 Scelta Celta |
| TERRA CELTA Longhi l’anni chi si n’era partuta la musa Viaghjendu per lochi luntani assai Ma basto quell’arietta di caramusa Per ch’ella volti più bella chè mai Musica surella di Brittania a Gaella Un giardinu ch’ùn pianta mai di fiuri Corsa ferma a mio scelta, ma ti vulia di Terra celta maga quante tù si Mi ramentu quest’ore, ghjunghjia l’albore A ricercà meraviglie piattate M’hà guidatu Merlinu l’incantadore Per a furesta à u ballu di e fate Chjerchji di stantari, maestosi altari A’ssi dii antichi chi camponu qui Corsa ferma a mio scelta, ma ti vulia di Terra celta strana quante tù si Zilifrina ghjunta d’e culline d’lrlanda Mi murmucino millaie di fole Si strapponu tandu e nebbie sopr’à Brocelianda Svilendu i fulletti fughjendu u sole Bevii à a funtana di a fata Morgana Sete ormai ùn vulerà più fini Corsa ferma a mio scelta, ma ti vulia di Terra celta bella quante tù si Temu quelle stonde di lascià le to sponde Pena chi si sola à pudè guarri Corsa ferma a mio scelta, ma ti vulia di Terra celta cara quante tù si L’ARBURELLU Un scogliu persu à mezu u mare Terra di storia è di lotte amare Qui stanu i mei sott’e stelle chjare Qui spenghjeraghju l’ultime fiare Un arburellu aghju piantatu Quandu u mio primu figliolu hè natu Cù lu sicondu hé ingrandatu N’a stessa terra arradicatu Passonu l’anni in furia si Eri zitellu, oghje omu si Lu m’arburellu tamantu cusi S’hè fattu leccia pronta à fiuri Ch’hà da firmà in cinquant’anni D’u cantarinu, ricordi luntani Di la moi leccia ricca di verani Un testimoniu d’i tempi anziani Un scogliu persu à mezu u celu Locu di ghjocu quandu era zitellu Qui cù i mei si piatta un ghjuvellu A l’ombra di lu m’arburellu AMAZING GRACE Ripigliu: Amazing grace, how sweet the sound That saved a wretch like me; I once was lost, but now am found Was blind, but now I see. Tanti sonnii, tante speme in pulvina svaniti Cume murmoriu spentu Svulazzate e preghere, i prughjetti impazziti Funu spazzati da qualchi gattivu ventu Chjamai diavuli po dii, per mustrammi a via Chi mi purtava à tè Eru persu, cecu, à l’agunia Ma avà ci vecu bè Mi mancherà lu tempu per ringrazià lu celu A vita hè troppu lesta A fede per guidà lu mio tintu batellu Cume un fanale accesu di punta à a timpesta Oghje si, ghjocu à risa à ‘sse false prumesse Ch’ùn pudia gudè Aghju trovu la mio raggione d’esse Sè tù stai cun mè Ripigliu: Amazing grace, how sweet the sound That saved a wretch like me; l once was lost, but now am found Was blind, but now I see. Amazing grace, has set me free To touch, to taste, to feel; The wonders of accepting love Have made me whole and real. Was blind, but now I see. Was blind, but now I see. FIERA Vai tù ‘ssa dumenica in fiera? Petrusellu, è timu à suminà Saluta à quella chi cusi bella era Puru amore fù tempi fà Dilli di cosgemi qualchi curpettu Petrusellu, è timu à fà alzà Tissutu d’un filu di linu schiettu Puru amore tandu serà Dilli di dammi una lenza di terra Petrusellu, è timu à annacquà Trà di u mare smensu è la più alta serra Puru amore tandu serà Dilli di sigalla à sulane finite Petrusellu, è timu à furlanà Ch’in mazzuli e scope sianu addunite Puru amore tandu serà Vai tù ‘ssa dumenica in fiera? Petrusellu, è timu à suminà Saluta à quella chi cusi bella era Puru a more fù tempi fà TRE MARINARI Trè marinari arditi, tra la la … Trè marinari arditi si n’andonu à viaghjà Si n’andonu à viaghjà si, A viaghjà si n’andonu L’ambata ci purto, tra la la … L’ambata ci purto luntanu da mari indà Luntanu da mari indà si Da mari indà luntanu Ci messimu in questa, tra la la … Ci messimu in questa d’un portu per incurà Un portu per incurà si, Per incurà un portu In questu portu c’era, tra la la … In questu portu c’era una zitella cusi bella Zitella cusi bella si, Cusi bella zitella ‘Duve ci simu scontri, tra la la … ‘Duve ci simu scontri a bella mi dumando A bella mi dumando si, Mi dumando a bella In Niolu à a fiera, tra la la … In Niolu à a fiera, aviamu sceltu un annellu Era sceltu l’annellu si, Era sceltu l’annellu. Tri martolod yaouank, tra la la … Tri martolod yaouank i voned da veajin. NESSIE Un sonniu svigliatu, Un frisgiu lasciatu, Calisgina pronta à svani. Per’ssi lochi natu, Chi a ghjente di qui ‘Ssu nome t’hà datu Nessie Misteru piattatu, Da tanti nigatu, Eiu so ch’ lu mio core Vivu si. Da’ssa terra strana, Da scozia luntana, Hai incantatu la mio giuventu; Cunnoscu a to tana Cu lu lavu à l’insu, A fata guardiana Si tu. Quandu a sera arcana Di bughju s’impanna Sunnieghji à lu tempu chi fu. Di fole è magia, Lincantu nascia A u zitellu chi pinciula in me; Dolce a mio piazza A chi crede sapè ‘Ssu mondu bugia Oimè! Pace è allegria Li si deve vulè, Sunnia un cria Chi piacè! Mostru fantesia, Nessie, eiu vulia Ditti ch’eiu mi piace di crede in tè. BROCELIANDA Cume un’arca d’u legnu u più scuru Catedrale di quarci centenari Viaghjatore qui, piantati puru A u reame d’i guardiani stantari Qui, musiche so cume vadine Tutt’e pazzie citadine Ci s’anniganu in sarabanda Qui balla Brocelianda Lu ventu ci fischja a so cantata Berculendu dragoni addurmentati Qui vanu i fuletti cùn qualchi fata So guardiani di tesori piattati Qui in lu s’agrottu di granitu Merlinu sta insunulitu U silenziu solu cumanda Qui dorme Brocelianda Si dice chi qui ribomba u cantu Di qualchi battaglia antica via via Qualchi volta si, cum’un incantu Avalon si svela, meraviglia Tandu, in le mente stendenu l’ale Isse prudezze immemuriale Chi l’imaginariu dumanda Qui veghja Brocelianda Noi disciteremu’ssa memoria Assenta d’i libri di storia Eccu u segnu ch’ella ci manda Qui campa Brocelianda U SPECHJU À E FATE Per’ssi lochi di fole è di misteri, Se tù sai guardà U Populu di a furesta Ti puderà guidà, À l’ombra di l’Alburu d’Oru, Compie le spassighjate, Dorme qui un lavu chi si chjama U Spechju à e Fate. Lasci i to passi girandulà Nant’à la petra malba, Cùn mè veni à coglie l’acquata Quand’ella sbuccia l’alba; Qui si spusonu storia è fola, Tradizione intracciate Scritte in lettere di sciuma annant’ A u Spechju à e Fate. Ti portu à u Ponte d’i Sicreti Per coglie qualchi fiore, Quallà Lancelot è Ghenievra Svilonu lu s’amore. E grinze d’u tempu nant’i nostri Visi dissegnate Spariscenu quand’eiu ti guardu In lu Spechju à e Fate. Quandu seranu spente e sperenze, E li mio sonnii domi, Chi stancu seraghju di tutt’ E pazzie di l’omi, S’ella ferma in la mio ghitarra Sette note piattate, Mi n’anderaghju à fighjà lu mondu In lu Spechju à e Fate. A SPUSATA Tù ch’hè ghjuntu qui ascolta a mio rima Conta a storia d’u monte quallà Un capu di donna incù a so scuffia in cima Omu a chjama « a Spusata » impitrata tempi fa Era giuvanotta, povara cun mamma Cun poca robba per campà Ma cusi bella chi un sgio n’ebbe bramma La dumando é spusata si vulia appruntà « N’aghju fattu centu viaghji luntani Per ‘sse cuntrate da mare indà Oghje sà compii li pienti è l’affanni Ch’aghju trovu infine a donna ch’eiu puderia amà. » « Sà scalza è spugliata, a sorte hè crudela Ma lu m’amore prezzu ùn hà Chi lu mio core di tinta pasturella Vale tuttu l’oru chi eiu n’ùn vi possu dà:’ Quandu vinse l’ara di passà la porta Vidi nant’u strado quallà Una cavalcata ghjunta à falli scorta Cume s’ella fussi puru signora ad accumpagnà. Tandu a giuvanotta in cerca di dota Si messe à tuttu impacchettà Lascio a mamma in la casa armai biota Pienghjendu è lagnendusi di tant’infamità. Pavera vichjetta sola è disgraziata Senza più nunda per campà Mancu un addiu, è manc’una abbracciata Figliola cusi ingrata senzu un palmu di pietà Scema di dulore, di pienti abbagliata A mamma si messe à ghjastemà « Cor’ di petra, in petra fussi scambiata ! » Eccu a fola di a Spusata impitrata tempi fa. SE Se dumane sai tene curraggiu è fede Quandu in giru à tè ognunu i perderà, Mezu à l’avversità se in tè sai crede, Amparendu sempre più à dubità. Se i sonnii ùn ti piattenu realità, Se tù sai pensà, ma agisce dinù, E se tù scontri trionfu è calamità So dui impustori, ùn valenu di più. Se poi suppurtà di sente e to parolle Da un scemu pè ingannà d’altri scemi, Se custrui cù le to mani sole La to vita chi casca, n’ùn terni. Se tù poi perde l’oru di centu scummesse D’un colpu, cusi, senza suspiru vanu, Se tù sai amparà i sicreti di l’esse Senza mai diventà viulente o tiranu. Se poi furzà u to corpu, u to core A serve cume vita à mantene, Quand’ùn ci serà ch’issa fiara chi more A vulintà di di << Ci vole à tene >>. Se raggioni e folle senza perde ciarbellu Fermi umile cunsigliendu i rè, Se lu t’amicu li chjami Fratellu Senza ch’ellu sia tuttu per tè. Tandu li rè è li dii, furtuna è vittoria Ti seranu schjavi sottumessi à l’ormai, Ma cià chi vale assai più ch’i rè è a gloria, 0 figliolu caru, tandu omu serai. |