 Ver di casa |
| Paese,paese A voce di u destinu U sognu di a mamma L’idea di u vulta Ver di casa Perla di u tirrenu Guarda Dispacci di l’altru mondu Calasima Matinata corsa Muvra Corsa Nant’à l’elpe è le petrichiccie Cù la neve chì vole incantà È le creste avvacinaticcie Di lu Cintu à Rutondu à cullà Quassù ci hè mintrastu è trifogliu È li quatru venti à incurnà. Scappi lesta à cateru à collu S’omu ti vole avvicinà. Muvra corsa cum’è ind’e fole U to nome hè Libertai. Muvra corsa da l’altu sole Chì esempiu ch’è tù ci dai! Nè Rumani nè Ghjenuvesi Ùn ti pobbenu impastughjà, Nè Sarracini nè Francesi. Ch’in la manu ùn ti piace à manghjà Stattine quassù pè isse zenne Induv’elli ùn ti ponu piglià. Guai à chì seguita e tintenne Guai à chì si lascia ingannà Muvra corsa cum’è ind’e fole U to nome hè Libertai. Pè Renosu è Valduniellu Salta sempre lu to muvrellu Muvra corsa da l’altu sole Chì esempiu ch’è tù ci dai! Dumane U cavallu ariottu ughjuleghja morte Sopra à li paesi à spinta fulena U libecciu soffia da muntagna à rena Ghjura dinù ellu: ‘maladetta sorte !’ Ma si oghje stringhje l’amaru dimognu Forse chì dumane sbuccerà veranu È la spica fiera purterà lu granu Libertà chè nasce fiurisce lu sognu Dumane la lingua piglierà pretesa Di l’anima corsa vestuta da sposa Dumane la scola senza piatta cosa Insegnerà la storia di l’antica offesa Dumane l’accellu canterà speranza È l’alburu novu chjamerà ritornu Dumane più chjaru s’alzerà lu ghjornu È da iss’alba rossa nascerà cuscenza Dumane feremu mondi è maravigli Da lu boscu à lu pianu, da li monti à l’onda Si dumane a sorte vole girà tonda Corsica la inviglia ne ferà dumane ! |