partenza. Sì tù lu negru fele È la negra sembienza Chì voli cum’è l’ala À l’orli viulenza. Sì tù lu negru seru È la mio negru amante Chì chjama u so penseru Un sognu di lacramente. Sì tù lu negru mele È la mio negra stonda Chì parla chì m’ammala O la mio terra tonda. O DUMÈ O MUAMÈ U piccheletricu in battaglia S’azzecca à a petra À inzecca a taglia In un scumpittime di mitraglia. À e manechje Muameddu Capighjimbi Tuttu trasalti Quelli ch’ùn caccia mai i so patti À u sti quì à u sti là Duve lu c’hè lochi da scassà I palazzi saranu pè d’altri Quelli di i paesi ricchi Chì inventanu è vendenu i so picchi. Sta sera Muameddu si stracquerà Nant’à una sumiglia di strapunta Ghjustu in punta -Ci vole à lacà una piazza pè u sognu- Feritu in ogni capu d’ossu Cù a coltra di a miseria addossu. O Muameddu o ! Volta ! O Muameddu o ! Volta ! Diceranu e chjame in la notte ceca In la notte cionca sin’à ghjornu È p`un ghjornu… O Dumè o Muamè, O Dumè o Muamè, O Dumè, I picchi eletrichi in battaglia Listessi à quelli di a mitraglia O VITA, O VITA U focu mette in pulvina Centu macchje pampanute Ma in le ceppe radicute U suchju piglia è camina È camina. Compie un annu à mala pena Da stagioni troppu incertu In le lenze cori aperte À manu torna è sumena È sumena. Pè’ssa forza chè tù movi Quandu hè tempu di rinnovi Pè a vita in locu nudu O vita, o vita ti cantu è lodu. Cara una voce s’accheta Per ella hè sunata l’ora È pò fresca ch’innamora Un’antra nasce è si pesa È si pesa. D’un amore inseculatu Libru pare ghjuntu à fine À cantà e so matine Più chè mai n’emu fiatu N’emu fiatu. Pè’ssa forza chè tù movi Quandu hè tempu di rinnovi Pè a vita in locu mutu O vita, o vita ti cantu è lodu. |