 Pezz’à pezzi |
| A lumera Tutti quanti, chjuchi è grandi Ancu più che un serpu, ingrati Di la lumeruccia à l’ogliu Ci simu prestu scurdati L’emu lampata in l’anghjone Di un armadiu bughjicone È purtantu ci n’hà resu Servizii sta lumerella Da la camara à u fucone Hè tuccatu sempre à ella À corre la puverina Da u granaghju à la cantina O quanti belli ricordi Ch’emu di sta lumerella Ricordi di zitellina Di la nostra età più bella À lettu ci accumpagnava Zitta zitta è ci annannava Una sera di st’inguernu Sentu pienghje, hè bughju pagnu M’avvicingu in timiconi Per sapè cos’hè stu lagnu In mezu à suspiri è pienti Pobbi coglie sti lamenti « À i doli aghju assistitu À le feste à e canzunette À quelli ghjochi innucenti À i rusarii è le fulette È quantu n’aghju francatu Giovane da lu peccatu Sola sola à la bughjesca A lumera si sfucava Una à una e so ragioni In mè stessu l’appruvava Chì un ricordu lascià vogliu Di la mio lumera à ogliu Separazione E Sette Galere Nanna Di U Cuscione Scuttisce Antiche A Canzona Di U Trenu Lamentu D’amore Dal Paese Nativu Lamentu Di U Castagnu Paghjella Di Ghjuvan’Petru A Moresca A Mora Cantata Dio Visalvi Regina |