 U mondu a rifà |
| U MONDU A RIFA Senti ci so li versi novi Ch’ellu ci vole à àmpara Chi danu tanti culori Nantu a strada di lu campà Ci hè sempre u caminu a piglià Un amore a ritruvà Una manu chi si strigne Un avvene chi si dice Ma ci he sempre lu mondu a rifà Cume tanti anni fà Senti alzemu torna la bandera Da pudè arricurdassi Ch’ella era cusi bella a prumessa Chi guidava i nostri passi Era cusi bellu lu cantu Chi chjamava tanta ghjente Incù lu core tamantu Per beie à listessa surgente Ma ci he sempre lu mondu a rifà Cume tanti anni fà Si pesa diggià una alba nova Per schjarice a nostra via A nostra vita Ma ci he sempre lu mondu a rifà Cume tanti anni fà MANU IND’A MANU O anto cumu stai Mi pari à pena stancu Un hai più quellu surrisu Di a nostra zitellina U to sguardu hè tristu Un hè bella a to vita Ma ùn piengne più E piglia a mio manu Veni incù mè t’aiuteraghju Manu ind’a manu Cume quande no eramu zitellu O anto guarda sti lochi Chè no ritruvemu inseme Rivecu dui amichi Chi correnu in lu ventu Ti ne arricordi qui Di tanti ghjoci fatti Quante volte avemu Striddatu qui Veni incù mè t’aiuteraghju Manu ind’a manu Cume quande no eramu zitellu O anto ti ne vai A ritruvà la notte Chi si hè calata Nantu a lu to core Hè vera u tempu passa Sempre à spiccà le strade Di quelli chi si so Tenuti cari A FIACCULA VIVA U core U core chi ci vole per campà Quellu chi hé fattu per trimà Quellu chi ùn ha mai riposu Quandu u tempu hè acquosu Chi batte sempre senza sfiatà U fiatu U fiatu chi ci vole per luttà Quellu di tanti anni fà Quandu u tempu era focu E ch’un ci era nisun locu Per pudessi arripusà U locu U locu induve ci so i mei Quelli tesi e quelli in pede Quandu l’inguernu ùn ci he un fiatu Quandu si conta ogni malatu Ogni morti ogni natu Hé natu Hè natu oghje una surgente Quella ch’aghju lettu in la ghjente Quella chi cresce e piglia forza Chi cunsola e rinforza Quella chi un hà nisuna primura Si a pelle hè bianca o negra scura Quella chi ùn volta mai un spinu O di nutata o di matina Quella chi si chjama speranza MARIA Maria si lagna è Maria piegne Nantu à le so mani u so visu piattatu Maria marchja sola ind’a villa persa L’amore s’hè mortu Maria striddà Ma ghjè cusi Maria hè sempre cusi Quellu chi resta hè solu in lu mondu Lu mondu ride Maria lu mandu piegne Hè sempre cusi chi ghjè fatta la vita Trista Maria Maria sola avà è Maria pensa Cun sta pena chi strigne lu so core Maria rivede e stonde e più belle Solu lu tempu t’aiuterà Maria Ma ghjè cusi Maria hè sempre cusi Quellu chi resta hè solu in lu mondu Lu mondu ride Maria lu mandu piegne Hè sempre cusi chi ghjè fatta la vita Trista Maria Maria pianu pianu lascia parte a pena Nantu a e so labre rinasce u surisu Maria ù sà perche si riface bella Davanti à lu so spechju Maria canta Ma ghjè cusi Maria hè sempre cusi Un hè chè lu tempu chi face capi Chi lu mondu ride Maria lu mondu piegne Chi ci vole à lutta è campà Maria CANZONA PER SILVIA Hè nata hè una regina Hè ghjunta sta matina Una stella turchina Per scharisce la mio vita Mi piace a so risata digià Dormi dormi ciucciarella Si tù la piu carella A mio strada nuvella Scubreremu altre cità Andemu subbitu avà Aghju tantu à amparà Tanti lochi à curà Cun tè Silvia MILLE BANDERE Mille bandere so cascate Mille bandere abbandunate Trascinate ind’una storia Perse in la memoria Da lu mio core a pace tolta Populu corsu senza rivolta Firmatu mutu da tanti lagni Feritu da tanti mallani Mille bandere so cascate Mille bandere smenticate Rivecu sempre stu zitellu Spaventatu da stu macellu Dimmi perchè nunda un si face Un si truverà mai piu pace I to figlioli assassinati Da sti banditi ammazzati Mille bandere so cascate Mille bandere abbandunate So solu qui cercu a capi Corsica ribella induve si ? MAMMONA Calata nantu à una cherea Vicinu à lu carminu Cù lu so paternostru Prighendu lu so Diu Stanca si mammona è eiu ti guardu E pensu à la to vita Chi tanti anni so passati Chi tanti anni so passati Guardi passà l’ora è li ghjorni Senza mai ùn di nunda Listessi gesti è passi E listesse prighere Quantu volte hai vistu casca a neve Natu à le to muntagne Quantu lacrime hanu bagnadu Mammona le to labre Ma oghje a cherea hè viota E spentu lu carminu Solu hè lu paternostru Chi lu to Diu t’hà chjamatu MISERE MINI MEI RITORNU IN PAESE Morenu e nostre tradizione Un paisolu in lamaghjoni Per via di l’evoluzione Per via di u progressu Ritornu in paese Per pude campà A l’antica manera Luntanu da sta sucietà Rinasce a mo vita u piacè di campà Cume l’antichi In pace e in libertà Morenu i nostri vechji casoni A mezu à ste custruzioni Per via di a spluttazioni Per via di u prugressu Ritornu in paese Per pude campà A l’antica manera Luntanu da sta sucietà Rinasce a mo vita u piacè di campà Cume l’antichi In pace e in libertà Ma cresce una speranza Chi cumencia a ingrandà Ma cresce in lu core A flamma di a liberta U populu hè stancu di e falsità E li corsi so pronti Pronti a riturnà Tutti in paese CANTA Canta falsu cumè l’Albinu Canta male cum’i Muvrini Cumè Tina Marchesi Trista cum’è fine di mesi Canta canta canta Jacky et Maryse Nicolai So voce chi sbonden’i casali A voce di Jean Paul Poletti Stacca anch’e deghje di teti Canta canta canta Canta falsu ma canta Canta cum’Eric Mattei i clienti scapanu sei a sei Canta cumè Feli Chi facce casca tutt’i pelli Canta canta canta Canta cumè Guelfucci u disgraziatu Pare un discu arrigatu O cumè Pascal Costa Quellu chi ha un timbru di posta Canta canta canta Canta falsu ma canta Canta cumè Patrick Fiori Mi pare un basettu di fiori O cumè Antoine Ciosi Chi rende tutt’i cani ghjelosi Canta canta canta Canta pianu cum’a Filetta Un ci vole micca ave l’arrechja stretta O cum’u gruppu Orizonte Chi pena in capu in fronte Canta Canta canta Canta falsu ma canta Canta bène cum’i Mantini So elli i piu belli i piu fini Elli un so ancu coti Cantanu cinquanta milla volta megliu chi Pavarotti Elli si chi ponu canta canta canta |