 Sott’a u turchinu |
| CANTU PA UN ADDIU A tè, chi u tempu tradisci A u ventu di l’anni, Quantu fiumi raghjoni Sò andati a u mari ? A tè, l’ultimu ghjornu U to pinseru mutu, Di cio chi fu amori Mori com’e un fiori A tè, u celi grisgiu D’un addiu senza ritornu, a tè … A tè, notti amara E chi faci silenziu Com’e una prisenza Ch’un ha alcun sensu… A tè, gattiva miseria Inde e case triste « Un pezzu di tarra a u soli Di pani a sumina… » A tè, immensita Di la vita tradita, a tè… A tè a dulci staghjona Di issu mondu lighjeru U to teneru cantu Fighja l’alba matura A tè, u lindumani Di li cunfini più chjari E issa verità chi nasci In cori di i to mani… A te, libartà Di l’idea carizzata, a tè… E PO MORA E po mora di i to sogni, Com’e una vela chi s’offri a u ventu ! E po mora quandi u tempu Soffia una aria di luntani viaghji ! Mora a l’ultimu ghjornu, Stancu d’essa oramai, Mora di i to sogni ! E po mora u cori mutu, Com’e un aceddu sa perda a vita ! E po mora in u ricordu , Ch’in u silenziu un fiori sbuccia ! Mora a l’ultimu meziornu, Solu tra u celi e u mari, Mora u cori mutu ! E po mora nant’a i to labbri, Com’e un cantu di pramavera ! E po mora di i to lacrimi, Ch’innacquarani a labarta ! Mora a l’ultima sera, Fieru di u tempu chi nasci, Mora nant’a i to labbri, Mora e po mora ! AVARA Mentri chi u tempu passa E si cascani l’ori, In l’abissi citesti, Di l’eternu anda… Mentri chi corri l’acqua D’impazziti batteddi A i foli di veli Di l’éternu naviga… Ma avara, avara u tempu Di fa crescia a to vita Avara issu tempu, issa stonda maraviglia… Ma avara, avara u tempu Di fa nascia l’armunia. Ava issu tempu, la stonda maraviglia … Mentri chi si tomba amori In un crudeli silenziu Chi lu mondu si mori E di l’eternu pientu… Mentri chi tu camini E in fronti a l’avveni Si fughjani i to passi Di l’eternu brama… Ma avara, avara u tempu Di fa crescia a prumessa Avara issu tempu, issa stonda maraviglia… Ma avara, avara u tempu D’accitta quidda carezza Avara issu tempu, a stonda maraviglia… EPICA CHI CASCA Tarra di e suffrenzi muti a la paci di ssi visi, A l’ombra di i to passioni indu rinasci a fratiddenza. Ma quali sara issu batteddu a l’alma avinturosa, Aspittendu u ventu nant’a l’immensità… A u tempu di a battaglia in pedi a l’ultima fanga, Dulori e rimori d’una epica chi casca ! A i puteri senza primura pà l’angoscia di i to anni, E a issi fiori sbucciati a l’alba libarata !… Celi di i turmenti e culori di sangui, A l’ombra di u to cantu d’armunia naturali. Ma quali sara u prezzu di ssughjoccu maladettu, E po sunia ghjorni novi fà piazza a l’arcubalenu… Patria di ssi staghjoni a la fedi di l’orizonti, A l’ombra di i to silenzii indu rinasci a spiranza. Ma quali sara issu gran diu prumittendu l’ori piu beddi, D’un viaghju cusi longu a i cunfina universal… A u tempu di di quidda battaglia in pedi a l’ultima fanga, Dulori e rumori d’una epica chi nasci ! A i puteri d’ogni primura e l’angoscia di i to versi, E a issi fiori cascati pà l’alba libarata ! U Cecu Traditu Tali u cecu a l’appiattu di li sò ochja chjusi chi trascina u so cori in vanu come un pesu a so vita he misera e stranu lu senzu in l’abissu di a note, si perdini i sò chjami.. Un vechju ribombu si svighja in a sò menti In a sò anima fida s’allughja u ventu Una lacrima pura, cascata a l’adisperu e senti in u sò pettu sfucassi a pientu… Quiddu velu d’ingannu chi piattaia lu sò visu Incù l’assaltu di u tempu e sparitu una volta E a malincunia, chi u sò cori avia accoltu Ha postu in u sicretu un eternu surrisu… E po quandu l’atrachju allarga l’orizonti E chi s’alza u cantu sicuru di a tarra una spiranza muta, trà i monti e a sarra in un ultima prighera abbiuccia a notti Ma di u cecu traditu, voddu cantà la storia A issu celi stiddatu, tristu TARRA NATALI I to idei corrinu sempri pa issu celu Ma fighjola muti so l’anni chi vani ! E issu mari a l’orizonti oscurati Un he tempu cumpagnu marinaru ! Pa lu sognu di la tarra natali Pa lu fiori di l’immurtale paci Pa lu soffiu di la patria attuali ! I to veni battinu sempri d’ardori, Pa u sensu d’una strada chi s’apri ! E issa fedi a i cunfina mistiriosi, Pa l’abissu di i gluriosi viaghji ! Pa lu muscu di la tarra natali, Pa l’eternu di l’immurtale paci, Pa l’innu di la patria attuali ! Una vela di biancu e di neru, Tistimonu di u tempu chi fu ! A u tempu d’ochji chi ti sfida, Com’e u sognu dopu a prighera ! Pa l’alma di la tarra natali, Pa la prova di l’mmurtae paci, Pa la vita di la patria attuali ! Vultarani he sicuru dumani, I gran venti sinceri di libarta ! Andarani pa l’immensita. Issi bateddi missaghjeri d’eternita ! Pa l’amori di la tarra natali, Pa lu raghju di l’immurtale paci, Pa l’avveni di la patria attuali ! ACCITÀ Vedi a sera sparghji i so fiori, Nant’a u mari in prighera, Indu morini i rimori. Chjudi l’ochji di i to dulci stondi, Po lachi andà pa sempri issu batedu ! Accitta u tempu un si po firmà U teneru tempu si n’ha da vultà ! Vedi u soli sparghji i so raghji, Da supra u mondu chi diventa tontu. Chjudi a menti di i to vani idei, Po lachi andà pa sempri issu viaghjatori ! E ascolta u ventu lachati purtà, Issa voci di u ventu t’ha da insegnà ! Vedi a vita ogni tantu he un fiumu, Un fiumu di spiranza, Ch’un po andà a u mari, Apri u cori davant’’a sta miseria, Po lachi andà pa sempri a to pena ! Accitta u distinu ancu s’iddu he crudeli Issu ghjornu mischinu he la so tristezza PRINCIPESSA Eccu u mumentu nu i tempi, Cio chi si pienghji e mai un volta ! In qual silenziu qual miludia, Circà l’incantu di issi ricordu ? Principessa a u sguardu di rena, A u to Manteddu di soli ! Teni ormai issi lacrimi di sali, Com’e passaghju di a timpesta ! Nunda he firmatu pa cunsulà, L’attrachju di i to pennuli-chjusi ! Vicinu a u mari dulci a mora, Si he compia tutta una eternità ! Principessa nantu a i to labbri tristi, Si po leghja l’unica critezza, Ch’e tu brami a divina carezza, Urfanedda di l’alti cunfini ! Addiu a te stedda luntana, Di u gran libru di l’universu ! Chi « Fatum » ha incitatu, Un segnu stranu in a to storia ! Ma principessa se di a me vita, U più beddu fiori di nustalgia ! Ch’eu un pudaraghju mai veda nascia, Un ghjornu in cori di e me veni ! SETI Seti un ventu scemu chi abbaghja a l’universu Pò issu celi incertu fattu d’ora e di ghjornza ufferti Seti u silenziu stiddatu chi fighjola u mondu malatu Di la notti prufonda di i nosci passi sviati… Seti di issa fedi chi cursuma u tempu A scatina i mari di l’amari distini Seti a mani nant’a a bucca, E l’ochju oscuru… Seti di issa tarra a i cunfina tanti sfarenti Una idea cumuna chi susteni ugni prighera Seti di a fraccia fideli chi vi porta a l’indumani Pò un tonu maestru da impona a so manera… Ma seti di issa vita chi mori com’e un fiori Appena tocca quandi u regnu he finitu Seti una foglia in a timpesta Una ombra smarita… SOTT’A U TURCHINU Capu in ventu e pedi in a rena, Mistiriosa cità di l’eternu ! « Deo juvante » divisa he toia Diu salvera a to pena ! Strulungi oramai quiddu mari Pa scopra ogni tantu a mancanza ! Sott’a u celi sirenu di u tempu d’eri Di issa anima persa nant’a l’immensità ! U dulori schiarisci a notti senza stedda E u gran ventu strascina in vanu a so miseria ! Ma tu sai chi u largu di stu mari Posu nant’a un linzolu di sciuma Un aceddu migratori si sazzia Di l’amori di u to cori ! Viaghja u cantu di di l’assenza sott’a u turchinu L’ultimu ghjornu nant’a i to mani di a rialita ! In l’immensu meziornu di a malincunia Com’e un segnu culori di una vita incerta ! Riturnedda sculurita da i stondi muti Ottobri he qui e sippilisci a to vita ! Bandera svinturata da quiddi offesi A i culori di libarta e di pena ! U dulori schiarisci a notti senza stedda E u granu ventu un soffia più drintu a vela ! Ma tu sai chi u largu di stu mari Posu nant’a un linzolu di sciuma Un aceddu migratori sisazzia Di l’amori di u to cori ! INNU A L’ADDISPERU Anderemu dumani, Nant’a i ruvini di u tempu d’oghji ! Cio chi ferma ? Un hè più che rimori, A l’orizonti di l’ultimi passioni ! Vidaremu dumani, Nascia u sangui nant’a u to pani ! E luccica ! L’oru annant’a l’oru, A l’orizonti d’ogni grandi palazzu ! Issu tempu veni silenziosu e seriu, Annigaci di u so puteri ! A lacaci in cori una offesa, Oramai una traccia eterna ! Scrivaremu dumani, In u scumpigliu di a noscia storia ! Issi paroli di l’ultimu amori, A l’orizonti di a verità crudeli ! Chi dumani ha lu muscu, D’un addiu a l’eternità ! I to brami di l’ultima unità, A l’orizonti di u nosciu mondu ! Issu tempu veni silenziosu e seriu, Annigaci di u so puteri ! A laccaci in cori una offesa, Oramai una traccia eterna ! L’OFFESA MUTA Amaru destinu, Angusciosu abissu, Di u silenziosu puteri, Chi troppu pesu t’ha missu ! Eterna armunia, Di a notti divina, Chi faci matura u tempu, E da un sensu a la to vita ! Ma suffrenza t’imponi, Onori e pietà pa l’alma tradita ! E spiranza ti porta, A libartà di l’alba vicina ! Ventu schirzosu, In cori d’ogni ghjornu, Chi mughja a l’universu, Tutti l’idei persi ! L’offesa hè muta, A la tarra materna, Ma sola a to cuscenza, Po scambià u so versu ! Ma cridenza t’imponi, A fidelta di l’anni ufferti ! E pacenza ti porta, A verità di l’ora sublima, Pa a patria ! |